நதிகளை இணைத்தால் இந்தியா உலகில் முதன்மையாக மாறும்: நா.மகாலிங்கம்

பொள்ளாச்சி,

நதிகளை இணைத்தால் அடுத்த 10 ஆண்டுகளில் இந்தியா உலகில் முதன்மையாக
தேசமாகும் என்று, சக்தி குழுமங்களின் தலைவர் நா.மகாலிங்கம் தெரிவித்தார்.÷சக்தி
சர்க்கரை ஆலை துணைத் தலைவரும் நிர்வாக இயக்குநருமான ம.மாணிக்கத்துக்கு
தமிழ்நாடு வேளாண்மைப் பல்கலைக் கழகம் சிறப்பு முதுமுனைவர் பட்டம்
வழங்கியதற்காக, சக்தி குழுமங்கள் மற்றும் பொள்ளாச்சி பொதுநல அமைப்புகள்
சார்பாக பாராட்டு விழா பொள்ளாச்சியில் புதன்கிழமை நடந்தது. இவ்
விழாவுக்குத் தலைமை வகித்த நா.மகாலிங்கம் பேசியது:÷சிறப்பாக வாழ
வேண்டுமானால் ஏற்ற இறக்கங்களைச் சந்திக்க வேண்டும். வாழ்க்கையின்
உயரத்துக்குச் சென்று சரிவைச் சந்திப்பது இறைவனின் விருப்பம். அப்போதும்
திடமாக இருந்து செயல்பட்டால் வெற்றி பெற முடியும்.÷அரசு தலையீடு
இருப்பதால் சர்க்கரைத் தொழில் இப்போது நஷ்டத்தில் உள்ளது. வெளிநாடுகளில்
சர்க்கரை விலை அதிகமாக உள்ளது. அரசு விவசாயிகளுக்குத் தேவையான விலையைத் தர
வேண்டும்.÷நமது நாட்டில் 120 கோடி மக்கள் உள்ளனர். அதில் 30 கோடிப்
பேர் ஏழைகள். நதிகளை இணைப்பதற்காக பாஜக அரசு ஒரு திட்டம் கொண்டு வந்தது.
அதன்பின் வந்த காங்கிரஸ் அரசு தென்னக நதிகளை இணைப்பதாகக் கூறியது.
இரண்டாம் முறையாகவும் பதவியில் அமர்ந்தபோதும் அதற்கான முயற்சிகளைச்
செய்யவில்லை.எதிர்காலத்தில் எந்தச் சிக்கலும் இல்லாத நிலை வேண்டுமெனில்
அதற்கான அடிப்படையாக விவசாயம் இருக்க வேண்டும். வேலைவாய்ப்பை அதிகரிக்க
வேண்டும். நாடு முழுவதும் உள்ள நதிகளை இணைத்தால் அடுத்த 10 ஆண்டுகளில்
இந்தியா உலகின் முதன்மையாக தேசமாகும். இளைஞர்கள் தேசத்துக்காகப் பாடுபட
வேண்டும் என்று நா.மகாலிங்கம் தெரிவித்தார்.÷ஏற்புரையாற்றிய ம.மாணிக்கம் பேசியது:÷அடுத்த
2 ஆண்டுகளில் விவசாயத்தை இயந்திர மயமாக்காவிட்டால் அனைத்துத்
தொழில்களிலும் பிரச்னை தலைதூக்கும். இந்தியாவில் இளைஞர்கள் பலம் அதிகமாக
இருப்பதால் உலகுக்குத் தேவையான அனைத்துப் பொருள்களும் இங்குதான்
உற்பத்தியாகும். ÷விவசாயத் தொழிலுக்கு அதிகபட்சமாக 120
நாள்களுக்கு மட்டும் தொழிலாளர்கள் தேவை. ஆனால் காங்கிரஸ் தலைவர் சோனியா
காந்தி 100 நாள்களுக்கு வேலை உறுதியளித்துள்ளார். அரசியல்வாதிகள் இதை 200
நாள்களாக்க வேண்டும் என்கின்றனர். இதனால் விவசாயம் மேலும் நலிவடையும்
என்று மாணிக்கம் தெரிவித்தார்.முன்னதாக என்.ஜி.எம். கல்லூரித் தலைவர்
பி.கே.கிருஷ்ணராஜ் வாணவராயர், நா.மகாலிங்கம், உடுமலை ஆர்.கே.ஆர். கல்வி
நிறுவனங்களின் தலைவர் ஆர்.கே.ராமசாமி உள்ளிட்டோர் நினைவுப்பரிசை
மாணிக்கத்துக்கு வழங்கினர் (படம்).÷டாக்டர் முருகையன் வரவேற்றார்.
கோவை கொடிசியா முன்னாள் தலைவர் ஏ.வி. வரதராஜன் சிறப்புரையாற்றினார்.
கவிஞர் சிற்பி பாலசுப்பிரமணியம், நாச்சிமுத்து பாலிடெக்னிக் முன்னாள்
மாணவர் சங்கத் தலைவர் கே.பாலசுப்பிரமணியம், பண்ணாரி அம்மன் குழுமங்களின்
தலைவர் எஸ்.வி.பாலசுப்பிரமணியம், சொற்பொழிவாளர் சுகி.சிவம் ஆகியோர்
வாழ்த்துரை வழங்கினர். என்.ஐ.ஏ. கல்வி நிறுவனங்களின் செயலர் சி.ராமசாமி
நன்றி கூறினார்.

அதெல்லாம் சரி தான் , மொதல்ல நதிகளை இணைப்பதற்க்கு எவ்வளவு நாட்கள் ஆகும் என்று சொல்லுங்க , அதுக்கப்புறம் சொல்லலாம் எப்ப முன்னேறும்ன்னு