கடும் எதிர்ப்பையும் மீறி, பாலியல் பலாத்காரம் தொடர்பான ஆவணப்படத்தை ஒளிபரப்பியது பி.பி.சி.

**சிவா** · **சிவா** Thu 5 Mar 2015 - 16:52

டெல்லியில், கடந்த 2012–ம் ஆண்டு டிசம்பர் 16–ந் தேதி தனது நண்பருடன் பஸ்சில் சென்ற மருத்துவ மாணவி ஒருவரை 6 பேர் கொண்ட கும்பல் பாலியல் பலாத்காரம் செய்தது. அந்த கும்பலால் கடுமையாக தாக்கப்பட்ட அந்த மாணவி மருத்துவமனையில் சேர்க்கப்பட்டு பின்னர் சிகிச்சை பலனின்றி உயிரிழந்தார். நாடு முழுவதிலும் கடும் அதிர்வலையை ஏற்படுத்திய இந்த சம்பவம் தொடர்பாக தலைமறைவாக இருந்த 6 குற்றவாளிகளும் கைது செய்யப்பட்டு டெல்லி திகார் சிறையில் அடைக்கப்பட்டனர்.

இவர்களில் ஒருவர் சிறுவன் என்பதால் பின்னர் சீர்திருத்த பள்ளியில் அடைக்கப்பட்டான். ஒரு குற்றவாளி சிறையில் தற்கொலை செய்து கொண்டார். பஸ்சின் டிரைவர் முகேஷ் சிங் தூக்குத் தண்டனை விதிக்கப்பட்டு திகார் சிறையில் அடைக்கப்பட்டு இருக்கிறார்.

இங்கிலாந்தைச் சேர்ந்த திரைப்பட பெண் தயாரிப்பாளர் லெஸ்லீ உத்வின் மற்றும் பி.பி.சி.–4 குழுவினர் இந்த கற்பழிப்பு சம்பவத்தை மையமாக வைத்து ‘இந்தியாவின் மகள்’ என்ற ஆவணப்படத்தை தயாரித்து உள்ளனர். இதற்காக திகார் சிறையில் அடைக்கப்பட்டு இருக்கும் முகேஷ் சிங்கிடம், சிறை அதிகாரிகள் அனுமதியுடன் பேட்டியும் எடுத்தனர். குற்றவாளி முகேஷ் சிங் அளித்த பேட்டி முழுமையாக ஊடகங்களில் வெளியானது. பெண்களை அவமதிக்கும் வகையில் அமைந்த இந்த பேட்டி பெரும் சர்ச்சையை ஏற்படுத்தி இருக்கிறது. கற்பழிப்பு–கொலை குற்றவாளியை பேட்டி எடுக்க அனுமதித்ததை கண்டித்து டெல்லியில் போராட்டங்கள் நடந்தன. இதைத் தொடர்ந்து இந்த சம்பவம் குறித்து டெல்லி போலீசார் வழக்கு பதிவு செய்து உள்ளனர்.

பாராளுமன்றத்திலும் எதிரொலித்தது. இதற்கிடையே இந்த பேட்டியை டி.வி.க்களில் ஒளிபரப்பு செய்யவும் தடை விதிக்கப்பட்டு உள்ளது. இதற்கான உத்தரவை மத்திய தகவல் ஒலிபரப்பு துறை நேற்று இரவு வெளியிட்டது. கற்பழிப்பு குற்றவாளி முகேஷ் சிங்கின் பேட்டியை ஒளிபரப்ப போலீசார் விதித்த தடை தொடர்ந்து நீடிக்கும் என்று டெல்லி கோர்ட்டும் உத்தரவிட்டது. ஆவணப்படத்தை ஒளிபரப்பு செய்யக் கூடாது என்று மத்திய அரசு கடும் உத்தரவு பிறப்பித்தது. இந்த ஆவண படம் சர்வதேச பெண்கள் தினமான வருகிற மார்ச் 8–ந்தேதி (ஞாயிற்றுக்கிழமை) ஒளிபரப்பாக இருந்தது. இந்தியாவில் பெரும் எதிர்ப்பு கிளம்பியதை அடுத்து பி.பி.சி. லண்டனில் ஆவணப்படத்தை ஒளிபரப்பு செய்துள்ளது.

பல்வேறு தரப்பில் இருந்து எழுந்த கடும் எதிர்ப்பையும் மீறி இன்று காலையில் லண்டன் பி.பி.சி.யில் இந்தியாவின் மகள் ஆவணப்படம் ஒளிபரப்பு செய்யப்பட்டுள்ளது. இது கூடுதல் சர்ச்சையை ஏற்படுத்தியுள்ளது.

கோ. செந்தில்குமார் · 03/04/2014

BBC க்கு விளம்பரம் வேண்டும். அதற்காகவே இந்த ஒளிபரப்பு...!

கடும் எதிர்ப்பையும் மீறி, பாலியல் பலாத்காரம் தொடர்பான ஆவணப்படத்தை ஒளிபரப்பியது பி.பி.சி.

கடும் எதிர்ப்பையும் மீறி, பாலியல் பலாத்காரம் தொடர்பான ஆவணப்படத்தை ஒளிபரப்பியது பி.பி.சி.

Re: கடும் எதிர்ப்பையும் மீறி, பாலியல் பலாத்காரம் தொடர்பான ஆவணப்படத்தை ஒளிபரப்பியது பி.பி.சி.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக