வாமன அவதாரம்

**ayyasamy ram** · **ayyasamy ram** Sun Aug 30, 2020 10:40 am

-
மகாபலி சக்கரவர்த்தியின் ஆணவத்தை அடக்க பகவான்
சிறிய உருவில் வாமனராக அவதரித்து பின்னர் உலகளந்த
பெருமாளாக விஸ்வரூபம் எடுத்தார்.

வாமன அவதாரம் என்னும் குள்ள வடிவனாக காட்சியளித்த
அதேநாளில் திருவிக்கிரம அவதாரம் எனும் உயர்ந்தவராகவம்
காட்சியளித்தார்.

நானே குறுகியதாகவும், அணுவுக்கும் அணுவாகவும் இருக்கிறேன்
என்பது வாமன அவதாரம். நானே இப்பூமியில் எல்லாமாகவும்
இருக்கிறேன் என்பது திருவிக்ரம அவதார தத்துவம்.

இதனை விளக்கும் வகையில் திருக்கோவிலுார் பெருமாள்
கோவிலில் மூலவராக இருக்கும் உலகளந்த பெருமாள் சன்னதிக்கு
பின்புறத்தில் வாமனர் சன்னதி உள்ளது.

கலியுகத்தில் பக்தர்கள் பற்றிக்கொள்ள விரும்புவது அந்தப்
பரந்தாமனின் திருவடியையே, அப்படிப்பட்ட அற்புதத் திருவடியின்
ஸ்பரிசத்தைப் பெறும் பாக்கியம் வாய்ப்பதை எண்ணி மகிழ்ந்த
மகாபலி, பாதாள லோகம் செல்லும் பேற்றை தன் பாக்கியமாகவே
எண்ணி ஏற்றார்.

பிற அவதாரங்களில் சம்ஹாரம் செய்த மகாவிஷ்ணு இந்த
அவதாரத்தில் சம்ஹாரம் இன்றி மகாபலிக்கு அனுக்கிரகமே
செய்தார்.

தசாவதாரங்களுள் வாமன அவதாரம் குருவுக்கு உகந்த அவதாரம்
என்று சொல்கிறார்கள். குருவே 'தான்' என்னும் அகந்தையை நீக்கி
நல்லருள் பெற வழிகாட்டுபவர். தன் குருவான சுக்ராச்சாரியாரின்
சொல்லைக் கேட்காததாலேயே மகாபலியும் வீழ்ந்தான்.

எனவேதான், வாமன அவதாரத்தை நவகிரகங்களுள் குருவின் மகிமை
நிறைந்த அவதாரம் என்று சொல்கிறார்கள். எனவே, மகாவிஷ்ணுவை
வாமன ரூபமாகவும் உலகளந்த பெருமாளாகவும் வணங்க,
குரு பகவானின் பரிபூரண அருள் கிடைக்கும் என்கின்றனர்.

----
வாட்சப் பகிர்வு

வாமன அவதாரம்

வாமன அவதாரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக