தாய்மொழி கல்வியை காக்க நாளை உண்ணாவிரதம்!

**சாமி** · **சாமி** Sat Jun 07, 2014 4:35 pm

தமிழகத்தில் தமிழ்மொழி கல்வியை காக்க வலியுறுத்தி உண்ணாவிரதம் இருக்கப் போவதாக தமிழ்நாடு காங்கிரஸ் கமிட்டி முன்னாள் தலைவர் குமரிஅனந்தன் தெரிவித்துள்ளார்.

இதுகுறித்து இன்று அவர் வெளியிட்டுள்ள அறிக்கையில் கூறியிருப்பதாவது:

பல போராட்டங்களுக்கு பிறகு, நாடாளுமன்றத்தில் தமிழில் கேள்வி கேட்கும் உரிமை பெற்று 20.11.1978-ல் முதல் கேள்வியை நான் தமிழில் கேட்டு பதில் பெற்று நாடாளுமன்றத்தில் தொடர்ந்து அவ்வாறே செயல்பட்டேன்.

பெற்ற உரிமையை பேணிக்காக்கும் வகையில் தமிழகம், புதுச்சேரியில் இருந்து சென்றிருக்கும் நாடாளுமன்ற உறுப்பினர்கள் தமிழிலேயே கேள்வி கேட்க வேண்டும். தமிழ்நாட்டில் தாய்மொழி வழிக்கல்வியையே தமிழக அரசு நடைமுறைப்படுத்த வேண்டும் என்று நான், நாளை (ஞாயிற்றுக்கிழமை) காலை 8 மணி முதல் மாலை 6 மணி வரை வள்ளுவர் கோட்டத்தில் உண்ணாவிரதம் மேற்கொள்கிறேன். என்னை வாழ்த்த வருவோர்கள் மாலைக்கு பதில், வள்ளுவர் எழுதிய திருக்குறளையோ, காந்தியடிகளின் சத்தியசோதனை நூலையோ கையெழுத்திட்டு கொடுக்க வேண்டுகிறேன். அந்த நூல்கள் ஏழைக்குழந்தைகளுக்கு விநியோகம் செய்யப்படும் என்று கூறியுள்ளார்.

குழலோன் · குழலோன் Sat Jun 07, 2014 6:58 pm

தம் மொழியில் கல்வி என்று போராடும் இனம் உலகத்திலேயே தமிழினமாக மட்டுமே இருக்க முடியும். வெட்கித் தலைகுனிய வேண்டும். அச்சமும், நாணமும், அடிமைச் சிறுமதியும் என்று வெதும்பினான் பாரதி; நல்ல விலை கிடைக்கும் என்றால் தாயோடு தமிழையும் சேர்த்து விற்றுவிடுவான் இந்தத் 'தமிழன்'.

தாய்மொழி கல்வியை காக்க நாளை உண்ணாவிரதம்!

தாய்மொழி கல்வியை காக்க நாளை உண்ணாவிரதம்!

Re: தாய்மொழி கல்வியை காக்க நாளை உண்ணாவிரதம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக