பள்ளி, கல்லூரிகள் இன்றுமுதல் வழக்கம்போல் இயங்கும்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

பள்ளி, கல்லூரிகள் இன்றுமுதல் வழக்கம்போல் இயங்கும்

#1232093

ayyasamy ram
வழிநடத்துனர்: பதிவுகள் : 81987
இணைந்தது : 30/09/2013

Post ayyasamy ram Mon Jan 23, 2017 7:28 am

பள்ளி, கல்லூரிகள் திங்கள்கிழமை (ஜன. 23) முதல் வழக்கம்
போல் இயங்கும் என தமிழக அரசு அறிவித்துள்ளது.

ஜல்லிக்கட்டுக்கு நிரந்தர அனுமதி வழங்கக் கோரி தமிழகம்
முழுவதும் கடந்த திங்கள்கிழமை முதல் போராட்டங்கள் நடை
பெற்று வருகின்றன. இளைஞர்கள் தொடர்போராட்டத்தில்
ஈடுபட்டதால் கல்லூரி மாணவர்கள் அதிக அளவில்
பங்கேற்றதால் கல்லூரிகளுக்கு விடுமுறை அறிவிக்கப்பட்டது.

இந்த நிலையில் பள்ளி மாணவர்களும் போராட்டத்தில்
பங்கேற்றதால், பெரும்பாலான தனியார் பள்ளிகள், அரசுப்
பள்ளிகளுக்கு வெள்ளிக்கிழமை முதல் விடுமுறை அளிக்கப்
பட்டது.

இதற்கிடையே, தமிழக மக்களின் உணர்வுகளுக்கு மதிப்பளிக்கும்
வகையில் முதல்வர் பன்னீர்செல்வம் கடந்த 19-ஆம் தேதி
தில்லியில் பிரதமர் மோடியை நேரில் சந்தித்து அவசரச் சட்டம்
பிறப்பிக்க வலியுறுத்தினார். தமிழகத்தின் நடவடிக்கைகளுக்கு
துணைநிற்பதாக பிரதமர் கூறியதை அடுத்து மத்திய அரசின்
மிருகவதை தடுப்புச் சட்டத்துக்கு மாநில அரசே திருத்தம் கொண்டு
வர முடிவெடுக்கப்பட்டு, வரைவு சட்டத் திருத்தம் தயாரிக்கப்பட்டு
மத்திய அரசின் ஒப்புதல் பெறப்பட்டு பின்னர் தமிழக ஆளுநர் மூலம்
அவசரச் சட்டமாக கொண்டுவரப்பட்டது.

இதைத் தொடர்ந்து, தமிழகத்தின் பல்வேறு பகுதிகளில் ஞாயிற்றுக்
கிழமை ஜல்லிக்கட்டு போட்டிகள், மாட்டு வண்டி பந்தயங்கள்
நடைபெற்றன.
ஜல்லிக்கட்டு ஆர்வலர்கள், போராட்டக்காரர்களின் கோரிக்கையின்
அடிப்படையில் ஜல்லிக்கட்டு நடைபெறத் தொடங்கியிருப்பதைத்
தொடர்ந்து, தமிழகம் முழுவதும் கல்லூரிகளும், பள்ளிகளும்
திங்கள்கிழமை முதல் வழக்கம்போல் இயங்கும் என தமிழக அரசு
அறிவித்துள்ளது.
-
-----------------------------------------
தினமணி

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1