ஆசிய சிங்கங்கள் இறப்பு எண்ணிக்கை அதிகரித்துள்ளது

புதுடெல்லி  -  
குஜராத்தில் ஆசிய சிங்கங்கள் இறப்பு எண்ணிக்கை அதிகரித்துள்ளது
என்று ராஜ்ய சபையில் அரசு நேற்று தெரிவித்தது.  மத்திய சுற்றுச்சூழல்
துறை அமைச்சங்ர பிரகாஷ் ஜவடேகர் ராஜ்ய சபையில் நேற்று அளித்த
எழுத்துப்பூர்வ  பதிலில் குஜராத்தில் உள்ள காடுகளில் மட்டும் ஆசிய
சிங்கங்கள் உள்ளன. இந்த சிங்கங்கள் இறப்பு எண்ணிக்கை
அதிகரித்துள்ளது
-
கடந்த 2013ம் ஆண்டு  76 ஆசிய சிங்கங்கங்கள் இறந்தன. இந்த இறப்பு
எண்ணிக்கை 2014ம் ஆண்டில் 78ஆக அதிகரித்தது. கடந்த 2015ம் ஆண்டில்
91 சிங்கங்கள் இறந்தன. ஆசிய சிங்கங்கள் இறப்பு எண்ணிக்கை இறப்பு
அதிகரிப்புக்கு இயற்கை மற்றும் இயற்கைக்கு மாறான நிகழ்வுகள்
காரணம் ஆகும்.
-
சிங்கங்கள் தங்களுக்குள் சண்டையிட்டு மரணம் அடைதல், நோயின்
காரணமாக இறத்தல், காயம் , குட்டியாக இருக்கும்போதே மரணம்
அடைதல் வயோதிகம் ஆகிய இயற்கை காரணங்களால் ஆசிய
சிங்கங்கள் இறக்கின்றன.  இயற்கைக்கு மாறான முறையில், ரயில்வே
விபத்துக்கள் , திறந்த வெளி கிணறுகளில் விழுந்து இறத்தல், போன்ற
முறையிலும் சிங்கங்கள் இறக்கின்றன.
-
கடந்த 2015ம் ஆண்டு, 10 சிங்கங்கள் இயற்கை பேரிடரான வெள்ளத்தில்
சிக்கி உயிரிழந்தன. அமரேலி மாவட்டத்தில் பெய்த பெரு மழை
காரணமாக  ஏற்பட்ட அந்த வெள்ளத்தில் சிங்கங்கள் இறந்தன.
-
ஆசிய சிங்கங்கள் உயிரிழப்பை தடுக்க மாநில அரசுக்கு தொழில்
நுட்ப உதவி மற்றும் நிதி உதவி அளித்தல் போன்ற நடவடிக்கைகளை ம
த்திய அரசு மேற் கொள்கிறது. விபத்துக்களில் சிங்கங்கள் இறக்காமல்
தடுக்க சாலைகளில் ஸ்பீடு பிரேக்கர்கள், சாலைகளில் விளம்பர
போர்டுகள் வைத்தல், காயம் அடைந்த மிருகங்களை சீரிய முறையில்
மீட்பது தொடர்பாக பொது மக்களிடம் விழிப்புணர்வு ஏற்படுத்துதல்
போன்ற நடவடிக்கைகளும் மேற் கொள்ளப்படுகின்றன.
இவ்வாறு அமைச்சர் ஜவடேகர் தெரிவித்தார்.
-
-------------------------------

கவலைப்பட வேண்டிய விஷயம்.