லண்டன் செல்கிறார் செங்கோட்டையன்

**ayyasamy ram** · **ayyasamy ram** Thu Jan 18, 2018 6:23 pm

சென்னை:
சர்வதேச கல்வி மாநாட்டில் பங்கேற்பதற்காக தமிழக பள்ளி
கல்வி அமைச்சர் செங்கோட்டையன் வரும் 20ம் தேதி லண்டன்
செல்கிறார். அவருடன் செயலர் பிரதீப் யாதவும் செல்ல உள்ளார்.

பயணம் முடிந்த பின்னர் ஜன.,25ம் தேதி சென்னை திரும்புவார்
என தெரிகிறது.

இந்நிலையில், தலைமை செயலகத்தில் அதிகாரிகளுடன்
நடந்த ஆலோசனைக்கு பின்னர் செங்கோட்டையன்
நிருபர்களிடம் கூறியதாவது:

ஆசிரியர்கள், மாணவர்களை புரிந்து கொண்டு செயல்பட
வேண்டும். மாணவர்களின் மனநிலை ஏற்ப ஆசிரியர்கள்
பயிற்சி அளிக்க வேண்டும் மாணவர்களின் மன அழுத்தத்தை
குறைக்க கவுன்சிலிங் அளிக்கப்படும்.

விருப்பப்படும் மாணவர்களுக்கு யோகா பயிற்சி அளிக்கப்படும்.
தனியார் பள்ளி மாணவர் உயிரிழப்பு தொடர்பாக ஆசிரியர்,
கைது செய்யப்பட்டுள்ளார். இவ்வாறு அவர் கூறினார்.
-
-----------------------------------
தினமலர்