சொன்னதும் கேட்டதும் - உணவு-

முக்கா லுணவின்றி யெத்தேகி கட்கு முழுவுணலி
லக்கா ரணமன்ன சாகாதிகூடி யரையதிற்பால்
சிக்கா வமுதம்பு தக்கிரங் காலுண்டிச் சேடம்வெளி
வைக்கா விடிலுண்டி வேகா தனலும் வளியுமின்றே

யாராக இருந்தாலும் முக்கால் வயிறு அளவுக்கே உணவு எடுத்துக் கொள்ள வேண்டும். அதாவது சோறு, பலாகாரம் போன்ற உணவை அரை வயிறும், பால், மோர், நீர் போன்றவை கால்வயிறு அளவுக்கும் எடுத்துக் கொள்ள வேண்டும்.

ஒரு போதும் முழுவயிறு உணவை எடுத்துக் கொள்ளக் கூடாது. அப்படி முழு வயிறு உணவு உட்கொண்டால் சாப்பிட்ட உணவைச் சீரணிக்கத் தக்க அக்கினியும் வாயுவும் (வயிற்றினுள் சுரக்கும் அமிலம்) வயிற்றினுள் இருந்து செயல்பட இடமிருக்காது போய்விடும் என்கிறார்.


தன்மமி ரண்டேயூண் டப்பிமுக்காற் கொள்ளினினன்
சின்மதலை காளைகடல் சேர்பருவ-தன்மூகுர்த்த
மொன்றுக்கு ணானகுக்கு ளோதுமிரண் டுக்குளுண்பர்
நன்றுக்குத் தீயோர் நயந்து

ஒரு நாளில் இரண்டு வேளைகள் உண்பதே நன்மையளிக்கும். அதற்குமேல் மூன்றாவது காலம் உணவு உண்ன வேண்டும் என்று விரும்புகிறவர்கள், நாளின் முதலாவது உணவை சூரிய உதய நேரத்திலிருந்து சரியாக ஒன்றரை மணி நேரத்திற்குள்ளும், இரண்டாவது உணவை சூரிய உதயத்தில் இருந்து ஆறு மணி நேரத்திற்குள்ளும், மூன்றாவது உணவை சூரியன் மறைந்து மூன்று மணி நேரத்திற்குள்ளும் எடுத்துக் கொள்ள வேண்டும். இந்த கால முறை தவறி உண்டால் உடலுக்கு தீமை உண்டாகும் என்கிறார்.

என்ன தீமை விளையும்?

மூன்றுநான் காறெண்மு கூர்த்தங் களின்முறையே
ஞான்றுளுண்ணு மந்த நறுமுணவே-தோன்றுடலுக்
கொக்குமித நோயரமு ரோகமுயிர்க் கந்தரஞ்செய்
விக்குமித மாராய்ந்து விள்.
பாடல் - தேரையர்.

சூரியன் உதய நேரத்திலிருந்து நான்கு மணி நேரத்தில் உண்ணும் உணவினால் உடலுக்கு மிதமான நோய் ஏற்படும். சூரியன் உதய நேரத்திலிருந்து ஆறு மணி நேரத்துக்கு மேல் உண்ணும் உணவினால் நோய்கள் உண்டாகும்,  மாலையில் சூரியன் மறைந்து மூன்று மணி நேரத்திற்கு மேல் உண்ணும் உணவினால் உயிருக்கு தீங்கு விளையும் என்கிறார்.

(தற்கால மருத்துவ அறிவியல் கருத்துகளுடன் ஒத்துப் போகிறது. டயபிடிஸ்-சர்க்கரை வியாதி,குருதி அழுத்தம் உள்ளவர்கள் தங்கள் வழமையான உணவை  நான்கு அல்லது ஐந்து வேளையாக பிரித்து சிறிய அளவில் உண்பதனால் நோயை கட்டுப்பாட்டில் வைத்திருக்க முடியும்.)

பெற்றோருடன் இருப்பது ஒரு தனியான சுகம்.அந்த சுகத்தை தற்காலிகமாக இழந்து, செல்ல வேண்டி இருப்பதால்,மீண்டும் அடுத்த வாரம்………………………..

"சூரியன் உதய நேரத்திலிருந்து நான்கு மணி நேரத்தில் உண்ணும் உணவினால் உடலுக்கு மிதமான நோய் ஏற்படும். சூரியன் உதய நேரத்திலிருந்து ஆறு மணி நேரத்துக்கு மேல் உண்ணும் உணவினால் நோய்கள் உண்டாகும்,  மாலையில் சூரியன் மறைந்து மூன்று மணி நேரத்திற்கு மேல் உண்ணும் உணவினால் உயிருக்கு தீங்கு விளையும் என்கிறார்.

(தற்கால மருத்துவ அறிவியல் கருத்துகளுடன் ஒத்துப் போகிறது. டயபிடிஸ்-சர்க்கரை வியாதி,குருதி அழுத்தம் உள்ளவர்கள் தங்கள் வழமையான உணவை  நான்கு அல்லது ஐந்து வேளையாக பிரித்து சிறிய அளவில் உண்பதனால் நோயை கட்டுப்பாட்டில் வைத்திருக்க முடியும்.)"

 

பெற்றோருடன் இருப்பது ஒரு தனியான சுகம்.அந்த சுகத்தை தற்காலிகமாக இழந்து, செல்ல வேண்டி இருப்பதால்,மீண்டும் அடுத்த வாரம்………………………..

பாவமாக இருக்கிறது. உங்களுக்கே இப்பிடி என்றால் ,பெற்றவர்களுக்கு ......

ரமணியன்