ஊரடங்கு காலகட்டத்தில் என்ன செய்யலாம், என்ன செய்யக்கூடாது: மத்திய அரசு விளக்கம்

**ayyasamy ram** · **ayyasamy ram** Fri May 01, 2020 7:59 pm

புதுடில்லி:

நாடு முழுவதும் ஊரடங்கு 3 வது முறையாக நீட்டிக்கப்பட்டுள்ள
நிலையில் சிவப்பு , பச்சை , ஆரஞ்சு என வகைப்படுத்தப்பட்டு
விதிமுறைகள் நடைமுறைப்படுத்தப்படும் என மத்திய அரசு
அறிவித்துள்ளது.
-
மத்திய அரசின் அறிவிப்பில் தெரிவிக்கப்பட்டு இருப்பதாவது:
-
அனைத்து மண்டலங்களிலும் மருத்துவ தேவையின்றி 65 வயதுக்கு
மேற்பட்டவர்கள் 10 வயதுக்குட்பட்ட சிறுவர்கள் வெளியே வர
கூடாது.

ஊரடங்கு காலத்தில் அனைத்து விவசாய பணிகளுக்கும் ,
வேளாண்பொருள் உற்பத்திக்கும் அனுமதி அளிக்கப் பட்டுள்ளது.

அனைத்து வகை சரக்கு போக்குவரத்திற்கும் மாநிலம் விட்டு மாநிலம்
பொருட்களை கொண்டுசெல்வதற்கும் அனுமதி அளிக்கப்படுகிறது.

ஊரக பகுதிகளில்அனைத்து வகை கடைகள் (ஷாப்பிங் மால்களை
தவிர) அனுமதிக்கப்படுகிறது.

சிவப்பு மண்டலத்தில்

கொரோனா பாதிப்புள்ள சிவப்பு மண்டலங்களில் சலூன் ஸ்பா
போன்றவை திறக்க கூடாது. இரவு 7 மணி முதல் காலை 7 மணி வரை
அத்தியாவசிய தேவையின்றி யாரும் வெளியே வரக்கூடாது.

சிவப்புமண்டலங்களில் காரில் ஓட்டுனர் உட்பட இரண்டுபேரும்
பைக்கில் ஒருவர் மட்டுமே செல்லலாம். இப்பகுதிகளில் சைக்கிள்
ரிக் ஷா, ஆட்டோ, டாக்ஸி, பஸ்களை இயக்க கூடாது.

சிவப்பு மண்டல ஊரக பகுதிகளில் அனைத்து வகை தொழிற்சாலைகள்,
கட்டுமான பணிகள், 100 நாள்வேலை திட்ட பணிகள் துவக்கலாம்.

சிவப்பு மண்டல பகுதிகளில் ஐ.டி.,நிறுவனங்கள் இயங்க அனுமதிக்கப்
படுகிறது.

**ayyasamy ram** · **ayyasamy ram** Fri May 01, 2020 8:00 pm

ஆரஞ்சு மண்டலத்தில்

ஆரஞ்சு மண்டலத்தில் டிரைவருடன் அதிகபட்சமாக இரண்டு பேருடன்
காரை இயக்கலாம்.

ஆரஞ்சு மண்டலத்தில் அனுமதிக்கப்பட்ட காரணங்களுக்காக
மாவட்டங்களுக்கிடையே உரிய அனுமதி பெற்றே சென்று வர வேண்டும்.
பயணிக்கலாம்.

பச்சை மண்டலத்தில்

பச்சை மண்டலத்தில் கார்கள் , பைக்கில் செல்ல ஏற்கனவே உள்ள
கட்டுப்பாடுகள் தொடரும்.

பச்சைமண்டலத்தில் 50 சதவீத இருக்கைகளை குறைத்து விட்டு
பஸ்களை இயக்கலாம். பணி மனைகளில் மொத்தம் உள்ள பஸ்களில்
50 சதவீதம் எண்ணிக்கையில் இயக்கலாம்.

தனித்தனிகடைகள் குடியிருப்பை ஒட்டி உள்ள கடைகள் திறக்கலாம்.
தங்கி இருந்து வேலை பார்க்கும் தொழிலாளர்களை கொண்டு நகர்ப்புற
பகுதிகளில் கட்டுமான பணிகளை துவக்கலாம்.

மேலும் ஏரி,கடல் பகுதிகளில் மீன் பிடிக்க அனுமதிக்கப்படுகிறது.
அதே நேரத்தில் தடை காலம் இருந்தால் அனுமதி மறுக்கப்படும்.
அனைத்து மண்டலங்களிலும் கல்வி நிறுவனங்கள் மால்கள் திறக்க
கூடாது என்ற தடை தொடரும் எனஅரசின் உத்தரவில் தெரிவிக்கப்பட்டுள்ளது.
-
-------------------
தினமலர்