பத்மினி - எதிர்பாராதது

**ayyasamy ram** · **ayyasamy ram** Sat Mar 28, 2015 1:02 pm

1954. சிவாஜிக்கும் பத்மினிக்கும் மறக்க முடியாத மன்மத ஆண்டு. வருடக் கடைசியில் வெளியான எதிர்பாராதது, நிஜத்திலும் அப்படியே. தமிழ் சினிமாவின் முதல் மாறுபட்ட காதல் சித்திரம். ஸ்ரீதர் எழுதியது. அன்றைய கல்லூரிகளில் பாடத்தைவிட அதிகம் ஒப்பிக்கப்பட்டவை ஸ்ரீதரின் வசனங்கள். சுமதியாக பத்மினியும் சுந்தராக கணேசனும் பேசியதில் இருந்து சில வரிகள்
-
சுந்தர் - சுமதி! உன் பாட்டிலே நான் அப்படியே மெய்மறந்து...
-
சுமதி - தூங்கிட்டீங்களா!
-
சுந்தர் - இல்லை சுமதி. நீ பாடியது வெறும் பாட்டல்ல! என் இதய நரம்புகளை ஒவ்வொன்றாக மீட்டி...
-
சுமதி - அடடே, வர்ணனை பண்ணக்கூடத் தெரியுமா?
-
சுந்தர் - இதென்ன பிரமாதம்! இன்னும் கேள். அந்தரங்கத்தில் அரங்கம் நிர்மாணித்து... அ... அ...
-
சுமதி - என்ன அ'னாவிலே வரணும்னு தேடறீங்களா?
-
சுந்தர் - ஆமா... இரு இரு. ஆழ்கடலின் நீளத்தைச் சுவராக நிறுத்தி, தவழ்ந்து செல்லும் காற்றைத் தரையாக்கி, வண்ணமலர் இதழ்களை வகையாக அதில் பரப்பி, அந்த இனிய மாளிகையில் இதய ராணியான உன்னோடு இரவும் பகலும் இன்பத்தின் எல்லையில் மிதக்கத் துடிக்கிறேன் சுமதி!
-
சுமதி - ஒன்ஸ்மோர்!
-
சுந்தர் - நான் என்ன சொன்னேன்னு எனக்கே புரியல்லை. ஒன்ஸ்மோராம்லே ஒன்ஸ்மோர்!
-
அதன் உச்சகட்டக் காட்சியில், நடிப்பு என்பதை மறந்து கணேசனைக் கன்னத்தில் அறைந்தார் பத்மினி. அந்த நிகழ்வு, பப்பியின் வார்த்தைகளில்..
'சிவாஜியின் காதலியான நான், விதி வசத்தால் அவருக்குச் சித்தி ஆகிறேன். கணேசனுக்கோ பார்வை பறி போய்விடுகிறது. அப்பா நாகையாவின் இளம் மனைவியான என்னிடம், பழைய ஞாபகத்தில் சிவாஜி பழகுவதாக நினைக்கிறேன். மனம் பதறி அதைத் தவிர்க்க அவரை அறைவதாக சீன்.
டைரக்டர் சி.எச்.நாராயணமூர்த்தி என்னிடம், 'ரியலிஸ்டிக்கா இருக்கணும். கணேசனை நீ நிஜமாகவே அடிக்கணும்' என்றார். சிவாஜியும், 'பரவாயில்ல தைரியமா விடு ஒரு அறை. சீன் பிரமாதமா வரணும்' எனத் தூண்டினார். இருவருக்குமே அப்படி ஒரு ரிசல்ட் கிடைக்கும் என்று தெரியாது.
-
ஒரு ஆவேசத்தில், பளார் பளாரென்று சிவாஜியை அடித்து வெளுத்து வாங்கிவிட்டேன். சிவாஜியின் கன்னமெல்லாம் வீங்கிவிட்டது. உடம்பு சரி இல்லாமல் ரெண்டு மூன்று நாள்கள் செட்டுக்கே வரவில்லை.
-
'பார்க்க சின்னப் பெண்ணாக இருக்கிறாய். உனக்கு எப்படி இவ்வளவு பலம் இருந்தது...?' என்று திகைப்புடன் கேட்டார்.
-
'நான் பரத நாட்டியம் ஆடி ஆடி, கை விரல்களுக்கு அதிகம் பயிற்சி கொடுத்திருக்கேன் சார். உடல் பலம் எப்படியோ. கைகளின் வலுவுக்கு ஒன்றும் குறைச்சல் இல்லை’ என்றேன்.
-
சிவாஜிக்கு என்னால் நேர்ந்த கதியை நினைத்து வருத்தப்பட்டேன். சிவாஜி அதை சட்டை செய்யவில்லை. 'ரொம்ப இயற்கையாக நடித்தாய். அடியால் வலி இருந்தாலும், உன் நடிப்புத் திறமையை நினைத்து சந்தோஷமாகவே இருந்தது பப்பி' என மிகவும் பெருந்தன்மையோடு சொன்னார்.
-
எதிர்பாராதது படத்தின் இமாலய வெற்றி, சிவாஜி - பத்மினி ஜோடியைத் திரையில் நிரந்தரமாக்கியது.
-

**M.Saranya** · **M.Saranya** Sat Mar 28, 2015 1:58 pm

அருமையான பதிவு..................

யினியவன் · யினியவன் Sat Mar 28, 2015 2:12 pm

நம்ம கிருஷ்ணாம்மா (சுமதி) அவங்க வீட்டுக்காரர (சுந்தர்) இப்படித்தான் அரஞ்சிருப்பாங்களோ? புன்னகை

**ஜாஹீதாபானு** · **ஜாஹீதாபானு** Sat Mar 28, 2015 3:57 pm

யினியவன் wrote:நம்ம கிருஷ்ணாம்மா (சுமதி) அவங்க வீட்டுக்காரர (சுந்தர்) இப்படித்தான் அரஞ்சிருப்பாங்களோ?

மேற்கோள் செய்த பதிவு: 1127387

எப்படியெல்லாம் யோசிக்கிறிங்க ....கிருஷ்ணாம்மா வந்து இருக்கு உங்களுக்கு

**மாணிக்கம் நடேசன்** · 14/12/2009

நம்ம டாக்டர சாந்தாராம் ஐயா அவர்கள் இது சம்பந்தமாக மேலும் அதிக விளக்கம் தருவார் என்று எதிருப்பார்க்கிறோம்.

**ayyasamy ram** · **ayyasamy ram** Sun Mar 29, 2015 7:57 am

பத்மினி - எதிர்பாராதது Pg4JdpH5QAhYqj8UvB4Q+Padmini

-
பத்மினி (ஜூன் 12, 1932 - செப்டம்பர் 24, 2006)

யினியவன் · யினியவன் Sun Mar 29, 2015 8:20 pm

ஜாஹீதாபானு wrote:
யினியவன் wrote:நம்ம கிருஷ்ணாம்மா (சுமதி) அவங்க வீட்டுக்காரர (சுந்தர்) இப்படித்தான் அரஞ்சிருப்பாங்களோ?

எப்படியெல்லாம் யோசிக்கிறிங்க ....கிருஷ்ணாம்மா வந்து இருக்கு உங்களுக்கு

எனக்குமா

இது அடுக்குமா? புன்னகை

**Dr.S.Soundarapandian** · **Dr.S.Soundarapandian** Sun Mar 29, 2015 9:20 pm

ஐயாசாமி ராம் அவர்களே !

மறைந்திருந்து தாக்கும் மர்மம் என்ன?

**ayyasamy ram** · **ayyasamy ram** Mon Mar 30, 2015 9:01 am

Dr.S.Soundarapandian wrote:ஐயாசாமி ராம் அவர்களே !

மறைந்திருந்து தாக்கும் மர்மம் என்ன?

மேற்கோள் செய்த பதிவு: 1127640
-

தப்பா புரிஞ்சுகிட்டீங்க...!!
-
பத்மினி - எதிர்பாராதது LHzKyWgqRYel3aXyQFC5+thinking_emoticon

**krishnaamma** · **krishnaamma** Mon Mar 30, 2015 2:28 pm

யினியவன் wrote:நம்ம கிருஷ்ணாம்மா (சுமதி) அவங்க வீட்டுக்காரர (சுந்தர்) இப்படித்தான் அரஞ்சிருப்பாங்களோ?

அடப்பாவிகளா...................என் தலையை எப்படியெல்லாம் உருட்டறீங்க புன்னகை

................... சிரி சிரி

.
.
.
'நீங்க எப்போ எங்க கிருஷ்ணா அப்பாவிடம் பேசினீங்க? '................ நக்கல் நாயகம்

Sponsored content · Sponsored content

பத்மினி - எதிர்பாராதது

பத்மினி - எதிர்பாராதது

Re: பத்மினி - எதிர்பாராதது

Re: பத்மினி - எதிர்பாராதது

Re: பத்மினி - எதிர்பாராதது

Re: பத்மினி - எதிர்பாராதது

Re: பத்மினி - எதிர்பாராதது

Re: பத்மினி - எதிர்பாராதது

Re: பத்மினி - எதிர்பாராதது

Re: பத்மினி - எதிர்பாராதது

Re: பத்மினி - எதிர்பாராதது

Re: பத்மினி - எதிர்பாராதது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக