பெண்ணை கொன்று நகை கொள்ளை; தேவகோட்டையில் துப்பு துலங்காமல் மர்மம் நீடிப்பு

**சிவா** · **சிவா** Tue Mar 03, 2009 11:04 pm

தேவகோட்டை, மார்ச் 3- சிவகங்கை மாவட்டம் தேவகோட்டை கார்ப்பரேசன் வீதியை சேர்ந்தவர் தண்டியூர் செல்லம். அவரது மனைவி முத்துமீனாள் (வயது38). இவர் வீட்டில் இருந்தபோது “மர்ம” நபர்கள் புகுந்தனர்.

பின்னர் முத்துமீனாளை கொன்று ரூ.10 லட்சம் நகை-பணத்தை கொள்ளையடித்து சென்றனர். இந்த சம்பவம் கடந்த நவம்பர் மாதம் நடந்தது.
இதுகுறித்து தேவகோட்டை டவுன் போலீசார் வழக்குப்பதிவு செய்து விசாரணை மேற்கொண்டனர். ஆனால் எவ்வித துப்பும் துலங்கப்பட வில்லை.

இதனிடையே முத்து மீனாளின் கார் டிரைவர் கருப்பு என்பவரிடம் வரு மானவரித்துறை அதிகாரிகள்போல நடித்து ரூ.2? லட்சத்தை ”மர்ம” நபர்கள் கொள்ளையடித்து சென்றனர்.

அதனை தொடர்ந்து போலீஸ் படை உஷார் படுத்தப்பட்டது. இதன் விளைவாக இந்த சம்பவத்தில் 5 பேர் கும்பல் ஈடுபட்டு இருப்பது தெரிய வந்தது. இவர்களில் 3 பேர் பிடிபட்டனர். ஆனால் இந்த சம்பவத்துக்கு மூளையாக இருக்கும் 2 பேர் தலை மறைவாக உள்ளனர்.

ஆனால் அவர்களை பிடிப்பதில் போலீசார் தாமதம் காட்டி வருகின்றனர். 2 பேரும் போலீஸ் பிடியில் சிக்கினால் உண்மையான நிலவரம் தெரிய வரும். இதனிடையே தலைமறைவாக இருக்கும் 2 பேரும் சென்னை ஐகோர்ட்டில் முன்ஜாமீன் பெற இருப்பதாக தகவல் எட்டி உள்ளது.

**சிவா** · **சிவா** Tue Mar 03, 2009 11:05 pm

தேவகோட்டையில் விலாசம் கேட்பதுபோல் நடித்து துணி துவைத்த பெண்ணிடம் 13 பவுன் செயின் பறிப்பு

சிவகங்கை மாவட்டம் தேவகோட்டை சமயபுரம் மாரியம்மன் கோவில் தெருவைச் சேர்ந்தவர் தனுஷ் கோடி, வியாபாரி. இவரது மனைவி புஷ்பவள்ளி (வயது 65). இவர் நேற்று காலை வீட்டில் துணி துவைத்து கொண்டு இருந்தார்.

அப்போது 25 வயது மதிக்கத்தக்க வாலிபர் ஒருவர் அவரிடம் வந்து விலாசம் கேட்பது போல் விசாரித்தார். திடீரெனஅவரது கழுத்தில் அணிந்திருந்த 13 பவுன் செயினை வெடுக்கென பறித்தார். இதனை எதிர்பாராத புஷ்பவள்ளி திருடன்... திருடன்.. என அலறினார்.

மேலும் அந்த வாலிபரை பிடிக்க முயன்றார். ஆனால் பலமாக புஷ்பவள்ளியை தள்ளி விட்டு கையில் கிடைத்த நகையுடன் ஓட்டம் பிடித்தார்.

ஆனால் அக்கம் பக்கத்தினர் யாரும் இல்லாததால் அவரை பிடிக்க முடியவில்லை. இதை பயன்படுத்தி அந்த ஆசாமி ஓடி மறைந்துவிட்டார்.

இதுகுறித்து தேவகோட்டை நகர் போலீசில் புஷ்பவள்ளி புகார் கொடுத்தார். போலீஸ் இன்ஸ்பெக்டர் ஆத்ம நாதன் வழக்குப்பதிவு செய்து துணிகர நகை கொள்ளையில் ஈடுபட்ட மர்ம ஆசாமியை தேடிவருகிறார்

**சிவா** · **சிவா** Tue Mar 03, 2009 11:05 pm

கோவில் திருவிழாவில் திடீர் கோஷ்டி மோதல்: வாலிபருக்கு சரமாரி வெட்டு

சிவகங்கை மாவட்டம் தேவகோட்டை போலீஸ் சரகத்திற்கு உட்பட்டது பொன்னக்கரை கிராமம். இந்த ஊரை சேர்ந்தவர் தர்மராஜ், கூலித் தொழிலாளி. இவருக்கும் அதே பகுதியை சேர்ந்த நாகராஜ் என்பவருக்கும் இடையே முன்விரோதம் இருந்து வந்தது.

இருவரும் வெவ்வேறு சமூகத்தை சேர்ந்தவர்கள் ஆவார்கள். இந்தநிலையில் தற்போது அந்த கிராமத்தில் உள்ள கோவிலில் திருவிழா நடைபெற்று வருகிறது. இதற்காக அங்கு நாடகம் நடத்துவதற்கான ஏற்பாடுகள் செய்யப்பட்டன.

இது தொடர்பாக தர்மராஜ் அந்த கிராமம் முழுவதும் நோட்டீஸ் அச்சடித்து ஒட்டியிருந்தார். இதற்கு நாகராஜ் எதிர்ப்பு தெரிவித்தார். இதில் அவர்களுக்கிடையே மோதல் உருவானது.

இதையடுத்து நாகராஜ் தனது ஆதரவாளர்களான வெண்ணியூரை சேர்ந்த சுப்பிரமணியன், சுரேஷ், நாகேந்திரன் ஆகியோருடன் வந்து தர்மராஜை அரிவாளால் சரமாரியாக வெட்டினார். இதில் தர்மராஜ் தலை, கழுத்து உள்ளிட்ட இடங்களில் பலத்த காயம் அடைந்தார்.

சம்பவம் பற்றி தேவகோட்டை தாலுகா போலீஸ் இன்ஸ்பெக்டர் பாண்டியன் வழக்குப்பதிவு செய்து நாகராஜ் உள்பட 4 பேரையும் கைது செய்து விசாரணை நடத்தி வருகிறார். இந்த மோதலால் அங்கு பரபரப்பு ஏற்பட்டுள்ளது.

Sponsored content · Sponsored content

பெண்ணை கொன்று நகை கொள்ளை; தேவகோட்டையில் துப்பு துலங்காமல் மர்மம் நீடிப்பு

பெண்ணை கொன்று நகை கொள்ளை; தேவகோட்டையில் துப்பு துலங்காமல் மர்மம் நீடிப்பு

Re: பெண்ணை கொன்று நகை கொள்ளை; தேவகோட்டையில் துப்பு துலங்காமல் மர்மம் நீடிப்பு

Re: பெண்ணை கொன்று நகை கொள்ளை; தேவகோட்டையில் துப்பு துலங்காமல் மர்மம் நீடிப்பு

Re: பெண்ணை கொன்று நகை கொள்ளை; தேவகோட்டையில் துப்பு துலங்காமல் மர்மம் நீடிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக