ஓர் அன்பு முத்தம் ! (ஸ்காட்லாந்து நாட்டுப்புறப் பாடல்)

**Dr.S.Soundarapandian** · **Dr.S.Soundarapandian** Mon Nov 20, 2017 7:32 pm

ஓர் அன்பு முத்தம் ! (ஸ்காட்லாந்து நாட்டுப்புறப் பாடல்)

ஒரே ஒரு அன்பு முத்தம் !
அதன்பிறகு நாம் பிரிந்துவிடுவோம் !
ஒரு பிரிவு உபசாரம்! – என்றென்றைக்குமான பிரிவு இது !

இதயப் பிழிவான கண்ணீருடன்
நான் உனக்கு உறுதி கூறுகிறேன் !
பெருமூச்சுடனும், குமுறலுடனும்-
நான் உன்னை உன் வழியில் விடுவேன்!

நாம் அப்படி அன்பொழுகக் காதலித்திராவிட்டால்-
நாம் அப்படிக் குருட்டுத் தனமாகக் காதலித்திராவிட்டால்-
நாம் சந்தித்தே இராமலிருந்தால்-
நாம் இப்படி உடைந்த மனத்தர்களாக ஆகியிருக்கவேண்டாம் !

என் ஆசையை எபோதும் குறைசொல்லமாட்டேன் !
நான் என் நான்சியை நினைப்பதை எதுவும் நிறுத்தமுடியாது !
அவளை நான் பார்ப்பதே-
அவளைக் காதலிப்பதாகத்தான் அர்த்தம்!
அந்தகாதல் – நிரந்தரமானது!

உனக்கு வந்தனம்- போய்வா!
எனதுஅன்பிற் சிறந்தவளே! அழகிற் சிறந்தவளே!
போய்வா!-

சிறப்பிற்குரியாளே! அன்பிற்சிறந்தாளே!

நீயே-
இன்பம்! பொக்கிஷம்!
அமைதி! இன்ப அனுபவம்!
காதல்! மகிழ்ச்சி!

ஒரே ஒரு அன்பு முத்தம் !
பிறகு நாம் பிரிவோம் !

( ’A Fond Kiss’ என்ற ஸ்காட்டிஷ் நாட்டுப்புறப் பாடலை .ஆங்கிலத்திலிருந்து தமிழில் மொழிபெயர்த்தவர் முனைவர் சு. சௌந்தரபாண்டியன்)
Courtesy - scottish-folk-music.com