என்னவள்

by brinchal Sat Jun 08, 2013 5:29 pm

கற்பனையை கவி எடுக்கும் கவிஞன் நான்
சிந்தனையை சிலை வடிக்கும் சிற்பி நான்
இதோ நிஜத்தினைப் படமெடுக்கின்றேன்
என்னவளுக்காக.........................................
தென்றலோ தேன் மல்லிப் பூவோ
நீலவானமோ ஒளி வீசும் மின்னலோ
அவள் பெண்ணோ பதுமையோ
இல்லை பூமியில் முளைத்த புது நிலவோ
ஸ்கூட்டியில் பயணம் செய்யும் நிலா மகளோ
மொத்தத்தில் என் மனம் கவர்ந்த மாயக்காரி

தோகை விரித்தாடும் மயில்போல
சேலை உடுத்தத் தெரிந்தவள்
மெல்லிய நீரோடையில் நடை பயின்றவள்
வளைந்து செல்லும் கொடி முல்லை இடையழகி
அவள் சிரிப்பில் எனை சிறைவைத்தாள்
பிள்ளைமொழி பேசி என் வாயடைத்தாள்

கூவும் குயிலோடு போட்டியிட்டு
பறவைகளின் ராணி ஆனாள்
தீட்டிய ஓவியமாய் கண்கள்
வெடித்த மாதுளையாய் செவ்விதழ்கள்
மொத்தத்தில் கனிந்த திராட்சை தோட்டம்
மலர் சூடினால் பெண்மைக்கு சிறப்பு
இவள் சூடினால் மலருக்கு சிறப்பு
இவளின் கார்மேக கூந்தலில் இடம்பிடிக்க
மலர்களுக்குள் தினம் மரண யுத்தம்
வீதியில் இவள் நடந்தால்
தேர்களும் தலை கவிழும்

வான்முட்டும் சிறப்புடையவளாயினும்
கனிவாய் பேசும் பெண்மகவு
ஆசையாய் கொஞ்சும் பச்சைக்கிளி
ஆர்பாட்டம் இல்லா அத்தை மகள்
மௌனம் காக்கும் காதலி
என்னவள் இரு பெரும் கிரஹங்கள் பெற்றெடுத்த
கதிரவனின் தங்கை

by யினியவன் Sat Jun 08, 2013 5:31 pm

மற்ற இனைய தளங்களுக்கு இட்டுச் செல்லும் இணைப்புகளை தர வேண்டாம் - நீக்கப் பட்டது.

by பூவன் Sat Jun 08, 2013 5:36 pm

மலர் சூடினால் பெண்மைக்கு சிறப்பு
இவள் சூடினால் மலருக்கு சிறப்பு
இவளின் கார்மேக கூந்தலில் இடம்பிடிக்க
மலர்களுக்குள் தினம் மரண யுத்தம்
வீதியில் இவள் நடந்தால்
தேர்களும் தலை கவிழும்

விழிகளில் தீவிரவாதமோ
வீல்களும் கழண்டு தேரும் தலை கவிழ .... அருமையிருக்கு