நெல் நடவுக்கு நவீன இயந்திரம்

**ayyasamy ram** · **ayyasamy ram** Tue Nov 11, 2014 7:04 am

கிராமப்புறங்களில் நாற்று நடுவதற்கு ஆள்
பற்றாக்குறை நிலவும் சூழலில் ஒரு ஏக்கர்
நிலத்தில் ஒரு மணி நேரத்தில் நாற்று நடும்
நவீன இயந்திரத்தின் பயன்பாடு குறித்த
செயல் விளக்கம் வேலூரை அடுத்த தெள்ளூர்
கிராமத்தில் விவசாயிகளுக்கு அளிக்கப்பட்டது.
-
இந்த செயல் விளக்கத்தை வேலூர் வேளாண்மை
உதவி இயக்குநர் பி.சிங், தெள்ளூர் கிராமத்தில்
விவசாயி துளசி நிலத்தில் விவசாயிகளுக்கு
அளித்தார். இந்த இயந்திரத்தின் பயன்பாடு
குறித்து தினமணி நிருபரிடம் கூறியது:

இத்தகைய இயந்திரங்கள் மாவட்டத்தில் காவேரி
ப்பாக்கம், நெமிலி வட்டாரங்களில் பயன்பாட்டில்
உள்ளன. ஒரு ஏக்கர் நடவுக்கு ரூ.3 ஆயிரம் வாடகை
நிர்ணயிக்கப்பட்டு தனியார் பலர் இந்த இயந்திரத்தை
இயக்கி வருகின்றனர்.

சாதாரணமாக நகர்புறங்களையொட்டியுள்ள
கிராமங்களில் சமீப ஆண்டுகளாக கூலி ஆள்கள்
கிடைப்பது இல்லை. அத்துடன் தண்ணீர் கிடைக்கும்
காலங்களில் நாற்று நடுவதற்கு ஆள்களை
அழைத்தால் கூட நாள் கூலி ரூ.150 முதல் ரூ.200 வரை
கேட்கின்றனர். சாதாரணமாக ஒரு ஏக்கர் நிலத்தில்
நடவு செய்ய 30 பேர் தேவை. இதற்கான கூலி மற்றும்
சாப்பாடு செலவு சுமார் ரூ.6 ஆயிரம் விவசாயிக்கு
ஆகும்.
-
இந்நிலையில், நவீன இயந்திரத்தைப் பயன்படுத்தி
நடுவதன் மூலம் விவசாயிகளுக்கு செலவு பாதியாக
குறையும். அத்துடன் வேளாண் துறை இந்த
விவசாயிகளுக்கு ஏக்கருக்கு ரூ.1,500 மானியம்
வழங்குகிறது.
-
குறிப்பாக வேலூர் வட்டத்தில் இந்த இயந்திரத்தைப்
பயன்படுத்தி விவசாயிகள் அதிக அளவில் நெல்
சாகுபடி செய்யலாம் என்றார் சிங்
-
------------------

**ayyasamy ram** · **ayyasamy ram** Tue Nov 11, 2014 7:06 am

மேலும், வேளாண்மை பொறியியல் துறை உதவிச்
செயற்பொறியாளர் தெரிவிப்பது:
-
நெல் நாற்று நடும் இயந்திரம் மூலம் நாற்று நடுவதற்கு
ஒரு ஏக்கருக்கு சுமார் 85 தட்டு நாற்றுகள் தேவைப்படுகிறது.
ஒரு மணி நேரத்தில் சுமார் ஒரு ஏக்கர் நிலத்தில்
இயந்திரம் மூலம் நெல் நாற்றுகள் நடவு செய்ய முடியும்.

மேலும் நடவு வயலில் நீரின் தேவையும், வேலையாள்களின்
கூலியும் குறைகிறது. இதன்மூலம் நடவு செலவும்
குறைகிறது. 10 முதல் 15 சதவீதம் வரை மகசூல் அதிகமாகிறது.

mbalasaravanan · mbalasaravanan Tue Nov 11, 2014 5:10 pm

எல்லாமே இயந்திரம் மூலம் செய்வதால் தான் வேலை இல்லா திண்டாட்டம் வருகிறது பார்க்கலாம் ,உங்களின் பதிவு அருமை நண்பரே

**M.M.SENTHIL** · **M.M.SENTHIL** Tue Nov 11, 2014 11:00 pm

மனித வாழ்க்கையே இயந்திரமயமாகி விட்டது, இதில் விவசாயமும் விதி விலக்கல்ல...

Sponsored content · Sponsored content

நெல் நடவுக்கு நவீன இயந்திரம்

நெல் நடவுக்கு நவீன இயந்திரம்

Re: நெல் நடவுக்கு நவீன இயந்திரம்

Re: நெல் நடவுக்கு நவீன இயந்திரம்

Re: நெல் நடவுக்கு நவீன இயந்திரம்

Re: நெல் நடவுக்கு நவீன இயந்திரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக