கான்ஃபிடன்ஸ் கார்னர்

பணக்கார இளைஞனின் விலையுயர்ந்த கார்
நின்றுகொண்டிருந்தது. ஏழைச் சிறுவன் ஒருவன் எட்டி நின்று அந்தக் காரையே
ஆசையுடன் பார்த்துக் கொண்டிருந்தான். சிரித்துக்கொண்டே அந்த இளைஞன்
சொன்னார், “இது என் அண்ணன் எனக்குப்


பரிசளித்தது”. சிறுவன் முகத்தில் வியப்பு. “உனக்கு அப்படி ஓர் அண்ணன்
இருந்திருக்கலாம் என்று ஆசைப்படுகிறாயா?” இளைஞர் கேட்டார். சிறுவன்
சொன்னான், ‘இல்லை! அப்படியோர் அண்ணனாக வளர வேண்டுமென்று விரும்புகிறேன்”.
நம்பிக்கையுணர்வு நல்லெண்ணங்களையே வளர்க்கும்.

அந்த ஆசிரியர் ஓய்வு பெற்றார். அவருக்குப்
பாராட்டுவிழா நடத்தினார்கள். “நீங்கள் தலைசிறந்த ஆசிரியர். உங்களால் மறக்க
முடியாத ஆசிரியர் யார்?” என்று கேட்டபோது, அவர் சொன்னார், “நான்


முனைவர் பட்டம் முடித்தவுடன், படித்து முடித்ததாய் நினைத்தேன்.
வகுப்பில் மாணவர்கள் சந்தேகங்கள் கேட்கத் தொடங்கியதும் முதலில் திணறினேன்.
பிறகு தினமும் மறுபடி படிக்கத் தொடங்கினேன். எனவே என்னால் மறக்க முடியாத
ஆசிரியர்கள் என் மாணவர்கள்தான்” என்றார். கற்றுக் கொள்ளலாம்…. எப்போது
வேண்டுமானாலும்! யாரிடம் வேண்டுமானாலும்.
அந்த மீன் தொட்டியில் தவளைக் குஞ்சுகளைப்
போட்டதுடன் பெரிய பெரிய கற்களையும் போட்டு வைத்தார் கடைக்காரர்.
தொட்டிவாங்க வந்தவர் கற்களை அகற்றுமாறு கேட்டுக் கொண்டார். கடைக்காரர்
மறுத்தார். வெறுமனே


நீந்திக்கொண்டிருந்தால் குஞ்சுகள் வளர்வதில்லை. கற்கள் இருந்தால்தான்,
அவற்றில் தத்தித்தத்தி ஏறி, தாண்டுகின்றன. தத்தித் தத்திப் போக வழி
இருந்தால் மட்டுமே அவை தவளைகள் ஆகின்றன! உண்மை புரிந்தது வந்தவருக்கு.
உலகமும் புரிந்தது.
அந்த வண்டியில் பூட்டப்பட்டிருந்தன இரட்டைக்
குதிரைகள். ஒன்றுக்கொன்று அடிக்கடி சண்டை போடும். இரண்டில் சண்டைக்குத்
தானாக வராத சாதுக்குதிரை இறந்தது. ஒற்றைக் குதிரைக்கு உயிர் வலிக்கும்
சோகம். பக்கத்து வயலில் மூத்து முதிர்ந்த


கழுதை ஒன்று மேய்ந்துகொண்டிருந்தது. சோகமாயிருந்த குதிரையிடம் அது
சொன்னது, “உடனிருந்த குதிரை உயிருடன் இருந்தபோது கற்றுத்தராத பாடத்தை
இப்போது கற்றுத் தந்தது. பிரியத்துக்குரியவர்கள் வெறுப்புக் குரியவர்கள்,
அனைவருமே ஒரு நாள் இறப்பார்கள் என்கிற உணர்வுடன் அவர்களிடம் பழகு. நீயும்
ஒரு நாள் இறப்பாய் என்பதையும் நினைவில் வை. உறவுகளில் பூசல் வராது என்றது
கழுதை. இது குதிரை களுக்கு மட்டுமா என்ன?” உடலெல்லாம் வலி. எங்கு தொட்டாலும்
துடிக்கிறேன்”. நோயாளி சொன்னதில் மருத்துவருக்கு ஆச்சரியம். சோதித்தால்
நோயின் சுவடே இல்லை. சற்றே உற்றுப் பார்த்ததில் வந்தவரின் சுட்டுவிரலில்
காயம் இருந்தது. தொட்ட இடமெல்லாம் வலி


சுட்டுவிரலில் ஏற்பட்டதை, உடலெல்லாம் காயமென நினைத்துக் கொண்டிருந்தார்.
நம் மனமும் சுட்டுவிரல் போலத்தான். அதில் வெறுப்பு விரக்தி அவநம்பிக்கை
இருந்தால், எல்லா இடங்களிலும் அதுவே இருப்பதாய்த் தோன்றும். மனதை சீர்
செய்தால் மற்றவையும் சீராகும்.
எதிரிகளால் துரத்தப்பட்ட இளைஞன் ஒரு
குகைக்குள் ஒளிந்தான். தன்னை எப்படியாவது காப்பாற்றுமாறு கடவுளை
இறைஞ்சினான். ஒளிந்த குகையின் வாயிலில் சிலந்தி ஒன்று தோன்றி வலை பின்னத்


தொடங்கியது. அடுத்தநாள் காலைக்குள் பெரிய சிலந்தி வலை குகைவாயிலில்
உருவாகி இருந்தது. அந்த குகையை எதிரிகள் சூழ்ந்தனர். வாசலில் வலையைப்
பார்த்து உள்ளே யாரும் இல்லையென நினைத்து வந்த வழியே சென்றனர்.
நம்பிக்கையுடன் இருந்தால் நாம் நினைக்காத திசையிலிருந்தும் தீர்வுகள்
தேடிவரும்.