அமெரிக்காவைவிட்டு வெளியேறும் குடிமக்கள்; குடியுரிமையை ரத்து செய்யக் காரணம் இதுதான்!

**ayyasamy ram** · **ayyasamy ram** Mon Aug 10, 2020 5:02 pm

'கடந்த 2019ம் ஆண்டு 2,072 பேர் அமெரிக்க குடியுரிமையை
ரத்துசெய்தனர். இந்த எண்ணிக்கை தற்போது இருமடங்காக
அதிகரித்துள்ளது. தற்போது வரை, 5,800 பேர் அமெரிக்க
குடியுரிமையை ரத்து செய்துள்ளனர்' என, நியூயார்க்கைச்
சேர்ந்த ஒரு மக்கள் கணக்கெடுப்பு நிறுவனம் தெரிவித்துள்ளது.

வேலைக்காகவும், பணம் ஈட்டவும் அல்லது வேறு சில
காரணங்களுக்காகவும் அமெரிக்காவுக்கு பிற நாட்டு மக்கள்
குடிபெயர்கின்றனர். அவர்கள் அமெரிக்க குடியுரிமையும்
பெற்றுள்ளனர்.

அதில் பலரும் தற்போது அமெரிக்க குடியுரிமையை ரத்து
செய்துவிட்டு, தங்களது சொந்த நாட்டுக்கு திரும்பி வருகின்றனர்.
'அமெரிக்க அதிபர் டிரம்பின் அடக்குமுறையும் இனவெறி
மனநிலையுமே இதற்குக் காரணம்' எனக் கூறப்படுகிறது.

ஜெர்மனியில் ஹிட்லர் ஆட்சியின்போது, இதேபோல் பலர்
ஹிட்லரின் அடக்குமுறை பிடிக்காமல் ஜெர்மனியைவிட்டு
பிற ஐரோப்பிய மற்றும் அமெரிக்க நாடுகளுக்கு குடியேறினர்.

இதேபோல் தற்போது அமெரிக்காவிலும் நடந்துவருகிறது.
சமீபத்தில் நடந்த ஜார்ஜ் ப்ளாயிட் படுகொலையால், கருப்பின
அமெரிக்கர்கள் பலர், அமெரிக்காவை விட்டு வெளியேறி
வருகின்றனர்.

**ayyasamy ram** · **ayyasamy ram** Mon Aug 10, 2020 5:02 pm

உச்சத்தில் நிறவெறி!

'அமெரிக்காவில் சகிப்புத்தன்மை குறைந்து, நிறவெறி
அதிகரித்து வருவதாக பல ஆண்டுகளாக குற்றஞ்சாட்டப்பட்டு
வருகிறது. அது தற்போது உச்சத்தை எட்டியுள்ளது.

அடுத்தமுறையும் டிரம்ப் தனது ஆட்சியைத் தொடர்ந்தால்
புலம்பெயர்வோரின் எண்ணிக்கை மேலும் அதிகரிக்கும்.
இது மிகவும் வேதனைக்குரிய விஷயம்' என, அரசியல்
நிபுணர்கள் தெரிவித்துள்ளனர்.

தேர்தலுக்காக காத்திருப்பு!

அமெரிக்காவைவிட்டு வெளியேற விரும்பும் குடிமக்களில்
சிலர், நவ., மாத அதிபர் தேர்தலுக்காகக் காத்திருக்கின்றனர்.
இதன் முடிவு எவ்வாறு இருக்கிறது என்பதை தெரிந்து
கொண்டு அமெரிக்காவைவிட்டு வெளியேறலாமா, வேண்டாமா
என முடிவெடுக்க அவர்கள் திட்டமிட்டுள்ளனர்.

ஒருவேளை ஜோ பிடேன் அதிபராகத் தேர்ந்தெடுக்கப்பட்டால்
அமெரிக்காவில் தொடர்ந்து வசிக்க அவர்கள் திட்டமிட்டுள்ளனர்.

அமெரிக்காவில் கொரோனா அச்சம் காரணமாகவும் சிலர்
அமெரிக்காவை விட்டு தற்காலிகமாக வெளியேற
நினைக்கின்றனர். அமெரிக்காவைவிட்டு தற்காலிகமாக
வெளியேறினால் ஆண்டுக்கு 2,350 டாலரை அமெரிக்க அரசுக்கு
செலுத்தவேண்டும். இதன்மூலம் அவர்களது குடியுரிமை
ஆண்டுதோறும் புதுப்பிக்கப்படும்.
-
---------------------------------
தினமலர்

**krishnaamma** · **krishnaamma** Mon Aug 10, 2020 9:43 pm

ம்ம்.. என்றாலும் மீண்டும் டிரம்ப் தான் வருவார் என்று சொல்கிறார்களே? ...... ஒன்னும் புரியல

**T.N.Balasubramanian** · **T.N.Balasubramanian** Mon Aug 10, 2020 9:53 pm

இல்லையே பீடனுக்கு அதிக செல்வாக்கு போல் தெரிகிறதே!

ரமணியன்

**Dr.S.Soundarapandian** · **Dr.S.Soundarapandian** Mon Aug 10, 2020 10:04 pm

நிறவெறி, மதவெறி ஆகியவற்றால் மக்கள் சீரழிவுதான் மிச்சம் !
உலக வரலாறு இதைத்தான் நமக்குக் கூறுகிறது!

**Muthumohamed** · **Muthumohamed** Tue Aug 11, 2020 12:56 am

இன்றைய சூழலில் ட்ரம்ப் க்கு என்னமோ வாய்ப்பு குறைவு தான்

Sponsored content · Sponsored content

அமெரிக்காவைவிட்டு வெளியேறும் குடிமக்கள்; குடியுரிமையை ரத்து செய்யக் காரணம் இதுதான்!

அமெரிக்காவைவிட்டு வெளியேறும் குடிமக்கள்; குடியுரிமையை ரத்து செய்யக் காரணம் இதுதான்!

Re: அமெரிக்காவைவிட்டு வெளியேறும் குடிமக்கள்; குடியுரிமையை ரத்து செய்யக் காரணம் இதுதான்!

Re: அமெரிக்காவைவிட்டு வெளியேறும் குடிமக்கள்; குடியுரிமையை ரத்து செய்யக் காரணம் இதுதான்!

Re: அமெரிக்காவைவிட்டு வெளியேறும் குடிமக்கள்; குடியுரிமையை ரத்து செய்யக் காரணம் இதுதான்!

Re: அமெரிக்காவைவிட்டு வெளியேறும் குடிமக்கள்; குடியுரிமையை ரத்து செய்யக் காரணம் இதுதான்!

Re: அமெரிக்காவைவிட்டு வெளியேறும் குடிமக்கள்; குடியுரிமையை ரத்து செய்யக் காரணம் இதுதான்!

Re: அமெரிக்காவைவிட்டு வெளியேறும் குடிமக்கள்; குடியுரிமையை ரத்து செய்யக் காரணம் இதுதான்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக