தேஜா'வை தாம்பரத்தில் நிறுத்துங்கள் டில்லியில் தி.மு.க., கோரிக்கை

'சென்னை - மதுரை இடையே, வேறெங்கும் நிற்காமல்
இயக்கப்படும், அதிவேக, 'தேஜா எக்ஸ்பிரஸ்' ரயிலை,
தாம்பரத்தில், ஓரிரு நிமிடங்களாவது நிறுத்தி, பயணியரை
ஏற்றி, இறக்கிச் செல்ல வேண்டும்' என, ரயில்வே
அமைச்சகத்திடம், தி.மு.க., கோரிக்கை வைத்துள்ளது.

அமோக வரவேற்புசென்னை - மதுரை இடையே, வைகை
உட்பட, பல ரயில்கள் இயக்கப்படுகின்றன. இவை, முக்கிய
ஊர்களில், நிற்பதுடன், சென்னையின் மாம்பலம், தாம்பரம்
ஆகிய ரயில் நிலையங்களில் நின்று, பயணியரை ஏற்றி,
இறக்கிச் செல்கின்றன.

இந்நிலையில், சென்னை - மதுரை இடையே, 'நான்ஸ்டாப்'
ரயிலாக, அதிவேக தேஜா எக்ஸ்பிரஸ் அறிமுகப்படுத்தப்
பட்டது. நவீன சொகுசு வசதிகள் உள்ள இந்த ரயிலுக்கு,
பயணியர் மத்தியில் அமோக வரவேற்பு உள்ளது.

ஆனால், இந்த ரயிலை, சென்னையின் நுழைவு வாயிலாக
கருதப்படும், தாம்பரம்ரயில் நிலையத்தில் நிறுத்தி இயக்க
வேண்டுமென, பயணியர் எதிர்பார்க்கின்றனர்.வாக்குறுதி
இந்நிலையில், ஸ்ரீபெரும்புதுார் லோக்சபா தொகுதியில்
வெற்றி பெற்று, புதிய, எம்.பி., யாகியுள்ள, டி.ஆர்.பாலு,
டில்லியில், ரயில்வே ஆணையத்தின் தலைவரான
வினோத் குமார் யாதவை சந்தித்து, இது குறித்த கோரிக்கை
மனுவை அளித்துள்ளார்.

அம்மனுவில், கூறப்பட்டுள்ளதாவது:

தேஜா ரயிலை, தாம்பரம் ரயில் முனையத்தில், ஓரிரு
நிமிடங்களாவது நிறுத்தி, இயக்க வேண்டும். காரணம்,
தாம்பரம் மற்றும் புறநகர் பகுதிகளைச் சேர்ந்த பயணியர்,
இந்த ரயிலை பிடிக்க, சென்னைக்குள் வந்தாக வேண்டிய
நிலை உள்ளது.

மெட்ரோ நகரமான சென்னையில், தற்போது நிலவும்
போக்குவரத்து நெரிசலில் சிக்கி, இந்த ரயிலை பிடிப்பதற்குள்
பயணியருக்கு போதும் போதுமென்றாகி விடுகிறது.எ

னவே, பயணியரின் சிரமங்களை கருத்தில் கொண்டு, தேஜா
ரயிலை தாம்பரத்தில் நிறுத்திச் செல்ல வழி செய்ய வேண்டும்.
இவ்வாறு, அதில் கூறப்பட்டுள்ளது.மனுவைப் பெற்ற
வினோத்குமார் யாதவ், 'இப்பிரச்னை குறித்து, தெற்கு ரயில்வே
உயரதிகாரிகளுடன் ஆலோசித்து, உரிய நடவடிக்கை
எடுப்பதாக வாக்குறுதி தந்தார்' என, டி.ஆர்.பாலு தெரிவித்தார்.
-
-------------------------
தினமலர்
- நமது டில்லி நிருபர் -