எதிர்காலம் எங்கே?

**M.M.SENTHIL** · **M.M.SENTHIL** Mon Sep 23, 2013 9:50 pm

எதிர்காலம் எங்கே?

பல்லாங்குழி ஆடும் வயதில்
பட்டாசை சுற்றுகிறோம்,
ஆலமர நிழலில்
ஐந்தாறு பேர் சேர்ந்து
விளையாடும்போது
ஆக்கிய கூட்டாஞ்சோறு
ருசி பார்க்கும் முன்னே
வந்தோமே சிவகாசிக்கு !

என்ன செய்வோம்
குடிசை வீட்டில் பிறந்த
எங்களுக்கு பள்ளியெல்லாம்
எட்டாக் கனிதான்,
பாடப் புத்தகம் இருக்க வேண்டிய கைகளில்
கந்தகத்தை தூக்கி நிற்கிறோம்!!

பிறந்தது செம்மண் பூமியானாலும்
பெற்றது கஞ்சிக்கு வழியில்லாத
கருப்பனும், கந்தாயியும்தான்!
பெற்ற பிள்ளையை காப்பாற்ற
வக்கில்லாமல் போனாலும்
கூடியிருந்த கோயிலை காப்பாற்ற
நாங்கள் வந்தோம்
சிறு மொட்டுக்களாய்
இருக்கும் போதே
வெடி மருந்தை
கைகளில் எடுக்க !!

தீபாவளி என்றால்
உங்களுக்கு கொண்டாட்டம்
ஓவர் டைம் பார்க்கவில்லை என்றால்
எங்கள் வீட்டில் சோத்துக்கு திண்டாட்டம் !!

கை ரேகை பார்க்கக் கூட
ரேகை இல்லை எங்கள் கைகளில்,
கந்தகத்தின் வாசந்தான்
சோறு உண்ணுகையில்!!

மிருகத்தை வதைத்தாலும்
தட்டிக் கேட்க ஆளுண்டு,
பிஞ்சுகளின் கரங்களில் விஷத்தை
திணிக்கும் ஆளுகளை
எதிர்த்துக் கேட்க யாருண்டு? !!

நாங்கள் உருவாக்கும் பட்டாசுகள்
வண்ண மயமாய் நெருப்பை உமில,
எங்கள் வாழ்க்கை என்னவோ இருட்டாய்!

எங்கே இருக்கிறது
எங்களுக்கான எதிர்காலம்?

**M.M.SENTHIL** · **M.M.SENTHIL** Wed Sep 25, 2013 8:32 pm

பூவன் · பூவன் Wed Sep 25, 2013 8:34 pm

பிறந்தது செம்மண் பூமியானாலும்
பெற்றது கஞ்சிக்கு வழியில்லாத
கருப்பனும், கந்தாயியும்தான்!
பெற்ற பிள்ளையை காப்பாற்ற
வக்கில்லாமல் போனாலும்
கூடியிருந்த கோயிலை காப்பாற்ற
நாங்கள் வந்தோம்
சிறு மொட்டுக்களாய்
இருக்கும் போதே
வெடி மருந்தை
கைகளில் எடுக்க !!

கந்தக பூமியின் கண்ணீர் சொல்லும் வரிகள் ...அருமை

பூவன் · பூவன் Wed Sep 25, 2013 8:38 pm

முடிந்த வரை ஆங்கில சொற்களை தவிருங்கள் கவிதை அழகாகும் ...

தீபாவளி என்றால்
உங்களுக்கு கொண்டாட்டம்
ஓவர் டைம் பார்க்கவில்லை என்றால்
எங்கள் வீட்டில் சோத்துக்கு திண்டாட்டம் !!

இப்படி இருந்தாலும் நல்லா இருக்கும் என் கருத்து ...

தீபாவளி என்றால்
திருவிழா கொண்டாட்டம்
தினம் தொடரும் ஓய்வில்லாத வேலை
தினம் தொடரவில்லை என்றால்
எங்கள் வீட்டில் சோற்றுக்கே திண்டாட்டம் ....

**M.M.SENTHIL** · **M.M.SENTHIL** Wed Sep 25, 2013 8:39 pm

சில சமயம் ஆங்கில வார்த்தை தவிர்க்க முடியாதது ஆகிவிடுகிறது திரு. பூவன்

பூவன் · பூவன் Wed Sep 25, 2013 8:43 pm

M.M.SENTHIL wrote:சில சமயம் ஆங்கில வார்த்தை தவிர்க்க முடியாதது ஆகிவிடுகிறது திரு. பூவன்

முயற்சி செய்யுங்கள் முடியும் நண்பரே , திரு எல்லாம் வேண்டாம் பூவன் என்றே சொல்லலாம் நான் உங்களை விட வயதில் அறிவில் சின்னவன் தான் அண்ணா

யினியவன் · யினியவன் Wed Sep 25, 2013 9:00 pm

ஆற்றலில் பெரியவர்

பூவன் · பூவன் Wed Sep 25, 2013 9:04 pm

யினியவன் wrote:ஆற்றலில் பெரியவர்

அண்ணா இது மாவாற்றும் வேலை அல்ல ...

அனைத்திலும் அடியேன் சிறியேன் தாங்கள் இதை அறியேன் , நான் ஒருபோதும் இதை மறவேன் .

யினியவன் · யினியவன் Wed Sep 25, 2013 9:09 pm

மாவாட்டும் வேலை தான் இது
கவி மா ஆட்டும் வேளை தான் இது
காதல் பா ஆற்றும் வேளை தான் இது
கேட்போர் கதறி ஓடும் வேளை தான் இது

பூவன் · பூவன் Wed Sep 25, 2013 9:15 pm

யினியவன் wrote:மாவாட்டும் வேலை தான் இது
கவி மா ஆட்டும் வேளை தான் இது
காதல் பா ஆற்றும் வேளை தான் இது
கேட்போர் கதறி ஓடும் வேளை தான் இது

கேட்போர் கதறி ஓடும் வேளை தான் இது
கேட்போர் யாருதான் இங்கே பாருங்கள்
கேட்டவர் யாருதான் இங்கே பாருங்கள்
கேட்டாலும் கிட்டாத கவிகள் இங்கே பாருங்கள்
கேலிகள் என்றாலும் நிற்காது இங்கே பாருங்கள்
கேள்விகள் தொடுத்தாலும் நிற்காது இங்கே பாருங்கள்..

Sponsored content · Sponsored content

எதிர்காலம் எங்கே?

எதிர்காலம் எங்கே?

Re: எதிர்காலம் எங்கே?

Re: எதிர்காலம் எங்கே?

Re: எதிர்காலம் எங்கே?

Re: எதிர்காலம் எங்கே?

Re: எதிர்காலம் எங்கே?

Re: எதிர்காலம் எங்கே?

Re: எதிர்காலம் எங்கே?

Re: எதிர்காலம் எங்கே?

Re: எதிர்காலம் எங்கே?

Re: எதிர்காலம் எங்கே?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக