அருணாசலேஸ்வரர் கோயில் தங்கத் தேர் விமானம் உடைந்து விழுந்தது: பக்தர் பலத்த காயம்

-

கலசத்துடன் கூடிய விமானம் உடைந்து விழுந்த நிலையில்
காணப்படும் தங்கத் தேர். (வலது) உடைந்து விழுந்த
லசத்துடன் விமானத்தின் ஒரு பகுதி (துணியால் மூடப்பட்டுள்ளது).
-----------------------------------------

திருவண்ணாமலை ஸ்ரீஅருணாசலேஸ்வரர் கோயில் தங்கத் தேர்
விமானம் ஞாயிற்றுக்கிழமை உடைந்து விழுந்ததில், தேரை இழுத்து
வழிபட்ட பக்தர் பலத்த காயமடைந்தார்.

திருவண்ணாமலை ஸ்ரீஅருணாசலேஸ்வரர் கோயிலில் தங்கத் தேர்
உள்ளது. பழுதடைந்திருந்த இந்தத் தேர் அண்மையில் பல லட்சம்
ரூபாய் செலவில் புதுப்பிக்கப்பட்டது. கடந்த பிப்ரவரி 24-ஆம் தேதி
வெள்ளோட்டம் நடைபெற்றது.

அப்போதே தங்கத் தேரின் குதிரை உடைந்தது பரபரப்பை
ஏற்படுத்தியது. தங்கத் தேர் முறையாக புதுப்பிக்கப்படவில்லை
என்றும், தங்கத் தேர் புதுப்பிக்கும் பணியில் ஊழல் நடந்துள்ளதாகவும்
பல்வேறு தரப்பினர் குற்றஞ்சாட்டினர்.

இந்த நிலையில், திருவண்ணாமலை மெகா அன்னசத்திர
நிர்வாகிகள் தங்களது வேண்டுதலை நிறைவேற்றும் வகையில்,
ஸ்ரீஅருணாசலேஸ்வரர் கோயில் நிர்வாகத்திடம் ஞாயிற்றுக்கிழமை
பணம் செலுத்தி, தங்கத் தேர் இழுக்கத் தொடங்கினர்.

கோயில் கொடிமரம் எதிரே தங்கத் தேரில் உற்சவர் சுவாமிகளை
வைத்து சிறப்புப் பூஜைகள் செய்தனர். இதையடுத்து, சுமார்
30 அடி தொலைவு தங்கத் தேரை பக்தர்கள் இழுத்துச் சென்றனர்.
அப்போது, கோயில் மூன்றாம் பிரகாரத்தில் இருந்த கண்காணிப்புக்
கேமராவின் வயரில் தங்கத் தேரின் கலசம் சிக்கியது.

உடனடியாக கலசத்துடன் கூடிய விமானத்தின் மேல் பகுதி உடைந்து,
கீழே தங்கத் தேரை இழுத்து வழிபட்டு கொண்டிருந்த திருவண்ணாமலை -
வேட்டவலம் சாலை, பசுங்கரை கிராமத்தைச் சேர்ந்த மணிவண்ணன்
(24) என்பவர் மீது விழுந்தது. இதில் பலத்த காயமடைந்த அவரை
பக்தர்கள் மீட்டு, திருவண்ணாமலையில் உள்ள தனியார்
மருத்துவமனையில் அனுமதித்தனர்.
-
-------------------------------------------------
தினமணி

Code:


கோயில் கொடிமரம் எதிரே தங்கத் தேரில் உற்சவர் சுவாமிகளை
வைத்து சிறப்புப் பூஜைகள் செய்தனர். இதையடுத்து, சுமார்
30 அடி தொலைவு தங்கத் தேரை பக்தர்கள் இழுத்துச் சென்றனர்.
அப்போது, கோயில் மூன்றாம் பிரகாரத்தில் இருந்த கண்காணிப்புக்
கேமராவின் வயரில் தங்கத் தேரின் கலசம் சிக்கியது.



இது கவனக்குறைவால் நேர்ந்த விபத்து.