ஜெயலலிதா மரணத்தில் சந்தேகம் உள்ளது: உயர் நீதிமன்ற நீதிபதி வைத்தியநாதன் கருத்து

**ayyasamy ram** · **ayyasamy ram** Thu Dec 29, 2016 6:00 pm

சென்னை:
மறைந்த முதல்வர் ஜெயலலிதா மரணத்தில் சந்தேகம் உள்ளது.
அவர் மறைவுக்குப் பிறகாவது உண்மைகள் வெளிவர வேண்டும்
என்று சென்னை உயர் நீதிமன்ற நீதிபதி வைத்தியநாதன் கருத்துத்
தெரிவித்துள்ளார்.

மறைந்த முதல்வர் ஜெயலலிதா மரணத்தில் சந்தேகம் இருப்பதாகவும்,
ஜெயலலிதா மரணம் குறித்து ஓய்வுபெற்ற உச்ச நீதிமன்ற நீதிபதிகள்
குழு விசாரணை நடத்த வேண்டும் என்றும் வலியுறுத்தி அதிமுக
பிரமுகர் ஜோசப் தொடர்ந்த வழக்கில் நீதிபதி வைத்தியநாதன் இன்று
இவ்வாறு கூறியுள்ளார்.

இது தொடர்பான வழக்கு இன்று உயர் நீதிமன்றத்தில் விசாரணைக்கு
வந்தது. வழக்கை விசாரித்த விடுமுறைக் கால நீதிமன்ற நீதிபதி
வைத்தியநாதன், ஜெயலலிதா மரணத்தில் எனக்கு தனிப்பட்ட முறையில்
சந்தேகம் உள்ளது.

ஜெயலலிதா 75 நாட்களாக மருத்துவமனையில் அனுமதிக்கப்பட்டிருந்தது
குறித்து வெளியான செய்திகளில், அவர் நலமடைந்தார். உணவு சாப்பிட்டார்.
கோப்புகளில் கையெழுத்திட்டார் என்று கூறப்பட்டது.

ஆனால், திடீரென அவர் எப்படி உயிரிழந்தார்? அவரது மறைவுக்குப்
பிறகாவது, மரணத்தில் இருக்கும் சந்தேகம் தீர்க்கப்பட வேண்டும் என்று
கூறினார்.

மேலும், மரணத்துக்குப் பிறகு அவரது மருத்துவ அறிக்கைகளைக் கொடுக்க
முடியாது. எனவே, அவரது உடலை தோண்டியெடுத்து பரிசோதனை நடத்தவும்
உத்தரவிடுவேன் என்று அரசு வழக்குரைஞரிடம் நீதிபதி வைத்தியநாதன்
கூறினார்.

பிறகு, ஜெயலலிதா மரணம் தொடர்பான வழக்கில், மத்திய, மாநில அரசுகள்
ஜனவரி 9ம் தேதிக்குள் பதில் அளிக்க வேண்டும் என்று உத்தரவிட்டார்.
-
--------------------------------------------
தினமணி

**T.N.Balasubramanian** · **T.N.Balasubramanian** Thu Dec 29, 2016 6:41 pm

தமிழக அரசியல் கட்சிகள் வரப்போகும் மாதங்களில் சின்னாபின்னமாகப் போகிறது.
இன்றைய ஒற்றுமையின் பின்னணியில் இருப்பது ஒரே விஷயம்தான்.
தேர்தலுக்கு செலவழித்த பணத்தை இந்த குறுகிய காலத்தில் எடுக்கமுடியவில்லை.
உடனே மறு தேர்தல் வந்தால்,அம்மா இல்லாத தேர்தலை எவரும் சந்திக்க விரும்பவில்லை.

2017 பெரிய கேள்விக்குறியுடனேயே ஆரம்பிக்கப்போகிறது.

ரமணியன்

**krishnaamma** · **krishnaamma** Fri Dec 30, 2016 12:46 am

T.N.Balasubramanian wrote:தமிழக அரசியல் கட்சிகள் வரப்போகும் மாதங்களில் சின்னாபின்னமாகப் போகிறது.
இன்றைய ஒற்றுமையின் பின்னணியில் இருப்பது ஒரே விஷயம்தான்.
தேர்தலுக்கு செலவழித்த பணத்தை இந்த குறுகிய காலத்தில் எடுக்கமுடியவில்லை.
உடனே மறு தேர்தல் வந்தால்,அம்மா இல்லாத தேர்தலை எவரும் சந்திக்க விரும்பவில்லை.

2017 பெரிய கேள்விக்குறியுடனேயே ஆரம்பிக்கப்போகிறது.

ரமணியன்

மேற்கோள் செய்த பதிவு: 1230097

உங்கள் வார்த்தைகள் மிகவும் சரி ஐயா! அருமையிருக்கு

Sponsored content · Sponsored content

ஜெயலலிதா மரணத்தில் சந்தேகம் உள்ளது: உயர் நீதிமன்ற நீதிபதி வைத்தியநாதன் கருத்து

ஜெயலலிதா மரணத்தில் சந்தேகம் உள்ளது: உயர் நீதிமன்ற நீதிபதி வைத்தியநாதன் கருத்து

Re: ஜெயலலிதா மரணத்தில் சந்தேகம் உள்ளது: உயர் நீதிமன்ற நீதிபதி வைத்தியநாதன் கருத்து

Re: ஜெயலலிதா மரணத்தில் சந்தேகம் உள்ளது: உயர் நீதிமன்ற நீதிபதி வைத்தியநாதன் கருத்து

Re: ஜெயலலிதா மரணத்தில் சந்தேகம் உள்ளது: உயர் நீதிமன்ற நீதிபதி வைத்தியநாதன் கருத்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக