தேசிய மகளிர் ஆணையத்தின் தலைவராக ரேகா சர்மா நியமனம்

**ayyasamy ram** · **ayyasamy ram** Fri Aug 10, 2018 3:48 pm

தேசிய மகளிர் ஆணைய தலைவராக இருந்த வந்த
லலிதா குமாரமங்களம் கடந்த 2017 ஆம் ஆண்டு செப்டம்பர்
மாதம் தனது பதவியை ராஜினாமா செய்தார்.

இந்நிலையில் தேசிய மகளிர் ஆணையத்தின் உறுப்பினராக
இருந்து வந்த ரேகா சர்மா (வயது 54) கூடுதலாக இந்த
பொறுப்பை வகித்து வந்தார்.

இந்நிலையில் நேற்று தேசிய மகளிர் ஆணையத்தின்
தலைவராக ரேகா சர்மா நியமிக்கப்பட்டுள்ளார்.

ஹரியானா மாநிலத்தை சேர்ந்த இவர், நாட்டின் பல்வேறு
பகுதிகளில் உள்ள மனநல காப்பகங்கள், ஆதரவற்ற இல்லங்கள்
ஆகிய இடங்களுக்கு சென்று அங்குள்ள பெண்களுடன்
கலந்துரையாடியுள்ளார். அவர்களின் கஷ்டங்களை
கேட்டறிந்துள்ளார்.

தேசிய மகளிர் ஆணையத்தின் தலைவராக நியமிக்கப்பட்டதை
தொடர்ந்து, ரேகா சர்மா செய்தியாளர்களை சந்தித்துப் பேசினார்.

இதில் பேசிய அவர்,”தேசிய மகளிர் ஆணையத்தின் தலைவராக
நியமிக்கப்பட்டதை நான் பெரும் கவுரமாக கருதுகிறேன்.
கடமை உணர்வுடன் இந்த பொறுப்பை ஏற்றுக்கொள்கிறேன்.

பெண்களுக்கு அரசியல் அமைப்பில் உள்ள சட்ட உரிமைகளை
நிலைநாட்டவும், அவர்களின் குறைகளை சரி செய்ய உதவுதற்கு
தேசிய மகளிர் ஆணையம் உண்மையாக செயல்படும்” என்று
வாக்களித்தார்.

மேலும்,”பாவ மன்னிப்பு, பெண்களை மட்டும் பாதிக்காது.
ஆண்களின் வாழ்க்கையையும் பாதிக்கும். எனவே, பாவ மன்னிப்பு
கேட்கும் முறையை சர்ச்சில் இருந்து ஒழிக்கும் நடவடிக்கையில்
அரசு ஈடுபட வேண்டும்” என ரேகா சர்மா கேட்டுக்கொண்டார்.
-
-------------------------
தினமலர், நெல்லை

SK · SK Fri Aug 10, 2018 4:47 pm

தேசிய மகளிர் ஆணையத்தின் தலைவராக ரேகா சர்மா நியமனம்

தேசிய மகளிர் ஆணையத்தின் தலைவராக ரேகா சர்மா நியமனம்

Re: தேசிய மகளிர் ஆணையத்தின் தலைவராக ரேகா சர்மா நியமனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக