தமிழனுக்கு குவார்ட்டர் கட்டிங்?

கார்த்திக் · கார்த்திக் Mon Sep 20, 2010 9:28 pm

"தமிழ் படம் எடுக்கறவுங்க எவ்வளவு புத்திசாலிங்களா இருக்காங்கப்பா... புல்லரிக்குது"

"அதான் தெரிஞ்ச விஷயமாச்சே...மன்னாரு... இப்பெல்லாம் அவங்க தமிழ்ப்பற்றையும் அப்பப்ப காட்டுறாங்களே..."

"இதக் கேளேன்... இப்ப 'வ' அப்படின்னு ஒரு படம் தமிழ்கூறும் நல்லுலகத்த குஷிப்படுத்த வந்திட்டு இருக்கு"

"படத்தோட முழுப் பேர் என்னப்பா... "

"நானும் இதே ஆர்வக் கோளாறுல... கால் டாக்சி புடிச்சு ஊர் ஊராக் கேட்டேன்... முழுப் பேரே அதானாம்"

"அட... வித்தியாசமா இருக்கே... ஏதாவது பொடி வெச்சிருக்காங்களா..?"

"பொடி இல்ல... பொடிக் கடையே இருக்கு... வ அப்படீன்னா அடி நாக்குன்னு அர்த்தமாம்... அகராதியத் தொறந்து பார்க்கச் சொல்றாங்க... இது கூட தெரியாம தமிழ்நாட்டில இருக்கியேன்னு கேலி வேற..."

"எப்படியொரு கண்டுபிடிப்பு.... அந்தத் தலைப்பு வெச்சவருக்கு வருங்கால சந்ததிகள், திருவள்ளுவருக்குப் பக்கத்துல சிலை வெப்பாங்க... ஓர் எழுத்தில் உலகை அளந்த உத்தமனேன்னு பட்டமும் கொடுப்பாங்க..."

"இப்போதைக்கு வரிவிலக்கு கொடுத்திருக்காங்க... மத்தது அப்பறம் நடக்கலாம்... ம்... அந்தப் படத்தப் பத்தி சொல்லுறதுக்கு இன்னொரு மேட்டரு இருக்கு... ஆனா அது இங்க வேணாம்"

"சரி விட்டுடு மன்னாரு... நம்ம வேலையைப் பார்ப்போம்..."

"ம்.. நேத்து மேட்ச்ல நீ சொன்னதுதான் நடத்திருக்கு போல... ஏதாவது பிக்ஸ் பண்ணிட்டியா மங்கி"

"அதெல்லாம் இல்ல மன்னாரு... நாம சொல்றத தவிர வேறென்ன நடக்கும்? எல்லாம் கணிப்புத் திறமைதான்... ஆனா, மும்பைகாரங்க பாவம் மேட்ச்ல ஜெயிச்சாலும் ரன்ரேட் இல்லாததால அரையிறுதிக்குப் போகமுடியாது... பெங்களூர்காரங்க நேத்து தோத்தாலும் ரன்ரேட் அதிகமாக இருக்கறதால மேல போக வாய்ப்பிருக்கு... என்ன கொடுமை பாரு..."

"உண்மையிலேயே பாவம்தான்..."

"இன்னிக்கு மேட்ச்ல வயாம்பா அணியும், விக்டோரியா அணியும் மோதறாங்க... இந்த ரெண்டு அணியும் ஆட்டத்த விட்டு இதுவரை வெளியேறல... ரெண்டுக்குமே அரையிறுதி வாய்ப்பிருக்கு..."

"அதெப்படி?"

"வயாம்பா ரெண்டு மேட்ச் ஆடி ரெண்டிலேயும் தோத்திட்டாங்க... மீதி இருக்கற ரெண்டு மேட்ச்சிலேயும் பெரிய வித்தியாசத்திலே ஜெயிச்சா அவங்க செமி போக வாய்ப்பிருக்கு.... அதே போல ஏற்கெனவே ஆடின மூணு மேட்ச்ல ரெண்டுல விக்டோரியா ஜெயிச்சிருக்காங்க... இன்னிக்கு ஜெயிச்சு ரன்ரேட்டையும் உயர்த்தினா அடுத்த ரவுண்டுக்கு போகலாம்... ஆனா மற்ற போட்டி முடிவுகளைப் பொறுத்துத்தான் எதையும் சொல்ல முடியும்"

"ஓகோ... விக்டோரியாதான் சென்னையை அடிச்சாங்களே... இன்னிக்கும் ஜெயிச்சிருவாங்களா"

"சான்ஸ் இருக்கு... சிடில், நான்னஸ் நல்ல ஃபார்ம்ல இருக்காங்க...ஃபின்ச், ஹஸ்ஸி எல்லாம் இப்ப நல்ல ஆடறாங்க... வயாம்பா டீம்ல ஜெயவர்த்தன தவிர சொல்லிக்கற மாதிரி எதுவுமில்ல... அதனால ரசிகர்கள் எல்லாரும் விக்டோரியாவுக்குத்தான் ஓட்டுப் போட்டிருக்காங்க..."

"பார்த்து....குவார்ட்டர் கட்டிங் வாங்கிட்டு... யாராவது கள்ளவோட்டுப் போட்டிருக்கப் போறாங்க..."