குரங்கு அம்மைக்கு இந்தியாவில் முதல் மரணம்: விசாரணைக்கு உத்தரவு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

குரங்கு அம்மைக்கு இந்தியாவில் முதல் மரணம்: விசாரணைக்கு உத்தரவு

#1365724

ayyasamy ram
வழிநடத்துனர்: பதிவுகள் : 82373
இணைந்தது : 30/09/2013

Post ayyasamy ram Mon Aug 01, 2022 9:34 am

குரங்கு அம்மைக்கு இந்தியாவில் முதல் மரணம்: விசாரணைக்கு உத்தரவு Monkey

-

கேரள மாநிலம் திரிச்சூர் மாவட்டத்தில் உள்ள புனியூர் என்ற இடத்தைச்
சேர்ந்த 22 வயது இளைஞர் ஐக்கிய அரபு அமீரகத்தில் வேலை பார்த்து
வந்தார்.

இந்த நிலையில் கடந்த 22ஆம் தேதி ஐக்கிய அரபு அமீரகத்தில் இருந்து நாடு
திரும்பினார். வீடு திரும்பியதும், அருகில் இருந்த கால்பந்து மைதானத்தில்
கால்பந்து விளையாடினார்.

இந்த நிலையில் அவருக்கு உடல் நிலை பாதிக்கப்பட்டது. லேசான காய்ச்சல்
அறிகுறிகளுடன் மருத்துவமனையில் அனுமதிக்கப்பட்டார்.

அங்கு அவருக்கு தீவிர சிகிச்சை அளிக்கப்பட்டது. அவரின் ரத்த மாதிரிகள்
சோதனைக்கு உட்படுத்தப்பட்டன. இந்த நிலையில், அவருக்கு குரங்கு அம்மை
பாதிப்பு இருப்பது உறுதியானது.

இதையடுத்து அவருக்கு தீவிர சிகிச்சை அளிக்கப்பட்ட நிலையில், இன்று
மரணித்தார்.

அவரது உடல் குரங்கு அம்மை பாதிப்பாளர்களின் மரணம் தொடர்பான
நிலையான வழிகாட்டுதலின் அடிப்படையில் இறுதி அடக்கம் செய்யப்படவுள்ளது.

இந்தத் தகவலை கேரள மாநில சுகாதாரத் துறை அமைச்சர் வீணா ஜார்ஜ்-ம்
உறுதிப்படுத்தியுள்ளார். மேலும் இளைஞரின் மரணம் தொடர்பாக விசாரணைக்கும்
உத்தரவிடப்பட்டுள்ளது.

குரங்கு அம்மை பாதிப்பு வேகமாக பரவவில்லை, உயிரிழப்பும் பெரிதளவில்
ஏற்படவில்லை எனத் தெரிவிக்கப்பட்ட நிலையில் இந்த உயிரிழப்பு அச்சத்தை
ஏற்படுத்தியுள்ளது.

குரங்கு அம்மைககு இந்தியாவில் பலியான முதல் உயிர் இதுதான்.
ஆப்பிரிக்காவுக்கு வெளியே இது 4ஆவது உயிரிழப்பு ஆகும்.

--தமிழ் இந்தியன் எக்ஸ்பிரஸ்

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1