தமிழகத்தில் கலவரத்தை தூண்டிவிட எச்.ராஜா முயற்சி செய்து வருகிறார்: டி.டி.வி.தினகரன்

விழுப்புரம்: தமிழகத்தில் கலவரத்தை தூண்டிவிட பாஜக தேசிய
செயலாளர் எச்.ராஜா முயற்சி செய்து வருகிறார் என்று
விழுப்புரத்தில் டி.டி.வி.தினகரன் பேட்டியளித்துள்ளார்.

மேலும் எச்.ராஜா நாகரிகமற்ற முறையில் பேசி வருகிறார் என்றும்
அவர் குற்றம் சாட்டியுள்ளார்.
-
--------------------------------------------
தினகரன்

பெரியார் சிலை குறித்த எச்.ராஜாவின் கருத்து வன்முறையை தூண்டாது : அர்ஜூன் சம்பத்
-



சென்னை:
தமிழகத்தில் பெரியார் சிலை உடைக்கப்படும் என்று தெரிவித்துள்ள
சர்ச்சை ராஜாவின் கருத்துக்கு, இந்து மக்கள் கட்சியின் தலைவரான
அர்ஜூன் சம்பத் பகிரங்க ஆதரவு தெரிவித்துள்ளார்.

இது மேலும் சர்ச்சையை ஏற்படுத்தியுள்ளது. தமிழகத்தில் பெரியார்
சிலை உடைக்கப்படும் என்று பா.ஜ.க. நிர்வாகி எச்.ராஜா மிரட்டல்
விடுத்துள்ளார்.

திரிபுராவில் லெனின் சிலை உடைக்கப்பட்டது போல் பெரியார் சிலை
உடைக்கப்படும் என்று முகநூலில் எச்.ராஜா மிரட்டல் விடுத்துள்ளார்.

திரிபுராவில் சமீபத்தில் நடந்த தேர்தலில் பாஜக கூட்டணி வெற்றி
பெற்றது. கடந்த சனிக்கிழமைதான் தேர்தல் முடிவு வெளியான
நிலையில், திங்கள்கிழமையான நேற்று, திரிபுராவில் லெனின் சிலை
புல்டோசர் வைத்து இடிக்கப்பட்டுள்ளது

.லெனின் சீனர் என்றும் தீவிரவாதி என்றும் பாஜகவினர் வலைத்
தளங்களில் பதிவிட்டனர். இந்நிலையில் பெரியார் சிலை
உடைக்கப்படும் என்ற எச்.ராஜா கருத்துக்கு பல்வேறு தரப்பிலும்
கண்டங்கள் எழுந்து வருகிறது.

இந்நிலையில் பெரியார் சிலை உடைக்கப்படும் என்ற எச்.ராஜா-
கூறியதற்கு இந்து மக்கள் கட்சி தலைவர் அர்ஜுன் சம்பத் பகிரங்க
ஆதரவு தெரிவித்துள்ளார்.

எச்.ராஜாவின் கருத்து வன்முறையை தூண்டாது என்று
அர்ஜுன் சம்பத் தொலைக்காட்சி பேட்டி ஒன்றில் தெரிவித்துள்ளார்.

கோயில்கள் முன்பாக உள்ள பெரியார் சிலையை அகற்ற வேண்டும்
என அவர் தெரிவித்துள்ளார். ரஷ்ய நாட்டின் தலைநகரத்திலேயே
லெனின் சிலையை அகற்றினர் என்று கூறியுள்ளார் அர்ஜுன் சம்பத்.

எச் ராஜாவின் முகநூல் பதிவே பெரும் சர்ச்சையை ஏற்படுத்தியுள்ள
நிலையில் அதற்கு அர்ஜுன் சம்பத் ஆதரவு தெரிவித்திருப்பது
எரியும் நெருப்பில் எண்ணெய் ஊற்றும் செயல் என பலரும் கண்டனம்
தெரிவித்துள்ளனர்.
-
--------------------------------------------
தினகரன்