மூக்கடலையின் குணங்கள்

by தாமு Fri Oct 23, 2009 5:59 am

கொண்டைக் கடலை எனப்படும் மூக்கடலையில் புரதம், இரும்புச் சத்து, சுண்ணாம்புச் சத்து மற்றும் பல வைட்டமின்களும், ஊட்டச்சத்துகளும் உள்ளன.

மூக்கடலைக்கு மருத்துவ குணங்கள் பல உண்டு.

மூக்கடலையை சுண்டல் செய்து உண்பதும் மிகச் சிறந்தது.

மூக்கடலை சுண்டல் சாப்பிட்டு வந்தால் நரம்புகள் பலமடையும், உடல் உறுதியாகும்.

கடலையை அரைத்துப் பாலில் கலந்து குடித்தால் சீதக் கழிச்சல் குணமாகும்.

பச்சைக் கொண்டைக் கடலையை ஊறவைத்து சாப்பிட்டால் சளி, இருமல் குணமாகும். நுரையீரல் தொடர்பான நோய்களும் குணமாகும்.

by தாமு Fri Oct 23, 2009 5:59 am

மூக்கடலையை சாப்பிடக் கூடாதவர்கள்

மூக்கடலை பொதுவாக மருத்துவ குணங்களைக் கொண்டதுதான். ஆனாலும் அதில் சில பிரச்சினைகளை ஏற்படுத்தும் விஷயமும் உள்ளது.

அதாவது, மூல நோய் உள்ளவர்கள், மலச்சிக்கல் பிரச்சினை உடையவர்கள், வாத நோய் உள்ளவர்கள் கொண்டைக் கடலையை அதிகமாகச் சாப்பிடக் கூடாது.

அவ்வாறு அதிகமாகச் சாப்பிட்டால் வயிறு உப்பசம், கழிச்சல், வயிற்றுவலி, மிகுந்த தாகம், மயக்கம், மூலநோய், உடல் வெப்பம் ஆகியவை உண்டாகும்.

எனவே மேற்கூறிய பிரச்சினைகள் உடையவர்கள் இதனை அளவாகவும், மிகக் குறைந்த அளவோடும் சாப்பிடலாம்.