வங்கி கணக்கு தொடங்க ஆதார் கட்டாயம் இல்லை- உச்ச நீதிமன்றம் தீர்ப்பு

by **ayyasamy ram** Wed Sep 26, 2018 1:32 pm

புதுடெல்லி

வங்கி கணக்கு, வருமான வரி கணக்கு, செல்போன்
இணைப்பு, மற்றும் அரசின் பல்வேறு நலத்திட்டங்களின்
பலன்களை பெற ஆதார் எண் இணைப்பு கட்டாயம் என
மத்திய அரசு உத்தரவிட்டிருந்தது.

இதனை எதிர்த்து சுப்ரீம் கோர்ட்டில் பல்வேறு வழக்குகள்
தொடரப்பட்டன.

இந்த வழக்குகளை ஒன்றாக இணைத்து விசாரித்த
தலைமை நீதிபதி தலைமையிலான அரசியல் சாசன
அமர்வு இன்று தீர்ப்பு வழங்கியது.
தீர்ப்பின் முக்கிய அம்சங்கள் வருமாறு:-

சமுதாயத்தின் ஒதுக்கப்பட்ட மக்களுக்கு ஆதார்
வலுவூட்டுவதுடன் அவர்களுக்கு ஒரு அடையாளத்தையும்
அளிக்கிறது. ஆதாரை போலியாக தயாரிக்க முடியாது.
எனவே, இது மற்ற அடையாள அட்டைகளில் இருந்து
முற்றிலும் வேறுபட்டது.

ஆதார் அரசியல் சாசனத்திற்கு உட்பட்டது.
அரசியல் சாசனத்தின்படி ஆதார் செல்லுபடியாகும்.
ஆனால் அதில் சிறு திருத்தங்கள் செய்ய வேண்டும்.

ஆதார் எண்களை தனியார் நிறுவனங்கள், செல்போன்
நிறுவனங்கள் கோர முடியாது. தேச பாதுகாப்புக்கு
மட்டுமே ஆதாரை பயன்படுத்த வேண்டும்.
ஆதார் தரவுகளை பாதுகாக்க உடனடியாக சட்டம்
கொண்டு வரவேண்டும்.

புதிய வங்கி கணக்குகள் தொடங்குவதற்கு ஆதார்
கட்டாயம் இல்லை. பள்ளிகளில் மாணவர் சேர்க்கைக்கு
ஆதார் கட்டாயம் இல்லை.

யுஜிசி, நீட், சிபிஎஸ்இ தேர்வுகளுக்கு ஆதார் கட்டாயம்.
பான் எண்ணுடன் ஆதாரை கட்டாயம் இணைக்க
வேண்டும். ஆதார் தகவல்களை வெளிநாட்டில் இருந்து
திருட வாய்ப்பு இல்லை.

ஆதார் இல்லை என்பதற்காக தனிமனித உரிமை
பாதிக்கப்படக் கூடாது.

இவ்வாறு நீதிபதிகள் தீர்ப்பில் குறிப்பிட்டுள்ளனர்.
-
---------------------------
-மாலைமலர்

by SK Wed Sep 26, 2018 1:38 pm

அருமையான தீர்ப்பு
அனால் இதை எந்த தொலை தொடர்பு நிறுவனமும் மதிக்கப் போவது இல்லை

by **T.N.Balasubramanian** Wed Sep 26, 2018 6:57 pm

விஷயம் புரியாத பேங்க் அதிகாரிகள் இப்போதாவது ஆதார் கார்டை கட்டாயப்படுத்தக்கூடாது.
ஆதார் கார்டை காண்பித்து demonetise காலத்தில் பண பரிமாற்றம்தான் அதிகம் நடந்தது.
அதிக பணம் மாற்றியவர்கள் மீது நடவடிக்கை எடுக்கப்பட்டதா என தெரியாது.
பணமுதலாளிகள் பேங்க் ஊழியர்களை கைக்குள் போட்டுக்கொண்டு கமிஷன் முறையில்
பணம் மாற்றப்பட்டதாக கேள்வி பட்டதுண்டு.

ரமணியன்

by சிவனாசான் Wed Sep 26, 2018 8:03 pm

நாட்டை ஆள மக்களால் தேர்ந்தெடுக்கப்பட்ட உறுப்பினர்கள் ஆள்கிறார்கள். அவர்கள்
நியாமான நேர்மையான நிர்வாகத்தை நடத்தவே ஆதார் கட்டாயம் என்றனர். இதை வழக்கு போட்டு வாதாடி கோர்ட் உத்திரவிட வேண்டுமா. ஆட்சிசெய்பவர்களுக்குத்தானே தெரியும் சிரமம். இதெற்கெல்லாம் நீதி மன்றம் ஏற்று சிலதுக்கு தடை விதித்தால் >>>>>>>>>>>> ஊழல்கள் குற்றங்கள் ஏற்பட்டால் அதையும் நீதி மன்றம் ஏற்று ஆண்டு கணக்கில் விசாரித்து காலம் ஓட்டும். ஊழலற்ற ஆட்சிக்கு இது தடையாகவே அமைந்திடும் ..........ஆதார் கட்டாயம் தேவை. நல்ல நிர்வாகம் காண...

by Sponsored content

வங்கி கணக்கு தொடங்க ஆதார் கட்டாயம் இல்லை- உச்ச நீதிமன்றம் தீர்ப்பு

வங்கி கணக்கு தொடங்க ஆதார் கட்டாயம் இல்லை- உச்ச நீதிமன்றம் தீர்ப்பு

Re: வங்கி கணக்கு தொடங்க ஆதார் கட்டாயம் இல்லை- உச்ச நீதிமன்றம் தீர்ப்பு

Re: வங்கி கணக்கு தொடங்க ஆதார் கட்டாயம் இல்லை- உச்ச நீதிமன்றம் தீர்ப்பு

Re: வங்கி கணக்கு தொடங்க ஆதார் கட்டாயம் இல்லை- உச்ச நீதிமன்றம் தீர்ப்பு

Re: வங்கி கணக்கு தொடங்க ஆதார் கட்டாயம் இல்லை- உச்ச நீதிமன்றம் தீர்ப்பு