இங்கிலாந்தில் உயரமான பெண்கள் அதிகம் சம்பாதிக்கிறார்கள்: ஆய்வில் தகவல்

arularjuna · arularjuna Tue 13 Apr 2010 - 18:28

குள்ளமான பெண்களை விட உயரமான பெண்கள் அதிக அளவில் பணம் சம்பாதிக்கிறார்கள் என்ற கருத்து இங்கிலாந்தில் நிலவி வருகிறது. இதை தொடர்ந்து அங்கு ஒரு ஆய்வு மேற்கொள்ளப்பட்டது.

அப்போது 5 அடி 8 அங்குலம் உயரமுள்ள பெண்கள், அதற்கும் குறைவான உயரமுடைய பெண்கள் என தரம் பிரித்து ஆய்வு மேற்கொள்ளப்பட்டது. அவர்களின் சம்பாதிக்கும் திறன் கணக்கிடப்பட்டது.

அவர்களில் 5 அடி 8 அங்குலம் அதற்கு மேலும் உயரமான பெண்கள் குள்ளமான பெண்களை விட அதிகம் சம்பாதிப்பது தெரிய வந்தது.

அவர்கள் குள்ளமான பெண்களை விட ஆண்டுக்கு ரூ. 3 லட்சத்து 50 ஆயிரம் கூடுதலாக பணம் சம்பாதிக்கின்றனர். 6 அடிக்கு மேல் உயரமான பெண்கள் இதை விட 80 சதவீதம் பணம் அதிகம் சம்பாதிப்பதாகவும் ஆய்வறிக்கையில் கூறப்பட்டுள்ளது.

குள்ளமான பெண்களை விட உயரமான பெண்கள் அதிக சக்தி உடையவர்கள். எனவேதான் அவர்கள் மற்ற பெண்களை விட கூடுதலாக பணிபுரிந்து அதிக பணம் சம்பாதிக்கிறார்கள் என்றும் ஆராய்ச்சியாளர்கள் கருத்து தெரிவித்துள்ளனர்.

மேலும் உயரமான பெண்களுக்கு கோபம் அதிகம் வரும். முகத்தை கடுமையாக வைத்து பேசுவார்கள் என்றும் அந்த ஆய்வு தெரிவிக்கிறது.