காய்கறி விலை கடும் உயர்வு

by soplangi Wed Jun 12, 2013 12:04 pm

கோடை காலத்தையொட்டி தற்போது காய்கறிகள் விலை கடுமையாக உயர்ந்துள்ளது.

தினமும் விலை உயர்ந்து கொண்டே வருகிறது. இதனால் நடுத்தர குடும்பத்தை சேர்ந்தவர்கள் கடும் அவதிக்குள்ளாகியுள்ளனர்.

கோயம்பேடு மார்க்கெட்டில் இஞ்சி கிலோ ரூ.240-க்கும், பீன்ஸ் ஒரு கிலோ ரூ.100-க்கும் விற்கப்படுகிறது.

சிறிய வெங்காயம் ரூ.110-க் கும், அவரை ரூ.80-க்கும், முருங்கைக்காய் ரூ.70-க்கும், கேரட் ரூ.60-க்கும், தக்காளி ரூ.55க்கும், பெரிய வெங்காயம் ரூ.30க்கும் விற்கப்படுகிறது.

கத்தரிக்காய் ரூ.50-க்கும், கருணை கிழங்கு ரூ.30-க்கும், உருளை கிழங்கு ரூ.30-க்கும், வெண்டைக்காய் ரூ.40-க்கும், பச்சை மிளகாய் ரூ.50-க்கும், முள்ளங்கி ரூ.30-க்கும், மாங்காய் ரூ.20-க்கும், கோஸ் ரூ.20-க்கும் விற்கப்படுகிறது.

கொத்தமல்லி, கறிவேப்பிலை இரண்டும் சிறிய கட்டு ரூ.5 முதல் ரூ.10 வரை விற்கிறது.

விலை உயர்வு குறித்து கோயம்பேட்டை சேர்ந்த வியாபாரி ஒருவர் கூறியதாவது:-

தற்போது கோடை காலத்தையொட்டி காய்கறி விளைச்சல் குறைந்துள்ளது. விளையும் காய்கறிகள் அந்தந்த பகுதிகளில் உள்ள சந்தைகளில் விற்று தீர்ந்து விடுகின்றன.

இதன் காரணமாக கோயம்பேட்டுக்கு காய்கறி வரத்து குறைந்துள்ளது. ஆந்திரா, கர்நாடக மாநிலங்களில் இருந்து கோயம்பேட்டுக்கு காய்கறிகள் கொண்டு வரப்படுகிறது. இதனால் காய்கறிகளின் விலை கடுமையாக உயர்ந்துள்ளது.

- மாலைமலர்

by ராஜு சரவணன் Wed Jun 12, 2013 12:07 pm

இந்த விலை உயர்வில் கொள்ளை லாபம் பார்ப்பது இடைதரகர்கள் மட்டுமே பாவம் விவசாயிக்கு எப்போதும் கிடைக்கும் அதே பணம் தான் சோகம்

by **krishnaamma** Wed Jun 12, 2013 12:29 pm

இங்கு மட்டும் என்ன வாழுது? பீன்ஸ் 120 ருபாய், கொத்துமல்லி ஒரு கட்டு 30 ருபாய் இக்கரைக்கு அக்கறை பச்சை சோகம்

by **Muthumohamed** Wed Jun 12, 2013 12:40 pm

ராஜு சரவணன் wrote:இந்த விலை உயர்வில் கொள்ளை லாபம் பார்ப்பது இடைதரகர்கள் மட்டுமே பாவம் விவசாயிக்கு எப்போதும் கிடைக்கும் அதே பணம் தான்

உண்மை தான் சூப்பருங்க

by **krishnaamma** Wed Jun 12, 2013 12:43 pm

இனி நான் காய்கறி யே இல்லாத ரெசிப் தான் தரணுமா? சோகம்

by **Muthumohamed** Wed Jun 12, 2013 12:48 pm

krishnaamma wrote:இனி நான் காய்கறி யே இல்லாத ரெசிப் தான் தரணுமா?

மழை பெய்ய துவங்கி விட்டதல்லவா இன்னும் கொஞ்ச நாளில் விலை குறைய வாய்ப்பு இருக்கிறது அம்மா

by **krishnaamma** Wed Jun 12, 2013 2:17 pm

Muthumohamed wrote:
krishnaamma wrote:இனி நான் காய்கறி யே இல்லாத ரெசிப் தான் தரணுமா?

மழை பெய்ய துவங்கி விட்டதல்லவா இன்னும் கொஞ்ச நாளில் விலை குறைய வாய்ப்பு இருக்கிறது அம்மா

நல்லது முத்து புன்னகை