மற்றவர் வெற்றிகளையும் பாராட்டப் பழகுங்கள். –

**ayyasamy ram** · **ayyasamy ram** Thu 27 Jul 2017 - 15:47

தினமும் மூன்று என்று திட்டமிட்டு காரியங்களை செய்து
வந்தால் அதிசயிக்கக் கூடிய வெற்றியை எட்டித்
தொட்டிருக்கக் காண்பீர்கள். முடித்தாக வேண்டிய பணிகளில்
முதல் மூன்றை தேர்வு செய்து முடியுங்கள் என்பது இதன்
கருத்து.
–
வாழ்க்கையில் சின்னச் சின்ன விடயங்கள் கூட பெரிய
பெரிய சந்தோசத்தை அள்ளித்தரக் கூடியவை.
அன்றாட வாழ்வில் சின்னச்சின்ன விடயங்களை முடிப்பதன்
மூலம் பெரிய சந்தோசத்தை அனுபவிக்க முடியும்.
–
உங்கள் மீது நம்பிக்கை வையுங்கள், உங்களின் உள்ளேயுள்ள
திசைகாட்டியின் வழியே நடவுங்கள். அதுதான் உள்ளிருப்பதை
வெளிக்காட்டி வெற்றிகொள்ளும் வழிமுறையாகும்.
–
ரிஸ்க் எடுப்பது அவசியம், அதை குழந்தைகளின் சிறிய
நடைபோல சிறிது சிறிதாக பிரித்து எடுத்தால் பாரம்
தெரியாமலே இலக்கை அடைந்துவிடலாம்.
–
வெற்றி என்பது ஒரு தொடர் நடவடிக்கை, அது ஓர் உணர்வு.
நான் யார் என்னவாக இருக்கிறேன், எப்படி வாழ்ந்து
கொண்டிருக்கிறேன், என்பதுபற்றி நமக்குள்ளே ஜொலிக்கும்
இதமான உணர்வுதான் வெற்றி !
–
இதுவரை நீங்கள் பெற்றிருப்பதற்காக செலுத்தும் நன்றிகள்
அந்த நன்மைகளை தொடர்ந்து பெருகச் செய்யும்.
–
தாங்கள் ஈடுபட்டுக் கொண்டிருக்கும் வேலை,
பரவசமானதாகவும் அர்த்தம் நிறைந்ததாகவும் அமையப்
பெற்றவர்கள் மிகவும் சந்தோசமானவர்கள்.
–
பிரச்சனையில் கவனம் செலுத்துகிறோமா அல்லது தீர்வில்
கவனம் செலுத்துகிறோமா என்பதை யோசித்து நடக்க வேண்டும்.
–
வேகமாக ஓடுவோர் ஒரு கட்டத்தில் களைத்து நின்றுவிட
வேண்டி வரும். சாவகாசம், நிதானம் என்பதே களைப்பின்றி
பயணிக்க ஏற்ற மருந்தாகும்.
–
வெற்றியை புகழ்ந்து பாராட்டும் கலையை கற்றுக் கொள்ள
வேண்டும். நாம் செய்ய வேண்டியதும், செய்ய முடிகிறதுமான
காரியம் இதுவாகும்.
–
நாம் ஒழுங்காக செய்ததைவிட ஒழுங்குபட செய்யாத
காரியத்தில்தான் கூடுதல் கவனம் செலுத்தி கவலைப்பட்டு
வருகிறோம்.
–
குறைகளை பார்ப்பதை விடுத்து, உங்கள் வெற்றிகளையும்,
மற்றவர் வெற்றிகளையும் பாராட்டப் பழகுங்கள்.
–
——————————————–
படித்ததில் பிடித்தது

**T.N.Balasubramanian** · **T.N.Balasubramanian** Thu 27 Jul 2017 - 19:54

மற்றவரை பாராட்டுதல் --காணமுடியா காட்சி இவ்வுலகில்..

ரமணியன்

மற்றவர் வெற்றிகளையும் பாராட்டப் பழகுங்கள். –

மற்றவர் வெற்றிகளையும் பாராட்டப் பழகுங்கள். –

Re: மற்றவர் வெற்றிகளையும் பாராட்டப் பழகுங்கள். –

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக