நேரடி ஒளிபரப்பு செய்யப்படுமா சுப்ரீம் கோர்ட் வழக்கு விசாரணைகள்?

புதுடில்லி : பார்லி., மற்றும் மாநில சட்டசபை நடவடிக்கைகளை போன்று கோர்ட்டில் நடக்கும் வழக்கு விசாரணைகளை நேரடி ஒளிபரப்பு செய்ய வேண்டும் என சட்டத்துறைக்கு நெருக்கடி அதிகரித்து வருகிறது.

கோர்ட் செயல்பாடுகளை நேரடி ஒளிபரப்பு செய்யக் கோரி 3 ஆண்டுகளுக்கு முன் தாக்கல் செய்யப்பட்ட பொதுநல மனுக்கள் தள்ளுபடி செய்யப்பட்டன. 2015 ம் ஆண்டு தாக்கல் செய்யப்பட்ட பொதுநல மனுவை விசாரித்த தலைமை நீதிபதி தத்து, கோர்ட் அறையில் சிசிடிவி வைக்க வேண்டும் என விரும்புகிறீர்களா? கோர்ட்டில் விவாதிக்கப்படும் விஷயங்கள் அனைத்தும் மக்களிடம் தெரிவிக்கப்படும் போது இது தேவையற்றது என கூறி மனுவை தள்ளுபடி செய்தார்.

தற்போது இதே கோரிக்கையை வலியுறுத்தி, 2 மூத்தவழக்கறிஞர்கள் மனுதாக்கல் செய்துள்ளனர். அதில் மேத்தீவ் ஜெ.நெதும்பரா தாக்கல் செய்துள்ள மனுவில், அடிப்படை கொள்கைகளின்படியே நீதித்துறை செயல்பட்டு வருகிறது. அதனால் அனைத்து கோர்ட் செயல்பாடுகளும் வெளிப்படையாக நடக்க வேண்டும்.

மக்கள் யார் விரும்பினாலும் கோர்ட்டிற்கு வந்து வழக்கு விசாரணைகளை பார்க்க உரிமை வழங்கப்பட வேண்டும். கோர்ட்டில் என்ன நடக்கிறது என்பதை தெரிந்து கொள்ளும் உரிமை அனைவருக்கும் உண்டு. இதனால் வழக்கு விசாரணைகளை நேரடி ஒளிபரப்பு செய்ய வேண்டும் என குறிப்பிட்டுள்ளார்.

இந்திரா ஜெய்சிங் தாக்கல் செய்துள்ள மனுவில், சுப்ரீம் கோர்ட் தீர்ப்புக்கள் ஒவ்வொரு இந்தியா குடிமகனையும் பாதிக்கிறது. அதனால் எதன் அடிப்படையில் அந்த முடிவுகள் எடுக்கப்பட்டது என்பதை தெரிந்து கொள்ளும் உரிமையும், கோர்ட் செயல்படும் முறையை தெரிந்த கொள்ளும் உரிமையும் அனைத்து குடிமகனுக்கும் உண்டு.

அனைத்து வழக்குகளில் இல்லாவிட்டாலும் ஆதார் செல்லுமா, அனைத்து வயது பெண்களும் சபரிமலை கோயிலுக்கு செல்ல அனுமதி கோரிய வழக்கு போன்ற முக்கிய வழக்குகளையாவது நேரடி ஒளிபரப்பு செய்ய வேண்டும். இதனால் சட்டசங்களை மக்கள் புரிந்து கொள்ள முடியும். நமது வெளிப்படையான நீதித்துறை மீது மக்களுக்கு மதிப்பு கிடைக்கும் என குறிப்பிட்டுள்ளார்.

இந்த பொது நல மனுக்கள் சுப்ரீம் கோர்ட் தலைமை நீதிபதி தீபக் மிஸ்ரா முன்னிலையில் விரைவில் விசாரணைக்கு வரும் என எதிர்பார்க்கப்படுகிறது.



தினமலர்

ayyasamy ram wrote:
மக்கள் யார் விரும்பினாலும் கோர்ட்டிற்கு வந்து வழக்கு விசாரணைகளை பார்க்க உரிமை வழங்கப்பட வேண்டும். கோர்ட்டில் என்ன நடக்கிறது என்பதை தெரிந்து கொள்ளும் உரிமை அனைவருக்கும் உண்டு. இதனால் வழக்கு விசாரணைகளை நேரடி ஒளிபரப்பு செய்ய வேண்டும் என குறிப்பிட்டுள்ளார்.

மேற்கோள் செய்த பதிவு: 1257273
மக்கள் நேரடியாக சண்டை காட்சிகளை பார்க்கலாம்.
சினிமா சண்டை காட்சிகள் கூட தோற்று போகும்.