சாதி

**பார்த்திபன்** · 24/07/2011

போதி மரத்தில் ஞானம் பெற்ற
புத்தன் வாழ்ந்த நாட்டினிலே
சாதி என்றொரு சாத்தான் புகுந்து
சகலமும் இங்கே நாறுதடா!

சமத்துவம் என்ற சந்தன மரத்தை
சாதிக் கரையான் தின்றதடா!
நம் அறிவினை ஒதுக்கிப் பிரிவினை புகுத்திய
அன்னியர் சூழ்ச்சி வென்றதடா!

செய்யும் தொழிலே தெய்வம் என்ற
செம்மை வாழ்வு வாழ்ந்தமடா!
தொழிலை வைத்துச் சாதி பிரித்ததில்
தொல்லைகளுக்குள் வீழ்ந்தமடா!

உயர்ந்தவர் தாழ்ந்தவர் பேதமில்லாத
உன்னத நிலையில் இருந்தமடா!
உள்ளத்திற்குள் சாதி புகவே
உறவுகள் நாமென மறந்தமடா!

ஆதி மனிதன் வாழ்க்கை முறையில்
சாதி என்பது இல்லையடா!
பாதியில் வந்த சாதியை நம்பி
பலப் பல விதங்களில் தொல்லையடா!

பேராண்மைகள் மிகுந்த வாழ்வை
பேதமைகள் வந்து சூழ்ந்ததடா!
பேயாய் நுழைந்த சாதி நமது
பெயரின் பின்னும் சேர்ந்ததடா!

எங்கும் எதிலும் சாதி புகும்படி
சங்கம் வைத்து வளர்த்தமடா!
மங்கும் நமது ஒற்றுமையுணர்வை
மறுபடி எழுப்ப மறுத்தமடா!

சாதியைத் தூக்கிப் பிடித்த கரங்கள்
சாதித்ததென்ன சொல்லுங்கள்!
மோதி மோதிச் செத்தது போதும்
மொத்தமாய்ச் சாதியைக் கொல்லுங்கள்!

- நிலவை.பார்த்திபன்

**ஜாஹீதாபானு** · **ஜாஹீதாபானு** Fri Dec 13, 2013 4:56 pm

கடைசி வரிகள் மிக அருமை

இந்த பதிவைத் துவங்கியவர் நன்றி கூறியுள்ளார் ஜாஹீதாபானு

**உமா** · **உமா** Fri Dec 13, 2013 5:06 pm

சாட்டையடி வரிகள்....மிக மிக அருமை பார்த்திபன் அவர்களே....

யினியவன் · யினியவன் Sat Dec 14, 2013 1:22 pm

அசத்தல் சாதிச் சாடல் பார்த்திபன் சாதி 3838410834

**பார்த்திபன்** · 24/07/2011

உமா wrote:சாட்டையடி வரிகள்....மிக மிக அருமை பார்த்திபன் அவர்களே....

மேற்கோள் செய்த பதிவு: 1038358

மிகுந்த நன்றிகள்! சாதி 1571444738

**பார்த்திபன்** · 24/07/2011

யினியவன் wrote:அசத்தல் சாதிச் சாடல் பார்த்திபன்

மேற்கோள் செய்த பதிவு: 1038542

இத்தளத்தில் எனது கவிதைகள் குறிப்பிட்ட சில உறுப்பினர்களால் அவ்வப்போது பாராட்டப்பட்டாலும் எனக்குத் தொடர்ந்து ஊக்கமளிக்கும் தங்களுக்கும் ஜாஹீதாபானுவிற்கும் என் நன்றிகள் என்றென்றும் உரித்தானதாக இருக்கும். சாதி 1571444738