அரசுக்கு பொதுமக்கள் ஆலோசனைகளை தெரிவிக்க புதிய இணைய தளம்!

**சிவா** · **சிவா** Sun Jul 27, 2014 1:57 am

புதுடெல்லி: மத்தியில் பா.ஜனதா தலைமையிலான அரசு பதவியேற்று 60 நாட்களை நிறைவு செய்யும் நிலையில், முக்கிய பிரச்னைகளில் மத்திய அரசுக்கு பொதுமக்கள் தங்களது கருத்துக்கள் மற்றும் ஆலோசனைகளை தெரிவிக்க ஏதுவாக 'எனது அரசு' என்ற பெயரில் புதிய இணைய தளம் ஒன்றை பிரதமர் நரேந்திர மோடி தொடங்கி உள்ளார்.

mygov.nic.in என்ற இணையதள முகவரியிலான இந்த தளத்தை இன்று தொடங்கி வைத்துப் பேசிய பிரதமர் மோடி, எனது அரசு பொறுப்பேற்று இந்த 60 நாட்கள் அனுபவத்தில் நாட்டின் வளர்ச்சிக்கு ஏராளமான பொதுமக்கள் தங்களது நேரத்தையும், ஆற்றலையும் செலவழித்து பங்காற்ற விரும்புவதை உணர்ந்துகொள்ள முடிந்துள்ளது.

இந்த இணையதளம் பொதுமக்கள், அரசு நிர்வாகத்திற்கு தங்களது யோசனைகள் மற்றும் கருத்துக்களை தெரிவிப்பதற்கான ஒரு தொடர்பு வழியாகும். இது மக்களுக்கும், அரசாங்கத்திற்கும் இடையே பாலமாக அமையும். மக்கள் பங்களிப்பு இல்லாத எந்த ஒரு அரசாங்கமும் வெற்றிகரமாக செயல்பட முடியாது. இதுபோன்ற பங்களிப்புகள் தேர்தல் நேரத்தில் மட்டுமே என்ற அளவில் குறுகிவிடக்ககூடாது" என்றார்.

இந்த இணைய தள தொடக்க நிகழ்ச்சியில் பிரதமர் மோடியுடன் தொலைதொடர்பு மற்றும் தகவல் துறை அமைச்சர் ரவி சங்கர் பிரசாத், மத்திய அமைச்சரவை செயலர் உள்ளிட்டோர் பங்கேற்றனர்.

மக்களிடம் செல்ல பா.ஜனதா எம்.பி.க்களுக்கு மோடி அறிவுறுத்தல்

இதனிடையே பா.ஜனதா தலைமையிலான தேசிய ஜனநாயக கூட்டணி அரசு எடுத்து வரும் துணிச்சலான நடவடிக்கைகள் குறித்தும், முதல் 50 நாளில் நிறைவேற்றியுள்ள வாக்குறுதிகள் குறித்தும் நாட்டு மக்களுக்கு விளக்க வேண்டும் என பிரதமர் நரேந்திர மோடி பா.ஜனதா எம்.பி.க்களை வலியுறுத்தி உள்ளார்.

[note]என்னது - தமிழ் நாட்டிலும் இதுபோன்ற இணையத்தளம் வேண்டுமா? நாங்க மந்திரிங்க சொல்ற ஆலோசனையைக் கூட காதில் வாங்குவது இல்லை... இதில் 200 ரூபாய்க்கு ஓட்டை விற்கும் மக்களின் ஆலோசனையைக் கேட்பதா? போங்க தம்பி.. போயி வேற வேலை இருந்தா பாருங்க..![/note]

சிவனாசான் · சிவனாசான் Sun Jul 27, 2014 3:10 am

தகவல் பெறும் உரிமை சட்டம் 2005 கொண்டு வந்தது காங்கிரஸ் அரசு . இதனை மக்கள் பாராட்டுகின்றனர். பாரதிய ஜனதா அரசு சேவை பொறும் உரிமை சட்டத்தை கொண்டு வந்தால் மக்கள் பெரிதும் வர வேர்ப்பார்கள். மற்றும் இலவச ம்,மான்யங்களை சிறுக சிறுக அகற்றினால் சற்று நிர்வாகத்தில் லஞ்ச லாவண்யத்தை கட்டுப்படுத்தலாம், ஒழிக்கலாம்........

இந்த பதிவைத் துவங்கியவர் நன்றி கூறியுள்ளார் சிவனாசான்