மக்கள் எழுச்சி மூலம் ஜெ., மீண்டும் முதல்வர் ஆவார்: பன்னீர்செல்வம்

நவீன் · நவீன் Wed 4 Aug 2010 - 14:59

சாத்தூர்:"மக்கள் எழுச்சி மூலம் ஜெயலலிதா அடுத்தாண்டு முதல்வராவார்' என
அ.தி.மு.க., பொருளாளர் ஒ.பன்னீர்செல்வம் கூறினார். சாத்தூரில் தேசிய
நெடுஞ்சாலையில் உள்ள படந்தால் விலக்கில் மேம் பாலம் கட்டாதது, அரசு
ஆஸ்பத்திரியில் அடிப் படை வசதிகள் செய்யாதது, சாத்தூர் - இருக்கன் குடி
சாலை செப்பனிடாதது, மறைமுகமாக பஸ் கட்டணம் உயர்த்தப்படுவதை கண்டித்து
அ.தி. மு.க., சார்பில் சாத்தூர் தாலுகா அலுவலகம் முன் அக்கட்சி பொருளாளர்
ஒ.பன்னீர்செல்வம் தலைமையில் ஆர்ப்பாட்டம் நடந்தது. இதில் அவர் பேசியதாவது:
பெரியார், அண்ணா, எம்.ஜி.ஆர், ஆகியோர் சேர்ந்த முப்பெரும் ஆற்றலாக
ஜெயலலிதா திகழ்கிறார். விலைவாசியை கட்டுப்படுத்த தவறியதாலும், கடும் மின்
வெட்டாலும் மக்கள் வாடுகின்றனர். 650 கோடி உலக வங்கியில் கடன் பெற்று அரசு
ஆஸ்பத்திரிகளின் தரம் உயர நடவடிக்கை எடுத்தவர் ஜெயலலிதா. தற் போதோ அரசு
ஆஸ்பத்திரிகளுக்கு ஒரு நோய்க்காக சிகிச்சைக்கு சென்றால் பத்து நோய்களுடன்
வீடு திரும்ப கூடிய மோசமான நிலை உள்ளது. சாத்தூர் இருக்கன்குடி சாலையை
போலவே தமிழகத்தின் பல சாலைகள் குண்டும் குழியுமாக உள்ளது. கருணாநிதி ,
ஸ்டாலின் செல்லும் வழியில் தான் புதிதாக சாலைகள் போடப்படும்.
தமிழகத்தில்
தற்போது நடந்து வரும் குடும்ப ஆட்சியை முடிவுக்கு கொண்டு வர மக்கள்
தயாராகி விட்டனர். அந்த எழுச்சியை கோவையில் நடந்த கண்டன ஆர்ப்பாட் டத்தில்
திரண்ட 12 லட்சம் மக்கள் எடுத்து காட்டி விட்டனர். தமிழகத்தில் மீண்டும்
அ.தி.மு.க., ஆட்சியை பிடிக்கும். 2011ல் ஜெயலலிதா முதல் வர் ஆவார்,
என்றார். மாவட்ட செயலாளர் கே.கே. சிவசாமி, ராஜபாளையம் எம்.எல்.ஏ., சந்திரா
முன்னிலை வகித்தனர். சாத்தூர் சட்டசபை தொகுதி செயலாளர் வக்கீல்
கே.சேதுராமானுஜம், மாநில பொதுக்குழு உறுப்பினர் வி.வேலாயுதம், நகர
செயலாளர் என்.எஸ். வாசன், ஓன்றிய செயலாளர் பி.சுப்புராம் ஆகியோர்
வரவேற்றனர். முன்னாள் மாவட்ட செயலாளர் ரா.விநாயகமூர்த்தி, நகர ஜெ., பேரவை
இணை செயலாளர் எஸ்.டி. முனிஸ், முன்னாள் எம்.ஜி.ஆர் மன்ற செயலாளர் எம்.ஜி.
டேவிட், எம்.ஜி.ஆர் மன்ற துணை செயலாளர் கே.வி.பூபாலன் உள்பட கட்சியினர்
கலந்து கொண்டனர்.