போலி வாக்காளர்கள் கண்டறிந்தால் இரண்டு ஆண்டு சிறை உறுதி

நவீன் · நவீன் Thu 19 Aug 2010 - 15:03

சிவகங்கை: வாக்காளர் பட்டியலில் போலிகளை கண்டறிய புதிய மென்பொருள்
பயன்படுத்தப்பட உள்ளது. இதில் கண்டுபிடிக்கப்படும் போலிகளுக்கு சிறை
தண்டனை காத்திருக்கிறது. கடந்த ஜனவரி 1 ம் தேதியை தகுதி நாளாக கொண்டு,
வரைவு வாக்காளர் பட்டியல், கடந்த மாதம் வெளியிடப்பட்டது. மாவட்டத்தில்
உள்ள நான்கு தொகுதிகளில், பல இடங்களில் போலி வாக்காளர் சேர்த்திருப்பது
கண்டுபிடிக்கப்பட்டது. மாவட்டத்தில் ஒன்றுக்கும் மேற்பட்ட இடங்களில் பெயர்
சேர்த்தவர்களை நீக்க, கம்ப்யூட்டரில் தனி மென்பொருள்
பயன்படுத்தப்பட்டது.குளறுபடி: இதன்படி பெயர், தந்தை பெயர், வயது ஒரே
மாதிரி இருந்தால், அந்த பெயர் அடையாளம் காணப்படும். ஆனால், கம்ப்யூட்டரில்
ஒருவரது வயது உள்ளிட்ட சில மாறுதல் இருந்தால் அந்த பெயரை, கம்ப்யூட்டர்
கண்டுபிடிப்பதில்லை. இதனால் போலி வாக்காளர்களை கண்டறிவதில் பின்னடைவு
ஏற்பட்டது.புதிய முறை: இக்குறையை களைய தேர்தல் கமிஷன், புது மென்பொருளை
அறிமுகம் செய்ய உள்ளது. இந்த முறையில் வேறு பாகம், தொகுதிகளில் ஒரே பெயர்
இடம் பெற்று இருந்தால், அவை எளிதில் அடையாளம் காணப்படும். பெயர் சேர்க்க,
நீக்க, திருத்தம் செய்வதற்காக கொடுக்கப்பட்ட மனுக்கள் மீது, தற்போது ஆய்வு
நடக்கிறது. இதற்கு பின் போலிகளை கண்டறியும் பணி துவங்கும். இதில்
கண்டறியப்படும் போலி வாக்காளர்களுக்கு, தேர்தல் விதிகளின்படி மூன்று மாதம்
முதல் இரண்டு ஆண்டு வரை சிறை தண்டனை; அபராதம்
விதிக்கப்படும்.காரைக்குடியில் 2,02,130; திருப்புத்தூரில் 1, 99,315;
சிவகங்கையில் 1,97,029; மானாமதுரையில் 1,95,120 வாக்காளர்கள் உள்ளனர்.
பெயர் சேர்க்க 47,932 பேர் விண்ணப்பித்துள்ளனர். இதில் எத்தனை பேர்
தேர்தல் கமிஷனின் நடவடிக்கையில் சிக்க போகின்றனர் என்பது, ஓரிரு
மாதங்களில் வெளிச்சத்திற்கு வரும்.தேர்தல் அதிகாரி ஒருவர் கூறுகையில்,
""சிலர் வேறு இடத்திற்கு மாறும் போது, பழைய இடத்தில் உள்ள பட்டியலில்
பெயரை நீக்குவதில்லை. இதனால் இரண்டு இடங்களில் பெயர் உள்ளது. சிலர்
வேண்டுமென்றே இரு இடங்களில் பெயர் சேர்க்கின்றனர். இவர்கள்
கண்டறியப்பட்டு, கிரிமினல் நடவடிக்கை எடுக்கப்படும். இறுதி வாக்காளர்
பட்டியல் துல்லியமாக தயாரிக்கப்பட்டு, போலி வாக்காளர்கள் நீக்கப்படுவர்,''
என்றார்.

தமிழ் · தமிழ் Thu 19 Aug 2010 - 15:14

போலி ஓட்டு போட்டா புடிக்க மாடிக்குறாங்க. என்ன கொடுமை இது

அன்பு தளபதி · அன்பு தளபதி Thu 19 Aug 2010 - 15:17

எனக்கு இன்னும் ஒட்டு போடுற வயசு வரலை

**பிளேடு பக்கிரி** · 01/03/2010

maniajith007 wrote:எனக்கு இன்னும் ஒட்டு போடுற வயசு வரலை

பார்த்தாலே தெரிது.. நம்பிட்டோம் சிரி

அன்பு தளபதி · அன்பு தளபதி Thu 19 Aug 2010 - 16:13

பிளேடு wrote:
maniajith007 wrote:எனக்கு இன்னும் ஒட்டு போடுற வயசு வரலை

பார்த்தாலே தெரிது.. நம்பிட்டோம்

உங்களுக்கும் சேர்த்து சொன்னேன் நண்பா இப்போ நம்புறீங்க தானே

**பிளேடு பக்கிரி** · 01/03/2010

maniajith007 wrote:
பிளேடு wrote:
maniajith007 wrote:எனக்கு இன்னும் ஒட்டு போடுற வயசு வரலை

பார்த்தாலே தெரிது.. நம்பிட்டோம்

உங்களுக்கும் சேர்த்து சொன்னேன் நண்பா இப்போ நம்புறீங்க தானே