கொரோனா பாதிப்பு - இன்றைய நிலவரம்

**ayyasamy ram** · **ayyasamy ram** Tue Jul 14, 2020 10:39 am

இந்தியாவில் கொரோனா தொற்றால் பாதிக்கப்பட்டவர்களின்
எண்ணிக்கை 9 லட்சத்தை தாண்டியது

இந்தியாவில் கொரோனா வைரஸ் தொற்றால் பாதிக்கப்பட்டவர்களின்
எண்ணிக்கை நாளுக்குநாள் அதிகரித்த வண்ணமே உள்ளது.

இன்று காலை 8 மணி நிலவரப்படி கடந்த 24 மணி நேரத்தில் 28,498 பேருக்கு
கொரோனா தொற்று உறுதி செய்யப்பட்டுள்ளது. இதனால் இந்தியாவில்
இதுவரை கொரோனா தொற்றால் பாதிக்கப்பட்டவர்களின் எண்ணிக்கை
9 லட்சத்தை கடந்து 9,06,752 ஆக உள்ளது.

5,71,460 பேர் குணமடைந்துள்ள நிலையில் 3,11,565 பேர் சிகிச்சை பெற்று
வருகின்றனர். 23,727 பேர் (கடந்த 24 மணி நேரத்தில் 553 பேர்) உயிரிழந்துள்ளனர்.

மகாராஷ்டிரவில் 2,60,924 பேரும், தமிழகத்தில் 1,42,798 பேரும்,
டெல்லியில் 1,13,740 பேரும் பாதிக்கப்பட்டுள்ளனர்.

ஜூலை 13-ந்தேதி வரை 1,20,92,503 மாதிரிகள் பரிசோதனை செய்யப்பட்டுள்ளது
என்றும், நேற்று மட்டும் 2,86,247 மாதிரிகள் பரிசோதனை செய்யப்பட்டுள்ளதாக
ஐசிஎம்ஆர் தெரிவித்துள்ளது.

மாலைமலர்

**ayyasamy ram** · **ayyasamy ram** Tue Jul 14, 2020 10:41 am

சென்னையில் அதிகரிக்கும் மக்கள் நடமாட்டம்
-

சென்னை:

கொரோனா பரவலை தடுக்கும் நோக்கில் தமிழகத்தில் 6-ம் கட்டமாக ஊரடங்கு அமல்படுத்தப்பட்டு இருக்கிறது. ஒவ்வொரு ஞாயிற்றுக்கிழமைகளிலும் தளர்வு இல்லா முழு ஊரடங்கு கடைபிடிக்கப்பட்டு வருகிறது. கொரோனா புரையோடி கிடக்கும் சென்னையில் தளர்வு இல்லா முழு ஊரடங்கு காரணமாக நேற்று முன்தினம் பொதுமக்கள் தங்கள் வீடுகளிலேயே முடங்கினர். கடைகள் அடைக்கப்பட்டன. வாகனங்கள் நடமாட்டமின்றி சாலைகளும் வெறிச்சோடின.

இந்தநிலையில்

தளர்வு இல்லா முழு ஊரடங்கு முடிந்த மறுநாளான நேற்று
சாலைகளில் வாகனங்கள் பெருக்கெடுத்து ஓடியதை
பார்க்க முடிந்தது.

பல சாலைகளில் போக்குவரத்து நெரிசல் ஏற்படும் அளவுக்கு
வாகனங்களின் படையெடுப்பு இருந்தது.
மோட்டார் சைக்கிள்கள், கார்கள் அதிகளவில் சாலையில்
ஆர்ப்பரித்து செல்வதை பார்க்க முடிந்தது.

அதேபோல தெருக்களிலும், கடைகளில், வீதிகளிலும் மக்கள்
கூட்டத்தை பார்க்க முடிந்தது. டீக்கடைகளிலும், ஓட்டல்களிலும்
கூட்டம் காணப்பட்டது.

இறைச்சி கடைகளிலும் மக்கள் கூட்டம் இருந்தது.
தெருமுனைகளில் உள்ள டீக்கடைகளில் பெரியவர்கள் கூட்டம்
கூட்டமாக நின்று கதை பேசுவதையும் பார்க்க முடிந்தது.

குறிப்பாக திருவல்லிக்கேணி, சேப்பாக்கம், ஜாபர்கான்பேட்டை,
ஐஸ்அவுஸ், ராயப்பேட்டை, பெரம்பூர் உள்ளிட்ட பகுதிகளில்
மக்கள் கூட்டம் நிறைந்திருந்தது.

திருவல்லிக்கேணி எல்லீஸ் சாலையில் மக்கள் நடமாட்டம்
அதிகமாகவே காணப்பட்டது.

இந்த காட்சிகள் அனைத்தும் கொரோனா பீதி ஓய்ந்து விட்டதோ
என்று எண்ணத்தோன்றும் அளவுக்கு இருந்தது என்பது தான்
வேதனை. அந்தளவு மக்கள் கொரோனா பயமின்றி சாலைகளில்
கூட்டம் கூட்டமாக செல்வதையும், ஆங்காங்கே நின்று அரட்டை
அடித்துக்கொண்டு இருப்பதையும் பார்க்க முடிந்தது.

மாலைமலர்

**ayyasamy ram** · **ayyasamy ram** Tue Jul 14, 2020 1:47 pm

பெங்களூருவில் 564 போலீசாருக்கு கொரோனா; வரும் 22ம் தேதி வரை முழு ஊரடங்கு
-
பெங்களூரு:
பெங்களூருவில் கொரோனா வைரஸ் தொற்று உறுதி
செய்யப்பட்ட போலீசாரின் எண்ணிக்கை, 564 ஆக
உயர்ந்துள்ளதையடுத்து, குற்றவாளிகளைக் கைது
செய்வதில் பல்வேறு கட்டுபாடுகள் விதிக்கப்பட்டுள்ளன.

22ம் தேதி வரை முழு ஊரடங்கு

கர்நாடகாவில் கொரோனா வைரஸ் தொற்று வேகமாகப்
பரவிவருகிறது. இதுவரை, 41 ஆயிரத்துக்கும் மேற்பட்டோர்
வைரஸ் தொற்றுக்கு உள்ளாகியுள்ளனர்;
700 பேர் உயிரிழந்துள்ளனர். இதில் அதிகப்படியானவர்கள்
பாதிக்கப்பட்டது பெங்களூருவில் தான்.

இதனால் அங்கு கொரோனாவை கட்டுப்படுத்த இன்று
(14ம் தேதி) இரவு 8:00 மணி முதல் 22ம் தேதி அதிகாலை வரை
முழு ஊரடங்கு உத்தரவு பிறப்பிக்கப்பட்டுள்ளது.
-
----------------------
தினமலர்

Sponsored content · Sponsored content

கொரோனா பாதிப்பு - இன்றைய நிலவரம்

கொரோனா பாதிப்பு - இன்றைய நிலவரம்

Re: கொரோனா பாதிப்பு - இன்றைய நிலவரம்

Re: கொரோனா பாதிப்பு - இன்றைய நிலவரம்

Re: கொரோனா பாதிப்பு - இன்றைய நிலவரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக