வீணாகும் வெப்ப ஆற்றலை மின்னாற்றலாக மாற்றும் புது நுட்பம் - ஆஸ்திரேலிய ஆராய்சியாளர்களின் கண்டுபிடிப்பு

வெப்பத்தை மூலமாக கொண்டு மின்சாரத்தை உருவாக்கும் பல செலுத்தங்களில் (Process) வெப்பம் பலவகைகளிலும் விரயமாகிறது.இந்த விரயங்களை மீண்டும் மின்சாரமாக மாற்றும் ஒரு புதிய நுட்பத்தை (Technology) ஆஸ்திரேலியவை சேர்ந்த விஞ்ஞானிகள் உருவாக்கியுள்ளனர். மின்நிலையங்கள் மற்றும் வாகன புகை கழிவுகளில் வெளியேறும் வெப்பத்தில் இருந்து நேரிடையாக மின்சாரம் தயாரிக்க முடியும் என்று கூறுகின்றனர்.

மோனஷ் பல்கலைக்கழகம் ஆராய்ச்சியாளர்கள் அயனி திரவத்தை (Ionic Liquid) சார்ந்த கரிய உமிழ்வற்ற (Carbon Emissions) அதிசக்தி வெளிபாடு கொண்ட மின்சாரம் தயாரிக்கும் வெப்பசெல்(Thermo Cell) ஒன்றை உருவாக்கியுள்ளதாக தெரிவிகின்றனர். இது சுமார் 212 முதல் 392 டிகிரி பாரன்ஹீட் வெப்பநிலையில் இயங்ககூடியது.

ஒரு பொருளின் ஒரு பகுதியை குளுமையான பரப்பிலும் மற்றொரு பகுதியை சூடான பரப்பிலும் வைக்கும் போது அந்த பொருளில் சூடான பகுதியில் இருந்து குளுமையான பகுதியை நோக்கி மின் நகர்வு ஏற்படும். இதை செய்யும் சாதனம் தான் வெப்பசெல் (ThermoCell) என்று அழைக்கப்படுகிறது.

மின்நிலையங்களில் தரங்கெட்ட(Low Grade) நிலக்கரியை பயன்படுத்தி மின்சாரம் தயாரிக்கும் போது அதிலிருந்து கழிவாக வெளியேறும் 266 டிகிரி பாரன்ஹீட் வெப்பம் கொண்ட புகையில் இந்த புதுவித முறையை கொண்டு மின்சாரம் தயாரிக்க முடியும் என்று மோனஷ் விஞ்ஞானிகள் கூறுகின்றனர்.

மின்நிலையங்களில் புகையுடன் சேர்ந்து வெளியேறும் வெப்பத்தை வெப்பசெல்லின் (ThermoCell) ஒருபகுதியையும் காற்று மற்றொரு பகுதியையும் படும்படி வைக்கும் போது மின்சாரம் சேமிக்கப்படுகிறது/உருவாக்கபடுகிறது.

பொதுவாக வெப்பசெல்களில் வெப்பத்தை கட்டுபடுத்த நீரை மட்டுமே பயன்படுத்துவோம்.ஆனால் நாங்கள் உருவாக்கிய வேப்பசெல்களில் நீருக்கு பதில் மின்பகுபொருள் கொண்ட திரவ பொதியை (Liquid packed with electrolytes) பயன்படுத்துகிறோம் அது அதிக கொதிநிலையை தாங்கக்கூடியது என்று மோனஷ் ஆராய்ச்சியாளர்கள் கூறுகின்றனர்.

சூடான எந்தவொரு பொருளில் இருந்தும் மின்சாரத்தை உண்டாக்குவது இந்த வெப்பசெல்கள்(ThermoCell). சூடான இடம் என்றால் கார்களின் எஞ்சின்கள், சூரிய வெப்பம், மின்நிலையங்கள் என சொல்லலாம். ஏன் மனிதனின் உடல் சூட்டில் இருந்தும் மின்சாரம் தயாரிக்கலாம் (கூகுளின் அறிவியல் சந்தையில் இதை பற்றிய செய்தி உண்டு - https://www.googlesciencefair.com/en/projects/ahJzfnNjaWVuY2VmYWlyLTIwMTJyRAsSC1Byb2plY3RTaXRlIjNhaEp6Zm5OamFXVnVZMlZtWVdseUxUSXdNVEp5RUFzU0IxQnliMnBsWTNRWXA2ZVVBZ3cM)

வெப்பசெல்கள் சாதாரண மின்சார தயாரிப்பு செலுத்தங்களை (Process) காட்டிலும் விலை மலிவானது.மேலும் மோனஷ் ஆராய்ச்சியாளர்கள் இதன் மின்சார வெளிபாட்டை (Output) அதிகரிக்க அதற்குரிய மேம்படுத்தும் வேளைகளில் ஈடுபட்டுள்ளனர்.

 

இந்தியாவில் தரம் குறைந்த ( ash content அதிகம் உள்ள) நிலக்கரி அதிகம் உண்டு. வெளியேற்றப்படும் சாம்பலில் அதிக உஷ்ணம் இருக்கும். சிம்னி வழியாக புகையை வெளி ஏற்றும் முன் இம்முறையில் மின்சாரம் தயாரிக்கலாம். தயாரிக்க ஆகும் செலவு economics / சிக்கனமா என்பதை ஆராயவேண்டும். வெளி நாடுகளில் தயாரிக்கிறார்களா என்பது தெரியவில்லை.
தகவலுக்கு நன்றி ராஜு சரவணன் .

ரமணியன்
ரமணியன்