கனவிலே இவன் கணவனாவான்!!

jawhar · jawhar Thu May 08, 2014 10:03 am

பெண்ணுக்காய் தன்னிலை மாற்றி!
பொங்கிடும் உணர்வுகள் ஏற்றி!
பாதையில் தன் அழகினைக் காட்டி!
பரிதாபம் இவன் நிலை இன்று!

அவளுக்காய் செல்வந்தனாகி!
அப்பாவின் பணத்தினை காவி!
அருமை அணிகலன் வாங்கி!
அலைகிறான் பித்தனாகி!

சொல்லிலே நவீனம் சேர்த்து!
சொல்லாங்கிலம் பலதை திணித்து!
சொர்க்கமாம் அவளை நினைத்து!
சிணுங்கிடும் அவன் மொழியிது!

அவள் பெயர் அவனுக்கழகு!
அவள் மொழி அவனுக்குலகு!
அவளே என்றும் அவன் நினைவு!
ஆசைக்கு அவளின் தெரிவு!

நினைவிலே என்றும் அவளுக்கு!
நிரந்நதர இட ஒதுக்கீடு!
நிலையான உறவொன்றுக்கு!
நின்றிடும் அவன் போக்கு!

அவள் முகம் காணாவிட்டால்!
அழுதிடும் கவலை மேலீட்டால்!
அலைந்திடும் உள்ளக் கீற்றால்!
ஆடிடும் அவனிலை பெரிதாய்!

தன்னிலை மறந்தவனாகி!
தனித்தவன் போலாகி!
தாரமாய் மனதில் ஏற்றி!
கனவிலே கணவன் ஆவான்!

ஜவ்ஹர்