டெல்லி விமானத்தில் ஏற முயன்ற போதை நபர் கைது

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

டெல்லி விமானத்தில் ஏற முயன்ற போதை நபர் கைது

#372111

நவீன்
வி.ஐ.பி: பதிவுகள் : 4665
இணைந்தது : 29/05/2009

Post நவீன் Thu Aug 19, 2010 6:18 pm

டெல்லி விமானத்தில் ஏற முயன்ற போதை நபர் கைது Tamil-crime-news-1574

சென்னை : ஏழு அடுக்கு பாதுகாப்பையும் மீறி விமான நிலையத்துக்குள் போதை வாலிபர் நுழைந்ததால், அதிகாரிகள் மற்றும் போலீசார் அதிர்ச்சியடைந்தனர்.சென்னை உள்நாட்டு விமான நிலையத்தில் இருந்து டெல்லி, மும்பை செல்லும் விமானங்கள் நேற்று மாலை புறப்பட தயாராக இருந்தன. அப்போது தள்ளாடியபடி வந்த ஒரு வாலிபர், டெல்லி செல்ல இருந்த ஜெட் ஏர்வேஸ் விமானத்தில் ஏற முயன்றார். அவரை ஊழியர்கள் பிடித்து விமானநிலைய பாதுகாப்பு அதிகாரியிடம் ஒப்படைத்தனர்.விசாரணையில், மடிப்பாக்கத்தை சேர்ந்த செருப்பு தைக்கும் தொழிலாளி கிருஷ்ணமூர்த்தி (27) என்றும், விமான நிலைய கட்டுமான பணியில் ஈடுபட்டுள்ள தொழிலாளர்கள் செல்லும் கேட் எண் 1 வழியாக விமான நிலையத்துக்குள் நுழைந்ததும் தெரிந்தது. இதையடுத்து கிருஷணமூர்த்தி விமான நிலைய போலீசாரிடம் ஒப்படைக்கப்பட்டார். அவரை போலீசார் கைது செய்தனர். இதுகுறித்து போலீசார் கூறியதாவது:சுதந்திர தின விழா முன்னிட்டு விமான நிலையத்தில் 7 அடுக்கு பாதுகாப்பு போடப்பட்டுள்ளது. கேட் எண் 1ல் எந்திர துப்பாக்கியுடன் மத்திய பாதுகாப்பு படை வீரர்கள் பணியில் இருப்பார்கள். நன்கு சோதித்த பிறகுதான், உள்ளே அனுமதிப்பார்கள். ஆனால், கிருஷ்ணமூர்த்தி எப்படி உள்ளே நுழைந்தார் என்பது புரியாத புதிராக உள்ளது. அங்கிருந்த பாதுகாப்பு படை வீரர்கள் என்ன செய்து கொண்டிருந்தார் என்பது குறித்து விரிவாக விசாரணை நடத்தப்படும். இவ்வாறு போலீசார் தெரிவித்தனர்.

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1