சுவாமி சரியானந்தா

by **சிவா** Thu May 30, 2013 6:33 pm

அந்த சாமியாரின் பெயர் சுவாமி சரியானந்தா. அவரிடம் எப்போதும் கூட்டம் அலைமோதும். அவர் சொன்னால் அது பலிக்கும். அவர் சொல்லி எதுவுமே நடக்காமல் போனதில்லை. அதனாலேயே அவருக்கு சுவாமி சரியானந்தா என்ற பெயர் வந்துவிட்டது. மேட்டுக்குப்பம் பக்தர்களிலிருந்து நியுஜெர்சி பக்தர்கள் வரை எல்லோருக்கும் அவர் ஒரு மகான். அவர் கேட்கும் தொகையை செலுத்திவிட்டு அருள்வாக்கு வாங்கிச் செல்வார்கள்.

”சாமி”

”உனக்கென்னம்மா தெரியவேண்டும்”

”எனக்குப் பிறக்கப் போகும் குழந்தை ஆணா பெண்ணா?”

”என்னைப் போலவே உனக்கொரு மாயக் கண்ணன் வந்து பிறப்பான் மகளே”

ஆயிரம் ரூபாய் தட்சணை வைத்துவிட்டு, பக்தை அவர் காலில் விழுந்து ஆசிர்வாதம் வாங்கியவுடன் அடுத்த பக்தர் பரவசத்துடன் நுழைகிறார்.

”சுவாமி”

”சொல் குழந்தாய்”

”எனக்கு வேலை கிடைக்குமா? கிடைக்காதா?”

”நிச்சயம் கிடைக்கும், மகிழ்ச்சியுடன் போ”

தட்டில் சில நூறுகளை வைத்துவிட்டு அவர் நகர அடுத்த பக்தர் வருகிறார்.

”குருஜி”

”எனக்கு இந்த டென்டர் கிடைக்குமா?”

”நமது ஆசிரமத்திற்கு 10 இலட்சம் கொடுத்தால் அந்த 100 கோடி டென்டர் உனக்குதான்?”

”இதை நான் எப்படி நம்புவது?”

”ஹா..ஹா..ஹா..சந்தேகப் பதரே.. என் மேலேயே சந்தேகமா... இருக்கட்டும்... சிஷ்யா?”

”சொல்லுங்கள் குருவே”

”டென்டர் கிடைக்கும் என்று நான் சொன்னதை அந்த நோட்டுப் புத்தகத்தில் எழுதிக்கொண்டு பத்து லட்சம் வாங்கியபின், இந்த சநதேகபுத்தி அற்பனை அனுப்பி வை”

”உத்தரவு குருவே”

தட்சணையை வாங்கி உண்டியலில் போட்டபடி ”டென்டர் கிடைக்காது” என்று நோட்டுப் புத்தகத்தில் சிஷய்ர் எழுதுகிறார். பிறகு . . .

”குருவே எனக்கொரு சந்தேகம்”

”கேள் சிஷ்யா”

”ஆண் பிறக்கும் என்று குறி சொல்கிறீர்கள். ஆனால் நோட்டுப் புத்தகத்தில் பெண் என்று எழுதச் சொல்கிறீர்கள். வேலை கிடைக்கும் என்று குறி சொல்கிறீர்கள். ஆனால் நோட்டுப் புத்தகத்தில் வேலை கிடைக்காது என்று எழுதச் சொல்கிறீர்கள். டென்டர் கிடைக்கும் என்று குறி சொல்கிறீர்கள். ஆனால் டென்டர் கிடைக்காது என்று நோட்டுப்புத்தகத்தில் எழுதச் சொல்கிறீர்கள். ஏன் இப்படி?”

”சிஷ்யா !!! இது இந்த முட்டாள் பக்தர்களை ஏமாற்றும் எளிய வழி. யாருக்காவது நான் சொன்னது நடக்காமல் போனால் உடனே என்னிடம் தான் மீண்டும் வருவார்கள். அப்போது இந்த நோட்டுப் புத்தகம்தான் நம்மை காப்பாற்றும்”

”எப்படி?”, என்று சிஷ்யர் கேட்க, அடுத்து ஒரு பெண் பக்தை உள்ளே வருகிறார். முகத்தில் பதற்றம், ஏமாற்றம்.

”சாமி..ஏன் என்னை கைவிட்டுட்டீங்க?”

”அழாமல் விஷயத்தை சொல் பக்தையே”

”எனக்கு ஆண் பிறக்கும் என்று சொன்னீர்கள். ஆனால் பெண் குழந்தை பிறந்துவிட்டதே”

”பக்தையே நீ தவறாகச் சொல்கிறாய். நான் சரியாகத்தான் சொன்னேன். சிஷ்யா அந்த நோட்டுப் புத்தகத்தை எடுத்துக் காட்டு”

”அட ஆம் குருவே, பெண் குழந்தைதான் பிறக்கும் என்று நீங்கள் சொல்லியிருக்கிறீர்கள். அம்மா நீங்களும் பாருங்கள்”, என்று சிஷ்யர் நோட்டுப்புத்தகத்தை நீட்ட அந்தப் பெண் அதைப் படித்துவிட்டு கன்னத்தில் போட்டுக் கொள்கிறாள்.

”ஐயோ சாமி..நான் தான் உங்களை தப்பா நினைச்சுட்டேன். என்னை மன்னிச்சிடுங்க”, புலம்பிக் கொண்டே வெளியே சென்ற பின் குருஜி புன்னகைக்கிறார்.

”சிஷ்யா, இப்போது புரிகிறதா நான் ஏன் உன்னை மாற்றி எழுதச் சொல்கிறேன் என்று?”

”புரிகிறது குருவே..இந்த உலகில் உங்களை வெல்ல யாரும் இல்லை”

by **Muthumohamed** Thu May 30, 2013 6:37 pm

நகைச்சுவை பதிவு சூப்பருங்க

by balakarthik Thu May 30, 2013 7:07 pm

எப்படி மறைச்சு வச்சாலும் ஆஸ்ரம தகவல் உடனே கசிகிறது ஆஸ்ரமத்தில் எங்கோ ஒரு கருப்பு ஆடு உள்ளது சீக்கிரமே அதை பொலிபொடவெண்டும் அருமையிருக்கு

by அசுரன் Thu May 30, 2013 9:59 pm

balakarthik wrote:எப்படி மறைச்சு வச்சாலும் ஆஸ்ரம தகவல் உடனே கசிகிறது ஆஸ்ரமத்தில் எங்கோ ஒரு கருப்பு ஆடு உள்ளது சீக்கிரமே அதை பொலிபொடவெண்டும்

அந்த ஆட்டை புடிச்சி பிரியாணி போட்டா எல்லாம் சரியாகிவிடும்

by யினியவன் Thu May 30, 2013 10:03 pm

மலேயாவில் ஆசிரமம் எல்லாம் நடத்தலாம் போலிருக்கு - வாழ்க சிவானந்தா

by **சிவா** Fri May 31, 2013 5:59 am

யினியவன் wrote:மலேயாவில் ஆசிரமம் எல்லாம் நடத்தலாம் போலிருக்கு - வாழ்க சிவானந்தா

தலைமைச் சீடனே வருக...

by **krishnaamma** Fri May 31, 2013 8:59 am

நல்ல கதை சிவா புன்னகை

.
.
:அடபாவி: எப்படியெல்லாம் ஏமாத்தறா ?

by **krishnaamma** Fri May 31, 2013 8:59 am

சிவா wrote:
யினியவன் wrote:மலேயாவில் ஆசிரமம் எல்லாம் நடத்தலாம் போலிருக்கு - வாழ்க சிவானந்தா

தலைமைச் சீடனே வருக...

இவர்தான் உங்க டைரி எழுதும் சீடனா ? சிப்பு வருது

by யினியவன் Fri May 31, 2013 10:33 am

krishnaamma wrote:இவர்தான் உங்க டைரி எழுதும் சீடனா ?

அம்மா வீடியோவே இருக்கு டாரண்ட் லிங்க் தரேன் சீக்கிரம் சிரிப்பு

by **சிவா** Fri May 31, 2013 10:34 am

krishnaamma wrote:
சிவா wrote:
யினியவன் wrote:மலேயாவில் ஆசிரமம் எல்லாம் நடத்தலாம் போலிருக்கு - வாழ்க சிவானந்தா

தலைமைச் சீடனே வருக...

இவர்தான் உங்க டைரி எழுதும் சீடனா ? :

மிகச் சரியாகக் கூறிவிட்டீர்கள் அக்கா!