என்னா சண்டை- அரிவாளுடன் வந்த கொள்ளையர்களை முரட்டு அடி அடித்து விரட்டிய வயதான தம்பதி!

என்னா சண்டை- அரிவாளுடன் வந்த கொள்ளையர்களை முரட்டு அடி அடித்து விரட்டிய வயதான தம்பதி!

திருநெல்வேலி மாவட்டம் கடையம் பகுதியில் உள்ள விவசாய வீட்டில் ஷண்முகவேல்(75), செந்தாமரை(68) என்ற வயதான தம்பதிகள் வசித்து வருகின்றனர். இவர்கள் வீட்டிற்கு கடந்த ஞாயிறு அன்று இரவு, முகமூடி அணிந்த இரு கொள்ளையர்கள் வந்துள்ளனர்.

அப்போது ஷண்முகவேலின் கழுத்தை, பின்னால் இருந்து துணியால் இறுகப் பிடித்துக் கொண்டனர். இவரது கூச்சல் சத்தம் கேட்டு, மனைவி செந்தாமரை ஓடி வந்துள்ளார். அப்போது கொள்ளையர்களை கண்டு அதிர்ச்சி அடைந்து, உடனே அங்கிருந்து நாற்காலிகளை எடுத்து வீசத் தொடங்கியுள்ளார்.

அதற்குள் ஷண்முகவேல், கொள்ளையர்கள் பிடியில் இருந்து எப்படியோ விடுவித்துக் கொண்டார். இதையடுத்து மற்றொரு முகமூடி அணிந்த கொள்ளையன் உள்ளே வந்துள்ளான். இருவரும் தங்கள் கைகளில் அரிவாள் வைத்திருந்தனர்.

அதைக் காட்டி மிரட்டி நகைகளை பறிக்க முயற்சித்தனர். ஆனால் அந்த வயதான தம்பதி விடவில்லை. அங்கிருந்த நாற்காலிகள் மற்றும் கையில் கிடைத்த பொருட்களை எல்லாம் எடுத்து வீசினர்.
தொடர்ந்து தாக்குதலுக்கு ஆளானதால், கொள்ளையர்களால் தாக்குப் பிடிக்க முடியவில்லை. முதிய தம்பதியின் முரட்டு சுபாவத்தைக் கண்டு அஞ்சி, அங்கிருந்து ஓடிவிட்டனர். இந்த சம்பவத்தில் செந்தாமரைக்கு காயங்கள் ஏற்பட்டுள்ளன.

அதேசமயம் கீழே விழுந்து தடுமாறிய நிலையிலும், ஷண்முகவேலுக்கு எந்தவித காயமும் ஏற்படவில்லை. இந்த காட்சிகள் அனைத்தும், அவர்கள் வீட்டில் பொருத்தியிருந்த சிசிடிவி கேமராவில் பதிவாகி உள்ளது.

இந்த சம்பவம் குறித்து செய்தியாளர்களிடம் பேசிய முதிய தம்பதி, எங்கள் நோக்கம் கொள்ளையர்களை கையும், களவுமாக பிடிப்பது தான். ஆனால் அதற்குள் அவர்கள் தப்பித்துச் சென்றுவிட்டனர்.

எங்களின் இரு மகன்கள் பெங்களூரு மற்றும் சென்னையில் வசித்து வருகின்றனர். இதுகுறித்து தகவல் அறிந்து, உடனே ஊருக்கு திரும்பி விட்டனர். இந்நிலையில் சிசிடிவி ஆதாரங்களைக் கொண்டு, போலீசார் தீவிர விசாரணை மேற்கொண்டு வருகின்றனர்.

நன்றி சமயம்

ரமணியன்

ரமணியன்

ரமணியன்

நெல்லை மண் வீரதீர சாகசங்களுக்கு பெயர் பெற்றது.

இது மாதிரி எதிர்த்து போராடும் குணம் எல்லோரிடமும் இருக்கவேண்டும்.

வாழ்த்துகள் சண்முகவேல்/செந்தாமரை தம்பதிகளே
.
ரமணியன்

தில்லுக்கு வாழ்த்துகள்.