அந்தமானுக்கு கிழக்கே மீண்டும் காற்றழுத்தம்:புயலாக மாறும்

**T.N.Balasubramanian** · **T.N.Balasubramanian** Fri Dec 16, 2016 4:33 pm

அந்தமானுக்கு கிழக்கே மீண்டும் காற்றழுத்தம்: புயலாக மாறும்- வானிலை எச்சரிக்கை

அந்தமானுக்கு கிழக்கே மீண்டும் காற்றழுத்தம் ஏற்பட்டுள்ளது. இது புயலாக மாறி தமிழகத்தில் கரையை கடக்கலாம் என்று வானிலை ஆய்வு மையம் எச்சரித்துள்ளது

சென்னை: கடந்த வாரம் தென்கிழக்கு வங்கக் கடலில் தெற்கு அந்தமான் மற்றும் வடக்கு சுமத்ரா தீவுக்கு இடையே வளி மண்டல மேலடுக்கில் உருவான காற்று சுழற்சி வர்தா புயலாக மாறி, சென்னையில் கரையை கடந்தது. இதன் மூலம் சென்னை சுற்றுவட்டாரப்பகுதிகளில் குறிப்பிடத்தகுந்த அளவிற்கு மழை பெய்தது. குடிநீர் ஏரிகளின் நீர் இருப்பும் அதிகரித்தது. வடகிழக்குப் பருவமழை கடந்த அக்டோபர் 30ம் தேதிதான் தொடங்கியது. பருவமழை தாமதமாகத் தொடங்கியிருப்பதால் இந்த ஆண்டு மழை தாமதமாகத்தான் முடியும். எனவே வர்தா புயலோடு மழை முடிவுக்கு வந்து விடாது. இன்னும் ஒரு காற்றழுத்த தாழ்வு நிலையோ அல்லது புயலோ வருவதற்கு வாய்ப்பு உள்ளது என்றும் வானிலை ஆய்வாளர்கள் தெரிவித்தனர்.
இந்நிலையில், வளி மண்டல மேலடுக்கு காற்று சுழற்சி காரணமாக தமிழகத்தில் இன்றும் மழை பெய்யும் என்று வானிலை ஆய்வு மையம் கூறியுள்ளது. அந்தமானுக்கு கிழக்கே மீண்டும் ஒரு காற்றழுத்தம் நேற்று மாலை உருவாகியுள்ளது. இது வடக்கு மற்றும் வட மேற்கு திசையில் நகர்ந்து அடுத்த நான்கு நாட்களில் தமிழக கடலோரப்பகுதிக்கு வரும் என்று எதிர்பார்க்கப்படுகிறது. இந்த காற்றழுத்தம் வலுப்பெற்று புயலாக மாறும் என்று வானிலை ஆய்வு மையம் எச்சரித்துள்ளது.

நன்றி தட்ஸ்தமிழ்

ரமணியன்

**ayyasamy ram** · **ayyasamy ram** Mon Dec 19, 2016 3:35 pm

எதிர் பார்த்த அளவிற்கு மழை இல்லை
-
இன்னும் பத்து நாட்களுக்கு மழைக்கான வாய்ப்பு
ஏதும் இல்லை....

**krishnaamma** · **krishnaamma** Mon Dec 19, 2016 5:49 pm

ம்ம்.. மற்றும் ஒரு புயல் வராது என்றே எண்ணுகிறேன் புன்னகை

.............இதை முறை மழை குறைவு தான் ராம் அண்ணா .ஆனால் புயலால் இழப்புகள் அதிகம் ...........போன டிசம்பர் மழையால் பாதிப்பு, இந்த முறை காற்றால்........சென்னைக்கு ஏதோ பொறாத காலம் சோகம்

Sponsored content · Sponsored content

அந்தமானுக்கு கிழக்கே மீண்டும் காற்றழுத்தம்:புயலாக மாறும்

அந்தமானுக்கு கிழக்கே மீண்டும் காற்றழுத்தம்:புயலாக மாறும்

Re: அந்தமானுக்கு கிழக்கே மீண்டும் காற்றழுத்தம்:புயலாக மாறும்

Re: அந்தமானுக்கு கிழக்கே மீண்டும் காற்றழுத்தம்:புயலாக மாறும்

Re: அந்தமானுக்கு கிழக்கே மீண்டும் காற்றழுத்தம்:புயலாக மாறும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக