ரயிலில் அடிபட்டு யானைகள் பலி

கார்த்திக் · கார்த்திக் Sun Sep 26, 2010 5:18 pm

இந்தியாவின் மேற்கு வங்கத்தில் ரயிலில் அடிபட்டு 7 யானைகள் கொல்லப்பட்ட சம்பவம் குறித்து இந்திய அதிகாரிகளை அடுத்த வாரம் தான் சந்தித்து பேசவுள்ளதாக இந்திய சுற்றுச் சூழல் மற்றும் வனத்துறை அமைச்சர் ஜெய்ராம் ரமேஷ் கூறியுள்ளார்.

கடந்த மாதந்தான் அவர் யானைகளைத் தேசிய பாரம்பரிய விலங்குகளாக அறிவித்திருந்தார்.

இந்த விபத்துக் குறித்து தான் அதிர்ச்சியடைந்துள்ளதாக அவர் கூறியுள்ளார்.

இரண்டு குட்டி யானைகள் தண்டவாளத்தில் மாட்டிக்கொள்ளவே ஏனைய யானைகள் அவற்றை மீட்பதற்காக முயற்சித்துக் கொண்டிருந்ததாகவும், அப்போது வேகமாக வந்த ரயிலில் அடிபட்டு அவை இறந்ததாகவும் செய்திகள் கூறுகின்றன..

BBC செய்திகள் .