தமிழகத்தில் நடப்பது ஹிட்லர் ஆட்சி: ராமதாஸ்

**சிவா** · **சிவா** Tue Aug 19, 2014 9:55 pm

சென்னை தேனாம்பேட்டையில் பாமகவின் தென்சென்னை மாவட்ட பொதுக்குழுக் கூட்டம் 19.08.2014 செவ்வாய்க்கிழமை நடைபெற்றது. இந்தக் கூட்டத்தில் பேசிய பாமக நிறுவனர் டாக்டர் ராமதாஸ்,

இந்த ஆட்சியில் மின்சாரத்துறை உள்ளிட்ட எல்லா துறைகளிலும் ஊழல் தலைவிரித்து ஆடுகிறது. தமிழகத்தைப் போல அரசே தண்ணீரை விற்கும் அவலம் வேறு எங்கும் இல்லை. 2023ல் ஒளிமயமான எதிர்காலம் என தமிழக மக்களை அதிமுக ஏமாற்றி வருகிறது.

அரசின் விளம்பரத்தை கருவியாக பயன்படுத்தி, பத்திரிக்கை சுதந்திரத்தை அதிமுக அரசு பறித்து வருகிறது. பத்திரிக்கை சுதந்திரம் கிடையாது. தொலைக்காட்சி சுதந்திரம் கிடையாது. விளம்பரத்தில் இந்த ஆட்சி ஓடிக்கொண்டிருக்கிறது. இதுவா பத்திரிக்கை சுதந்திரம். இங்கு நடப்பது ஹிட்லர் ஆட்சி. சர்வாதிகார ஆட்சி. இல்லை என்று யாரேனும் சொல்ல முடியுமா. இவ்வாறு பேசினார்.

**சிவா** · **சிவா** Tue Aug 19, 2014 10:02 pm

கொலை, கொள்ளையில் தமிழகம் முதலிடம்

சிவகாசி: கொலை, கொள்ளை சம்பவங்களில் தமிழகம் முதலிடத்தில் உள்ளது என அன்புமணி ராமதாஸ் எம்.பி தெரிவித்தார். விருதுநகர் மாவட்டம் சிவகாசியில் அக¤ல இந்திய அளவிலான சப்ஜூனியர் ரேங்கிங் இறகுபந்து போட்டி நேற்று துவங்கியது. இப்போட்டியை தமிழ்நாடு இறகு பந்து அசோசியேசன் தலைவரும், பாட்டாளி மக்கள் கட்சியின் எம்.பியுமான அன்புமணி துவக்கி வைத்தார். பின்னர் அவர் செய்தியாளர்களிடம் கூறியதாவது: தமிழ்நாட்டில் இருந்து கடந்த 15 ஆண்டுகளாக சர்வதேச இறகுபந்து போட்டிக்கு ஒருவர் கூட தேர்வாகவில்லை. இந்த நிலையை மாற்ற நடவடிக்கை எடுப்பது எங்கள் நோக்கமாகும். கிராம அளவில் போட்டிகள் நடத்தி இளைஞர்களை இறகுபந்து போட்டி வீரர்களாக தேர்வு செய்ய முடிவு செய்துள்ளோம்.

முல்லை பெரியாறு அணையின் நீர்மட்டத்தை 142 அடியாக உயர்த்த பல கட்சிகளை சேர்ந்த தலைவர்கள் போராட்டம் நடத்தியுள்ளனர். தற்போது முதல்வர் மட்டுமே இதற்கு சொந்தம் கொண்டாடுவது ஏற்புடையதல்ல. பாலியல் கொலை, மதுவால் உயிரிழப்பது, கொலை, கொள்ளை சம்பவத்தில் தான் தமிழகம் முதல் இடத்தில் உள்ளது.

ஐநா விசாரணை அதிகாரிகளுக்கு மத்திய அரசு விசா வழங்க மறுப்பது கண்டிக்கத்தக்கது. இலங்கை விவகாரத்தில் தமிழர்களுக்கு ஆதரவாக மத்திய அரசு நடவடிக்கை எடுக்க வலியுறுத்தி, அனைத்து கட்சி தலைவர்களுடன் பிரதமரை சந்திக்க முடிவு செய்துள்ளோம். தமிழ்நாட்டில் தேர்தலுக்கு முன்பு உருவாகிய தேசிய ஜனநாயக கூட்டணியில் இருந்த கட்சிகள் தற்போதும் அந்த கூட்டணியில் தொர்கிறதா என்பதை பாரதிய ஜனதா கட்சிதான் தெரிவிக்க வேண்டும். இவ்வாறு அவர் கூறினார்.

**M.M.SENTHIL** · **M.M.SENTHIL** Tue Aug 19, 2014 10:58 pm

நீங்க இப்போ யாரோட கூட்டணில இருக்கீகன்னு நீங்களே சொல்லுங்க மருத்துவரே.

**மாணிக்கம் நடேசன்** · 14/12/2009

ஹிட்லர் ஆட்சி இல்லீங்கோ, அம்மா ஆட்சிங்கோ, அசிங்க அம்மா ஆட்சி, மறந்துட்டேளா?

Sponsored content · Sponsored content

தமிழகத்தில் நடப்பது ஹிட்லர் ஆட்சி: ராமதாஸ்

தமிழகத்தில் நடப்பது ஹிட்லர் ஆட்சி: ராமதாஸ்

Re: தமிழகத்தில் நடப்பது ஹிட்லர் ஆட்சி: ராமதாஸ்

Re: தமிழகத்தில் நடப்பது ஹிட்லர் ஆட்சி: ராமதாஸ்

Re: தமிழகத்தில் நடப்பது ஹிட்லர் ஆட்சி: ராமதாஸ்

Re: தமிழகத்தில் நடப்பது ஹிட்லர் ஆட்சி: ராமதாஸ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக