பனை ஓலை கருப்பட்டி கொழுக்கட்டை

தேவையான பொருட்கள்:

பச்சரிசி-200 கிராம்
கருப்பட்டி-100 கிராம்
துருவிய தேங்காய்-1 கப்
ஏலக்காய்-2 பொடி செய்தது
பனை ஒலை-கெஞ்சம் (சதுர வடிவத்தில் நீளமாக வெட்டியது)

செய்முறை:

* பச்சரிசியை ஊறவைத்து, நிழலில் உலர்த்தி உரலிலிட்டு இடித்து மாவாக்கி சலித்துக் கொள்ளவும்.

* துருவிய தேங்காய், கருப்பட்டி, ஏலப்பொடி கலந்து பூரணம் செய்து கொள்ளவும்.

* மாவை தண்ணீர் சேர்த்து நன்றாகப் பிசைந்து கொள்ளவும்.

* மாவை உருண்டைகளாக்கி, பூரிபோல தேய்த்து, சதுர வடிவில் ஓலையின் நடுவில் இருக்கும்படியாக வைத்து அழுத்திக் கொள்ளவும்.

* தயாராக இருக்கும் பூரணத்தை நடுவில் வைத்து ஓலையை இருபுறமும் மூடி நூலால் கட்டவும்.

* கட்டியவற்றை தட்டில் அடுக்கி ஆவியில் வேகவைக்கவும்.

நன்றி கலகலப்பு