பூண்டு ஊறுகாய்

by **சிவா** Mon May 20, 2013 2:54 am

http://media.dinamani.com/2013/05/18/garlic.JPG/article1595778.ece/alternates/w460/garlic.JPG

ஊறுகாய் பிடிக்காதவர்கள் கூட பூண்டு ஊறுகாயை விரும்பி சாப்பிடுவார்கள். காரணம், அது உடலுக்கு நல்லது என்பதால். வீட்டிலேயே ருசியான பூண்டு ஊறுகாயை செய்யலாம்.

தேவையான பொருட்கள்

பூண்டு - 2 கப் (தோல் உரித்தது)

வறுத்து அரைத்த சீரகத் தூள் -4 ஸ்பூன்

மிளகாய் தூள் - 4 ஸ்பூன்

வெந்தயத் தூள் - 2 ஸ்பூன்

மஞ்சள் தூள் - அரை ஸ்பூன்

எலுமிச்சை சாறு - கால் கப்

எண்ணெய், உப்பு கடுகு - தேவையான அளவு

செய்முறை

கடாயில் எண்ணெய் ஊற்றி காய்ந்ததும் கடுகு போட்டு தாளித்து, அதில் பூண்டு, மஞ்சள் தூள் சேர்த்து வதக்கவும்.

பூண்டு வதங்கியதும் அதில் மிளகாய் தூள், வெந்தயத்தூள், சீரகத்தூள், உப்பு சேர்த்து கிளறி இறக்கவும்.

இறக்கியதும் எலுமிச்சை சாறை சேர்த்து கிளறி மூடி வைக்கவும்.

பூண்டில் மசாலா தன்மை ஊறியதும் பயன்படுத்தலாம்.

by **ராஜா** Mon May 20, 2013 10:59 am

சூப்பர் தல எனக்கு மிகவும் பிடித்த ஊறுகாய் இது. சில நேரம் குழம்புக்கு பதில் சாதத்துடன் சேர்த்து சாப்பிட்டுவிடுவேன்

by **மாணிக்கம் நடேசன்** Mon May 20, 2013 11:05 am

ஐயோ , மாமா அங்கள் நல்ல சமையல் குறிப்பெல்லாம் தர்ராருங்க.

by பாலாஜி Mon May 20, 2013 11:46 am

மாணிக்கம் நடேசன் wrote:ஐயோ , மாமா அங்கள் நல்ல சமையல் குறிப்பெல்லாம் தர்ராருங்க.

எல்லாம் அனுபவம் தானே

by **மாணிக்கம் நடேசன்** Mon May 20, 2013 5:52 pm

நேருல பாத்தா அப்படி ஒன்னும் தெரியலையே, அன்னைக்கு அக்காதான் சமச்சி கிட்டு இருந்தாங்க. மாமா அங்கள் மட்டும் லுங்கி கட்டிட்டு காலு மேல காலு போட்டு கிட்டு டிவி பாத்துகிட்டுல்ல இருந்தாரு. எங்க மாமா அங்கள் சூப்பர் நடிகருங்கோ.