இந்தியாவில் இருந்து மிளகாய், மாம்பழம், வெள்ளரி இறக்குமதிக்கு ஐக்கிய அரபு எமிரேட்ஸ் கட்டுப்பாடு!

புதுடில்லி : இந்தியாவில் இருந்து, காய்கறிகள், பழங்கள் ஆகியவற்றின் இறக்குமதிக்கு, ஐக்கிய அரபு எமிரேட்ஸ், புதிய கட்டுப்பாட்டை விதித்துள்ளது. இதன்படி, ‘மிளகாய் வற்றல், மாம்பழம், வெள்ளரிக்காய் ஆகியவற்றை ஏற்றுமதி செய்யும் போது, அவற்றில் உள்ள பூச்சிக் கொல்லி மருந்துகளின் அளவு குறித்த அறிக்கையை, இந்திய நிறுவனங்கள் கண்டிப்பாக வழங்க வேண்டும்’ என, ஐக்கிய அரபு எமிரேட்ஸ் உத்தரவிட்டுள்ளது.

இந்த நடைமுறை, இம்மாதம் அமலுக்கு வந்துள்ளது. இதையடுத்து, ‘ஐக்கிய அரபு எமிரேட்சுக்கு ஏற்றுமதி செய்யும் காய்கறிகள், பழங்கள் ஆகியவற்றுடன், அவற்றில் காணப்படும், பூச்சிக் கொல்லி மருந்தின் அளவு குறித்த ஆய்வறிக்கையை அனுப்ப வேண்டும்’ என, இந்திய நிறுவனங்கள் அறிவுறுத்தப்பட்டுள்ளன.

இது தொடர்பான சுற்றறிக்கையை, வேளாண் மற்றும் பதப்படுத்தப்பட்ட உணவு பொருட்கள் ஏற்றுமதி மேம்பாட்டு ஆணையமான – அபிடா, அனைத்து ஏற்றுமதி நிறுவனங்களுக்கும் அனுப்பியுள்ளது. உலகில், வேளாண் பொருட்கள் உற்பத்தியில், ரசாயன உரங்கள், பூச்சிக் கொல்லி மருந்துகள் ஆகியவை, அதிக அளவில் பயன்படுத்தப்படுகின்றன.

இவ்வகை விவசாயத்தில் விளையும் வேளாண் பொருட்களில், பூச்சிக் கொல்லி மருந்து உள்ளிட்ட நச்சுப் பொருட்களின் அளவை, ‘கோடக்ஸ் அலிமென்டரியஸ் ஆணையம்’ என்ற சர்வதேச அமைப்பு நிர்ணயம் செய்துள்ளது.

உலக நாடுகள், இந்த அளவீட்டிற்கான சான்றிதழுடன், வேளாண் பொருட்களை ஏற்றுமதி செய்கின்றன. இந்நிலையில், ‘இந்தியாவில் இருந்து ஏற்றுமதி செய்யப்படும், காய்கறிகள், பழங்கள் ஆகியவற்றில், நிர்ணயிக்கப்பட்ட அளவை மீறி, பூச்சிக் கொல்லி மருந்து கலந்துள்ளது’ என, ஐக்கிய அரபு எமிரேட்ஸ், சமீபத்தில் குற்றம் சாட்டியது.

இதையடுத்து, ‘மக்களின் ஆரோக்கியம் மற்றும் பாதுகாப்பு கருதி, இந்தியாவில் இருந்து, பூச்சிக் கொல்லி மருந்து குறித்த ஆய்வறிக்கையுடன் வந்தால் மட்டுமே, மிளகாய் வற்றல், மாம்பழம், வெள்ளரிக்காய் ஆகியவற்றை இறக்குமதி செய்வதற்கு அனுமதி வழங்கப்படும்’ என,ஐக்கிய அரபு எமிரேட்ஸ் திட்டவட்டமாக தெரிவித்துள்ளது.

ஏற்றுமதிகடந்த, 2015 – 16ம் நிதியாண்டில், இந்தியா, 2.62 லட்சம் டன் காய்கறிகள், 48,591 டன் பழ வகைகள் ஆகியவற்றை, ஐக்கிய அரபு எமிரேட்சுக்கு ஏற்றுமதி செய்துள்ளது.

தினமலர்

‘இந்தியாவில் இருந்து ஏற்றுமதி செய்யப்படும், காய்கறிகள், பழங்கள் ஆகியவற்றில், நிர்ணயிக்கப்பட்ட அளவை மீறி, பூச்சிக் கொல்லி மருந்து கலந்துள்ளது’ என, ஐக்கிய அரபு எமிரேட்ஸ், சமீபத்தில் குற்றம் சாட்டியது.

இதையடுத்து, ‘மக்களின் ஆரோக்கியம் மற்றும் பாதுகாப்பு கருதி, இந்தியாவில் இருந்து, பூச்சிக் கொல்லி மருந்து குறித்த ஆய்வறிக்கையுடன் வந்தால் மட்டுமே, மிளகாய் வற்றல், மாம்பழம், வெள்ளரிக்காய் ஆகியவற்றை இறக்குமதி செய்வதற்கு அனுமதி வழங்கப்படும்’ என,ஐக்கிய அரபு எமிரேட்ஸ் திட்டவட்டமாக தெரிவித்துள்ளது.


அவகளுக்கு மட்டும் தனியா பயிர்  செய்யாமல், நம் மக்களுக்கும் அதிக உரங்கள் போடாத நல்ல பயிர்களை கொடுங்கப்பா .....உங்களுக்கு புண்ணியமாய் போகும் ............. நாங்களும் பணம் கொடுத்துத்தான் வாங்குகிறோம் விளை பொருட்களை.............

எமிரேட்ஸில் ஆர்கானிக் காய்கறிகளும்
தனியே வைத்திருப்பார்கள்...
விலைதான் கூடுதலாக இருக்கும்..
-
எனவே நம்மவங்க இந்தியாவிலிருந்து
வரும் காய்கறிகளை விரும்பி வாங்குவார்கள்.
-
செடியிலிருந்து காய் பறிக்கும் காலத்திற்கு
சுமார் ஒரு மாதம் முன்னதாக பூச்சி மருந்து தெளிப்பதை
கை விட்டாலே, இந்த மாதிரி புகார்கள் வராது...!
-
தரம் நிரந்தரம் என்ற கொள்கையை கடைப்பிடித்தால்
இந்திய பொருட்களை வெளிநாட்டில் நன்றாக
சந்தைப்படுத்தலாம்..!

ayyasamy ram wrote:எமிரேட்ஸில் ஆர்கானிக் காய்கறிகளும்
தனியே வைத்திருப்பார்கள்...
விலைதான் கூடுதலாக இருக்கும்..
-
எனவே நம்மவங்க இந்தியாவிலிருந்து
வரும் காய்கறிகளை விரும்பி வாங்குவார்கள்.
-
செடியிலிருந்து காய் பறிக்கும் காலத்திற்கு
சுமார் ஒரு மாதம் முன்னதாக பூச்சி மருந்து தெளிப்பதை
கை விட்டாலே, இந்த மாதிரி புகார்கள் வராது...!
-
தரம் நிரந்தரம் என்ற கொள்கையை கடைப்பிடித்தால்
இந்திய பொருட்களை வெளிநாட்டில் நன்றாக
சந்தைப்படுத்தலாம்..!

மேற்கோள் செய்த பதிவு: 1208635

ம்ம், நம் நாட்டு ஆட்கள் இது தான் சாக்கு என்று, ரிலையன்ஸ் போன்ற பெயரய கம்பெனிகளுக்கு எக்ஸ்போர்ட் ஆர்டர் தந்து, நல்லபடி காய்கறிகள் வளர்த்து , ஏற்றுமதி செய்வார்கள்......எல்லா உரத்தையும் போட்டு , விலையும் கூட வைத்து நம்மிடம் உள்நாட்டில் விற்பார்கள்