நல்ல கணவன் கிடைக்க வேண்டும்... குற்றாலத்தில் கன்னிப் பெண்கள் வழிபாடு

**சிவா** · **சிவா** Mon 18 Nov 2013 - 18:54

குற்றாலம்: குற்றாலத்தில் ஆயிரக்கணக்கான பெண்கள் அதிகாலையில் சிறப்பு வழிபாடு நடத்தினர். நல்ல கணவன் கிடைக்க வேண்டும் என்று கன்னிப்பெண்களும், கணவர் நல்ல சுகத்துடன் இருக்க வேண்டும் என்று திருமணமான பெண்களும் வழிபாடு நடத்தினர்.

பெண்களின் வழிபாடு காரணமாக குற்றாலம் மெயின் அருவியே பெண்கள் மயமாகக் காணப்பட்டது.

இந்துக்களுக்கு அனைத்து தமிழ் மாதங்களிலும் எதாவது ஒரு முக்கிய விரதம்,பூஜைகள்,திருவிழாக்கள்,வருவது உண்டு.

கார்த்திகை மாதம் பிறந்து விட்டாலே வரிசையாய் சிறப்பு தினங்கள் தான். நேற்று கார்த்திகை தீபதிருநாள். இன்று முதல் கார்த்திகை மாதம் முடியும் வரை ஒவ்வொரு திங்கட்கிழமையும் சோமாவிரத தினங்கள்.

பெண்கள் வழிபாடு

இன்று முதல் சோமாவார நாளை முன்னிட்டு கணவன் நன்றாக இருக்க வேண்டும் என்பதற்காக திருமணமான ஆயிரக்கணக்கான பெண்கள் மற்றும் கன்னி பெண்கள் தங்களுக்கு நல்ல கணவன் கிடைக்க வேண்டும் என்றும் அதிகாலை 4 மணி முதலே குற்றாலம் மெயின் அருவியில் புனித நீராடி குற்றாலம் செண்பக விநாயகர் ஆலயத்தில் உள்ள விநாயகரை வழிபட்டுவிட்டு அங்குள்ள அரச மரத்தின் அடியில் பழத்தை விளக்காக்கி அதில் தீபம் ஏற்றி வழிபாடு நடத்தினர்.

பின்னர் குற்றால நாதரை வணங்கி சென்றனர். அதிகாலை 4 மணி முதல் மெயின் அருவியில் பெண்கள் மட்டுமே குளிக்க அனுமதிக்கப்பட்டனர். பின்னர் 9 மணிக்கு மேல் ஆண்களையும் குளிக்க அனுமதித்தனர்.

தட்ஸ்தமிழ்

**சிவா** · **சிவா** Mon 18 Nov 2013 - 18:56

நல்ல கணவன் கிடைக்க வேண்டும்... குற்றாலத்தில் கன்னிப் பெண்கள் வழிபாடு D0fqgnTkSSma30OHti5w+18-1384767858-courtallam-special-pooja66-600-jpg

**சிவா** · **சிவா** Mon 18 Nov 2013 - 18:56

நல்ல கணவன் கிடைக்க வேண்டும்... குற்றாலத்தில் கன்னிப் பெண்கள் வழிபாடு Dorv092QvqvCDfn52Iw5+18-1384767849-courtallam-special-pooja35454-600-jpg

**சிவா** · **சிவா** Mon 18 Nov 2013 - 18:59

நல்ல கணவன் கிடைக்க வேண்டும்... குற்றாலத்தில் கன்னிப் பெண்கள் வழிபாடு 18-1384767831-courtallam-special-pooja455-600-jpg

**ayyasamy ram** · **ayyasamy ram** Mon 18 Nov 2013 - 19:06

சோமவார விரத லட்டு செய்யும் விதம்

தேவையான பொருட்கள் :

நெய் 1/4 கிலோ
கோதுமை மாவு 1/2 கிலோ
வெல்லம் 400 கிராம்

செய்யும் முறை :

முதலில் கோதுமை மாவை நன்றாக சலித்துக்கொண்ட பிறகு அதை வறுத்து கீழே இறக்கி வைத்துக்கொண்டு காய்ச்சிய நெய், பொடி செய்த வெல்லத்தையும் மாவுடன் நன்றாகக் கலந்து கொண்டு பின் சிறிய சிறிய உருண்டைகளாக லட்டு பிடிக்க வேண்டும்.

இந்த பதிவைத் துவங்கியவர் நன்றி கூறியுள்ளார் ayyasamy ram