நல்லது நன்னன் வந்தது

tamilanmanian · tamilanmanian Tue Jun 01, 2010 12:57 pm

எங்கும் தமிழ்
மணக்க சுவையான
பொங்கு தமிழ் விழா

வலம்புரி சங்கு
தமிழ் முழங்க
சங்கத் திருவிழா

எம்மொழி
செம்மொழிக்கு
பெருமை தந்த பெருவிழா

நெஞ்சம் நிறைந்திட
பிஞ்சுகளால்
கொஞ்சிய விழா

அனைத்து
விழாக்களையும்
விஞ்சிய விழா

அழைப்பை ஏற்று
வந்தோருக்கு
ஆனந்தம் தந்தவிழா

தாகம் தீர்த்துவைத்த
குவைத்தில்
தரமான தமிழ்விழா

அனல் தெரித்த
அண்ணா வீச்சு போல
நன்னன் பேச்சு விழா

தமிழ் மணக்க
திருவுடையானின்
தித்திக்கும் தேன் விழா

புது தெம்பை எல்லோருக்கும்
கூட்டியே தமிழ்
ஊட்டிய விழா

புலம் பெயர்ந்த தமிழனின்
பூட்டிய மனதில்
தீ மூட்டிய விழா

வாஞ்சையுடன்
வாழ்த்துகிறேன்
மனதார பாராட்டி

பொங்கு தமிழே
தாய் தமிழுக்கு
சிறந்த வழிகாட்டி.

“அருவிக்கவிஞர்”
ஆனந்தரவி , குவைத்

tamilanmanian · tamilanmanian Tue Jun 01, 2010 1:09 pm

பொங்குதமிழ் மன்றத்தின் சார்பில் நடைபெற்ற கலை இலக்கிய விழாவின் வெற்றியினை தங்களின் ஒத்துழைப்பின் மூலமும், வருகையின் மூலமும் உறுதி செய்துள்ளீர்கள்.

நமது இந்நிகழ்வு சிறப்புடன் நடைபெற உதவிய அத்துணை நல்லிதயங்களுக்கும் எமது நன்றியினைத் தெரிவித்துக்கொள்கிறோம். எமது கொடையாளர்கள், தங்களால் இயன்ற ஓத்துழைப்பினை நல்கிய தமிழ் அமைப்புகளுக்கும் அதன் நிர்வாகிகளுக்கும், போட்டிகளிலும் நிகழ்ச்சியிலும் கலந்துகொண்ட அனைவருக்கும், பொங்குதமிழ் மன்றத்தின் சார்பில் எங்களது மனமார்ந்த நன்றியினை தெரிவித்துக்கொள்கிறோம்.

எமது நிகழ்ச்சி குறித்தான தங்களது கருத்தினை பதிவுசெய்யும் படி பெருவிருப்போடு கேட்டுக்கொள்கிறோம்.

நாங்கள் விதைகள், உழவர்கள் நீங்கள் எங்களை பயிரிட்டு வளர்த்துப் பயனடைவதோடு, தமிழ் கூறும் நல்லுலகம் பயனடையச் செய்யவேண்டுகிறோம்.