போதை மருந்து வழக்கில் ஹாலிவுட் நடிகைக்கு ஜெயில்

அமெரிக்காவை சேர்ந்த ஹாலிவுட் நடிகை லிண்ட்சே லோஹன் (24). இவர் மாடலிங் தொழிலும் செய்து வருகிறார். இவர் கோகைன் என்ற போதை மருந்து உபயோகிக்கும் பழக்கம் கொண்டவர். கடந்த 2007ம் ஆண்டு போதை மருந்து சாப்பிட்டு விட்டு குடிபோதையில் காரை ஓட்டிச் சென்றார். அப்போது அவரை போதை மருந்து வழக்கில் போலீசார் கைது செய்தனர்.

இவர் மீது கலிபோர்னியா கோர்ட்டில் வழக்கு தொடரப்பட்டது. வழக்கை விசாரித்த நீதிபதி அவருக்கு 90 நாட்கள் ஜெயில் தண்டனை விதித்தார். இதை தொடர்ந்து அவர் கலிபோர்னியா சிறையில் அடைக்கப்பட்டார்.

அவர் சார்பில் உடனடியாக மேல் முறையீடு செய்யப்பட்டது. செய்த தவறுக்கு வருத்தம் தெரிவிக்கப்பட்டது. இதையடுத்து, அவர் போதை பொருள் பயன்படுத்துவதில் இருந்து மீண்டு மறுவாழ்வு பெறுவதற்காக ஆல்கஹால் பாட வகுப்புகளில் பங்கேற்க வேண்டும் என நீதிபதி நிபந்தனை விதித்தார்.

இதை அவர் ஏற்றுக் கொண்டார். எனவே, 84 நிமிட நேரத்திலேயே சிறையில் இருந்து விடுவிக்கப்பட்டார். சில நாட்கள் மட்டுமே ஆல்கஹால் பாட வகுப்புகளில் கலந்து கொண்டார். அதன் பிறகு தலைமறைவாகி விட்டார்.

இதை தொடர்ந்து அவரை போலீசார் மீண்டும் கைது செய்து கோர்ட்டில் ஆஜர்படுத்தினர். அப்போது, கேன்ஸ் பட விழாவுக்கு பிரான்ஸ் சென்றிருந்த லோஹன் தனது பாஸ் போர்ட்டை தொலைத்து விட்டார். அங்கிருந்து அவரால் அமெரிக்காவுக்கு திரும்ப வரமுடியவில்லை.

எனவே தான் ஆல்கஹால் பாட வகுப்புகளில் கலந்து கொள்ள முடியவில்லை என்று தெரிவித்தார். அவரது வாதத்தை ஏற்க மறுத்த நீதிபதி குற்றம் சாட்டப்பட்ட லிண்ட்சே லோஹன் 90 நாட்கள் ஜெயில் தண்டனை அனுபவிக்க வேண்டும் என உத்தரவிட்டார்.