கிஸ் பண்ணாதீங்க.. கொரோனா பரவுமாம்

-
வியன்னா:
கொரோனா வைரஸ் பரவாமல் தடுக்க, மக்கள் ஒருவரை
ஒருவர் வாழ்த்தி கன்னத்தில் முத்தமிடுவது,
கைகுலுக்குவதை தவிர்க்குமாறு பிரான்ஸ் மற்றும்
சுவிட்சர்லாந்து நாட்டின் சுகாதார அமைச்சர்கள்
அறிவுறுத்தியுள்ளனர்.

சீனாவில் ஹூபெய் மாகாணத்தின் வூஹான் நகரில் இருந்து
கொரோனா வைரஸ் பரவ துவங்கியது. இந்த வைரஸ்,
அண்டார்டிகா தவிர மற்ற அனைத்து கண்டங்களுக்கும்
பரவியுள்ளது.

இந்த வைரஸ் தாக்குதலுக்கு சீனாவில், இதுவரை 2,888 பேர்
உயிரிழந்துள்ளனர். 79,822 பேருக்கு பாதிப்பு ஏற்பட்டுள்ளது.

வைரஸ் பரவாமல் தடுக்க அனைத்து நாடுகளும் நடவடிக்கை
எடுத்து வருகிறது. இதற்கிடையே பிரான்சில் 100 பேருக்கு
கொரோனா பாதிப்பு இருப்பது கண்டறியப்பட்டது. இதில்
2 பேர் உயிரிழந்துள்ளனர். கூடுதலாக 16 பேருக்கு வைரஸ்
பாதிப்பு இருப்பதை அறிந்த பிரான்ஸ் அரசு, இதனை
கட்டுப்படுத்த முடிவு செய்தது.

அதன்படி, அந்நாட்டின் சுகாதார அமைச்சர் ஆலிவர் வெரன்,
மக்கள் அதிகளவு ஒன்றுக்கூட வேண்டாம் எனவும், கைகுலுக்கி
வாழ்த்துவது, கன்னங்களில் முத்தமிடுவது ஆகியவற்றை
தவிர்க்குமாறு கூறினார்.

இதேபோல் பிரான்சின் அண்டை நாடான சுவிட்சர்லாந்திலும்
அறிவுறுத்தப்பட்டது. இருநாடுகளிலும், ஒருவருக்கொருவர்
இரு கன்னங்களிலும் முத்தமிட்டு வாழ்த்துவது வழக்கமான
ஒன்றாகும். அப்படியிருக்கையில், சுவிஸ் மக்களும்
முத்தமிடுவதை தவிருங்கள் என அந்நாட்டின் சுகாதார
அமைச்சர் அலைன் பெர்செட் அறிவுறுத்தியுள்ளார்.

இது தொடர்பாக அவர் கூறுகையில், வைரஸ் பரவாமல்
தடுக்க ஒவ்வொருக்கும் இடைவெளியை உண்டாக்குவது
சிறந்தது என நினைக்கிறோம். முத்தங்களை கைவிடுவது
என்பது தீவிரமாக கவனத்தில் கொள்ள வேண்டிய
நடவடிக்கை, என்றார்.

சுவிட்சர்லாந்தின் மத்திய சுகாதாரத்துறையின் தொற்று
நோய்கள் பிரிவின் தலைவர் டேனியல் கோச்,
கைகுலுக்குவதையும் நிறுத்துமாறு வலியுறுத்தியுள்ளார்.
-
-------------------------
தினமலர்

கமல்ஹாசன் கட்டிப்பிடி வைத்தியத்தை விட...அதிகம் பிரபலாகி வரும் விஜய் சேதுபதியின் முத்த வைத்தியம்!

அப்போ கிஸ் ஒரு வைத்தியம் தான்! அதை ஏன் பண்ண வேண்டாம் என்கிறார்கள்? கிஸ் ம் முத்தமும் ஒன்றில்லையோ! ?

மாஸ்க் போட்டிருப்பது தெரியாமல் பிஸ்கெட் சாப்பிடும் குழ்ந்தை.